လံာ်စီၤယိၤဘး 3:11 - Sgaw Karen Common Bible

¹¹ ယဆၢလၢယကသံတ့ၢ်လၢယမိၢ်အဒၢလီၢ်ပူၤလံၤလံၤမ့တမ့ၢ် ယကသံဖဲယအိၣ်ဖျဲၣ်ထီၣ်အကတီၢ်န့ၣ်လီၤ.

လံာ်စီၤယိၤဘး 3:11 Iomraidhean Croise

လံာ်စီၤယိၤဘး 3:10

ဆိၣ်အၢမုၢ်တနၤန့ၣ်လၢအပျဲယကအိၣ်ဖျဲၣ်ထီၣ်အဃိဒီးလၢအ ဒုးဘၣ်သဂၢၢ်ယၤလၢတၢ်ကီတၢ်ခဲဒီးတၢ်သးအုးအဃိန့ၣ် တက့ၢ်.

လံာ်စီၤယိၤဘး 3:12

ဘၣ်မနုၤလၢယမိၢ်စိာ်ယၤလၢအခီၣ်လ့ၣ်ခိၣ်အလိၤန့ၣ်လဲၣ်. ဘၣ်မနုၤလၢအဝဲဒုးအီနူၢ်ယၤန့ၣ်လဲၣ်.

စံးထီၣ်ပတြၢၤ 58:8

မ်အလီၤဂာ်ဒ်ချိၣ်လၢအပှံၢ်လီၤဝဲဒီးဟါမၢ်ကွံာ်အသိး, ဒီးဒ်ဖိသၣ်လီၤလူးတဂၤအသိး မ်အသုတထံၣ်ဘၣ်မုၢ်နီတစုတဂ့ၤ.

စံးထီၣ်ပတြၢၤ 71:6

ယသန့ၤတ့ၢ်ယသးလၢနၤစးထီၣ်လၢယအိၣ်ဖျဲၣ်, နမ့ၢ်ပှၤလၢအထုးထီၣ်ယၤလၢ ယမိၢ်အဟၢဖၢအပူၤန့ၣ်လီၤ. ယကစံးထီၣ်ပတြၢၤနၤတထံၣ်ဃီလီၤ.

လံာ်ပှၤစံၣ်တဲၤတဲလီၤတၢ် 4:2

ယသူၣ်က့ၣ်သးကါဘၣ်ပှၤတဖၣ်လၢအသံဒီးက့ၤတ့ၢ်လံန့ၣ်လီၤ. တၢ်မၤအသးလၢအဝဲသ့ၣ်အဂီၢ်ဂ့ၤဒိၣ်န့ၢ်ဒံးပှၤလၢအအိၣ်မူဒံး တဖၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 4:3

ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 6:5

တထံၣ်ဘၣ်မုၢ်ဆါအတၢ်ကပီၤနီတစုမ့ၢ်ဂ့ၤ, တသ့ၣ်ညါတၢ်အိၣ်မူလီၤဂာ်ဒ်လဲၣ်မ့ၢ်ဂ့ၤန့ၣ်ဘၣ်. ဘၣ်ဆၣ်ဒီးအစှၤကတၢၢ်န့ၣ်, ထံၣ်ဘၣ်တ့ၢ်တၢ်အိၣ်ဘှံး,

လံာ်ယၡါယၤ 46:3

ဒိကနၣ်ယၤတက့ၢ်, စီၤယၤကိာ်အစၢၤအသွဲၣ်, ပှၤအိၣ်လီၤတဲာ်ခဲလၢာ်လၢယပှၤဂီၢ်မုၢ်အကျါသ့ၣ်ဧၢ, ယသူၣ်အိၣ်သးအိၣ်တ့ၢ်သုစးထီၣ်လၢသုအိၣ်ဖျဲၣ်ထီၣ်အဆၢ ကတီၢ်လီၤ.

လံာ်ယံးရမံယၤ 15:10

ယမ့ၢ်ပှၤတဂၤလၢအသးဘၣ်ဖှီၣ်လီၤ. ဘၣ်မနုၤအဃိယမိၢ် ဆံးစၢ်ထီၣ်ယၤလၢဟီၣ်ခိၣ်ချၢအံၤန့ၣ်လဲၣ်. ယဘၣ်အ့ၣ်လိာ် ယသးဒီးဂ့ၢ်လိာ်တၢ်ဒီးပှၤကိးဂၤဒဲးလၢကီၢ်အံၤအပူၤန့ၣ်လီၤ. ယတဟ့ၣ်လိၢ်လီၤစ့မ့ၢ်ဂ့ၤ, ဃ့လိၢ်စ့မ့ၢ်ဂ့ၤနီတမံၤဘၣ်. အန့ၣ်ဒၣ်လဲာ်, ပှၤကိးဂၤဒဲးဆိၣ်အၢယၤန့ၣ်လီၤ.

လံာ်ယံးရမံယၤ 20:17

အဂ့ၢ်ဒ်အံၤ, အဝဲတမၤသံကွံာ်ဘၣ်ယၤတချုးဖဲယအိၣ်ဖျဲၣ်ထီၣ် ဒံးဘၣ်အဃိလီၤ. အဝဲမ့ၢ်မၤသံတ့ၢ်ယၤဒီး, ယမိၢ်အဒၢလီၢ် ကကဲထီၣ်တ့ၢ်ယသွၣ်ခိၣ်န့ၣ်လီၤ.

လံာ်ဟိၤၡ့ 9:14

ယကဘၣ်ဃ့နၤလၢနကဘၣ်မၤပှၤဂီၢ်မုၢ်အံၤဒ်လဲၣ်. မၤတူာ်ဖိအပှၤပိာ်မုၣ်တဖၣ်တက့ၢ်. မၤဒ်သိးအဝဲသ့ၣ်ဒုးအီၣ်အဖိဆံး တဖၣ်အနုၢ်ထံသုတသ့တဂ့ၤန့ၣ်တက့ၢ်.