လံာ်စီၤယိၤဘး 3:21 - Sgaw Karen Common Bible

²¹ အဝဲသ့ၣ်ဆၢသံဘၣ်ဆၣ်တၢ်သံတဟဲတုၤအိၣ်အီၤဘၣ်. ဒီးဘၣ်ဃုဝဲတၢ်သွၣ်ခိၣ်ဒ်တၢ်လုၢ်ဒိၣ်ပှ့ၤဒိၣ်လၢအဘၣ်တၢ်ပာ် ခူသူၣ်အီၤအသိးန့ၣ်လီၤ.

လံာ်စီၤယိၤဘး 3:21 Iomraidhean Croise

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်စီၤယိၤဘး 11:20

မ့မ့ၢ်ပှၤတတီတလိၤတဖၣ် ကကွၢ်တၢ်ဝးဝးလၢ တၢ်သးဟးဂီၤအပူၤဒီး ထံၣ်ဘၣ်ဝဲလၢတၢ်ထူၣ်ဖျဲး အဂီၢ်ကျဲတအိၣ်နီတဘိဘၣ်. အဝဲသ့ၣ်အတၢ်မုၢ် လၢ်ထဲတမံၤဧိၤမ့ၢ်ဒၣ်တၢ်သံကဟဲဝဲန့ၣ်လီၤ.

လံာ်စီၤယိၤဘး 3:22

အဝဲသ့ၣ်အသးအုးတုၤအကတီၢ်လၢအသံဒီးဘၣ်တၢ်ခူၣ်လီၤ ကွံာ်အီၤန့ၣ်လီၤ.

လံာ်စီၤယိၤဘး 6:8

ဘၣ်မနုၤလၢကစၢ်ယွၤတဟ့ၣ်ယၤတၢ်လၢယဃ့န့ၣ်လဲၣ်. ဘၣ်မနုၤလၢအဝဲတစံးဆၢယတၢ်ထုကဖၣ်န့ၣ်လဲၣ်.

လံာ်စီၤယိၤဘး 6:9

မ့ၢ်အသးအိၣ်ဒၣ်ထဲလၢကမၤသံယၤန့ၣ်ဧါ. ကပျၢ်စုပျၢ်ခီၣ်ဒီး ဒီၣ်တဲာ်ကွံာ်ယၤန့ၣ်ဧါ.

လံာ်စီၤယိၤဘး 7:15

တုၤဒၣ်လဲာ်ယအဲၣ်ဒိးဘၣ်တၢ်စံၢ်သံယၤဒိၣ်န့ၢ်ဒံးယကအိၣ် မူလၢယနီၢ်ခိနီၢ်ကစၢ်လၢအဘၣ်နးဘၣ်ဖှီၣ်အပူၤအံၤတက့ၢ်န့ၣ်လီၤ.

တၢ်ကတိၤဒိ. 2:4

ဃုအီၤဆူၣ်ဆူၣ်ဒ်နဃုစ့, မ့တမ့ၢ်ဒ်တၢ်လုၢ်ဒိၣ်ပှ့ၤဒိၣ်အိၣ်ခူ သူၣ်တနီၤနီၤအသိးတက့ၢ်.

လံာ်ပှၤစံၣ်တဲၤတဲလီၤတၢ် 4:2

ယသူၣ်က့ၣ်သးကါဘၣ်ပှၤတဖၣ်လၢအသံဒီးက့ၤတ့ၢ်လံန့ၣ်လီၤ. တၢ်မၤအသးလၢအဝဲသ့ၣ်အဂီၢ်ဂ့ၤဒိၣ်န့ၢ်ဒံးပှၤလၢအအိၣ်မူဒံး တဖၣ်တက့ၢ်လီၤ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်ယိၤနါ 4:3

ဒီးခဲကနံၣ်အံၤ, ယွၤဧၢ, ဟံးန့ၢ်ကွံာ်ယသးသမူလၢယၤန့ၣ်တက့ၢ်. ယဃ့ကညးနၤလီၤ. အဂ့ၢ်ဒ်အံၤ, ယသံဂ့ၤန့ၢ်ယမူတက့ၢ်လီၤ.”

လံာ်ယိၤနါ 4:8

တုၤမုၢ်ဟဲထီၣ်န့ၣ်ကစၢ်ယွၤဆှၢလီၤကလံၤကိၢ်လၢမုၢ်ထီၣ်, ဒီးမုၢ်ဆဲးဘၣ်စီၤယိၤနါအခိၣ်ဒီးလီၤဘှါဝဲလီၤ. မၤသးဒ်န့ၣ်ဒီး, ဆၢဝဲလၢအကသံလီၤ. ဒီးစံးဝဲဒၣ်, “အဂ့ၢ်ဒ်အံၤ, ယသံန့ၣ်ဂ့ၤန့ၢ်ယမူတက့ၢ်လီၤ.”

လံာ်တၢ်ဂံၢ် 11:15

နမ့ၢ်အဲၣ်ဒိးမၤယၤဒ်အံၤန့ၣ်ဒီးသးကညီၤယၤဒီးမၤသံကွံာ် ယၤဒ်သိးယသုတတူၢ်ဘၣ်နတၢ်မၤဆါလၢတအိၣ်ဒီးတၢ်သးကညီၤအံၤ လၢၤတဂ့ၤန့ၣ်တက့ၢ်.”

လံာ်လီၣ်ဖျါ 9:6

ဖဲတၢ်ယဲၢ်လါအဆၢကတီၢ်အဝဲအံၤန့ၣ်, အဝဲသ့ၣ်ကဃုတၢ်သံဘၣ်ဆၣ်တထံၣ်န့ၢ်ဘၣ်အီၤဘၣ်, အဝဲသ့ၣ်ကအဲၣ်ဒိးသံဘၣ်ဆၣ်ဒီးတၢ်သံကဃ့ၢ်ကွံာ်လၢ အဝဲသ့ၣ်အအိၣ်လီၤ.