လံာ်စီၤယိၤဘး 28:13 - Sgaw Karen Common Bible

¹³ တၢ်ကူၣ်သ့န့ၣ်တဘၣ်တၢ်ထံၣ်န့ၢ်အီၤလၢပှၤကညီအကျါဘၣ်. အလုၢ်အပှ့ၤနီၢ်နီၢ်န့ၣ်ပှၤတသ့ၣ်ညါနီတဂၤဘၣ်.

လံာ်စီၤယိၤဘး 28:13 Iomraidhean Croise

လံာ်စီၤယိၤဘး 28:14

တၢ်ယိာ်ပူၤစံးဝဲဒၣ်, တအိၣ်ဘၣ်လၢယပူၤဘၣ်. ဒီးပီၣ်လဲၣ်စံးဝဲဒၣ်, တအိၣ်ဘၣ်ဒီးယၤဘၣ်.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

စံးထီၣ်ပတြၢၤ 19:10

ပဆၢဒိးန့ၢ်ဘၣ်အီၤအလီၢ်အိၣ်ဒိၣ်န့ၢ်ထူ, ဒီးဒိၣ်န့ၢ်ထူအစီလၢအအါတက့ၢ်န့ၣ်လီၤ. မ့ၢ်အဆၢန့ၢ်ကနဲစီ, ဒီးကနဲစီလၢအလီၤစီၤလၢ ကနဲအခိၣ်ထံအလိၤတက့ၢ်န့ၣ်လီၤ.

စံးထီၣ်ပတြၢၤ 27:13

ယနာ်လၢယကအိၣ်မူထံၣ်ဘၣ်ယွၤအတၢ်ဂ့ၤတၢ်ဝါလၢပှၤ အမူတဖၣ်အကီၢ်အပူၤန့ၣ်လီၤ.

စံးထီၣ်ပတြၢၤ 52:5

မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ. အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ, ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

တၢ်ကတိၤဒိ. 8:11

ယဲဒၣ်အံၤယမ့ၢ်တၢ်ကူၣ်သ့ဒီးယဂ့ၤန့ၢ်တၢ်မျၢ်ပလဲ တဖၣ်လီၤ. တၢ်လၢသုသးလီန့ၣ်, သုထိၣ်သတြီၤဒီးယၤတသ့နီတမံၤဘၣ်.

လံာ်ယၡါယၤ 38:11

ယဆိကမိၣ်တ့ၢ်, လၢပှၤမူတဖၣ်အကီၢ်ပူၤအံၤ, ယတထံၣ်ဘၣ်ကဒီးယွၤမ့ၢ်ဂ့ၤ, ပှၤအမူတဂၤဂၤမ့ၢ်ဂ့ၤ, နီတစုလၢၤဘၣ်.

လံာ်ယၡါယၤ 53:8

အဝဲဘၣ်တၢ်ဖီၣ်အီၤဒီးစံၣ်ညီၣ်အီၤဒီးဆှၢထီၣ်ကွံာ်အီၤလၢ တၢ်ကမၤသံအီၤအဂီၢ်လီၤ. ဒီးတၢ်မၤအသးဒီးအီၤန့ၣ်ပှၤတကနၣ်ဃုာ်နီတဂၤဘၣ်. အဝဲဘၣ်တၢ်မၤသံအီၤလၢပပှၤဂီၢ်မုၢ်အတၢ်ဒဲးဘးတဖၣ် အဃိလီၤ.

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ယဃ့းစက့လး 32:24

ကီၢ်ဧ့ၤလၣ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်လၢအအိၣ် ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤလၢ တၢ်ဒုးအပူၤဒီးအဝဲလဲၤလီၤဝဲဒၣ်ဆူပှၤသံတဖၣ်အကီၢ်ပူၤတအိၣ် ဘၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. ဖဲအအိၣ်မူဒံးအ ခါန့ၣ်အဝဲသ့ၣ်, ရၤလီၤတၢ်မၤပျံၤမၤဖုး, ဘၣ်ဆၣ်ခဲအံၤအဝဲသ့ၣ် သံကွံာ်ဝဲဒၣ်လၢတၢ်လီၤမဲာ်ဆှးအပူၤန့ၣ်လီၤ.