လံာ်စီၤယိၤဘး 27:23 - Sgaw Karen Common Bible

²³ ကလံၤမုၢ်အူဘၣ်အီၤဖဲအဝဲသ့ၣ်ဃ့ၢ်ဝဲ, ဒီးမၤပျံၤမၤဖုးအီၤ လၢတၢ်ဟးရူာ်ဟးဂီၤအစိအကမီၤန့ၣ်လီၤ.

လံာ်စီၤယိၤဘး 27:23 Iomraidhean Croise

လံာ်စီၤပၤအခီၣ်ထံးတဘ့ၣ် 9:8

ယွၤအတၢ်လုၢ်ဟံၣ်အံၤကကဲထီၣ်တၢ်ဟးဂီၤအပူၣ်တပူၣ်, ဒီးကယဲၢ်ပှၤတဂၤလၢ်လၢ်လၢအလဲၤခီဂာ်အီၤန့ၣ်ကသူၣ်ပျံၤသးဖုး ဒီးကမၢကမၣ်ဝဲဒီးကစံးဝဲ, ယွၤမၤကီၢ်အံၤဒီးယွၤအတၢ်လုၢ်ဟံၣ်အံၤဒ်သိးအံၤ, ဘၣ်မနုၤလဲၣ်.

လံာ်စီၤယိၤဘး 18:18

အဝဲကဘၣ်တၢ်ဟီထီၣ်ကွံာ်အီၤလၢပှၤမူအကီၢ်ဒီးကဘၣ်တၢ် ဟီထီၣ်ကွံာ်အီၤလၢတၢ်ကပီၤဆူတၢ်ခံးတၢ်နၤအပူၤန့ၣ်လီၤ.

လံာ်စီၤယိၤဘး 20:8

အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

လံာ်စီၤယိၤဘး 28:1

စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

လံာ်စီၤယိၤဘး 34:37

အဝဲပာ်ဖှိၣ်တၢ်ပူထီၣ်လၢအတၢ်ဒဲးဘးတဖၣ်အဖီခိၣ်, ဒဲအစုလၢပကျါလၢတၢ်ဒုၣ်ဒွဲၣ်အပူၤ, ဒီးမၤအါထီၣ်အတၢ် ကတိၤတဖၣ်ထီဒါကစၢ်ယွၤလီၤ.

လံာ်စီၤယိၤဘး 7:10

အဝဲဘၣ်တၢ်သးပ့ၤနီၣ်ကွံာ်အီၤလၢပှၤလၢအသ့ၣ်ညါတ့ၢ်အီၤ ခဲလၢာ်န့ၣ်လီၤ.

တၢ်ကတိၤဒိ. 11:10

ဝ့ၢ်တဝ့ၢ်သးခုဝဲဖဲပှၤအတီအလိၤတဖၣ်ဘီၣ်ထီၣ်ညီထီၣ်န့ၣ်လီၤ. ဒီးတၢ်သးခုအတၢ်ကိးပသူထီၣ်တဖၣ်အိၣ်ဝဲဖဲပှၤတတီတလိၤတဖၣ် သံဝဲန့ၣ်လီၤ.

လံာ်ယံးရမံယၤ 19:8

ယကဟဲစိာ်တၢ်မၤဟးဂီၤလီၤပျံၤလီၤဖုးဒ်န့ၣ်သိးလၢဝ့ၢ်အံၤအဖီခိၣ် ဒ်သိးပှၤခဲလၢာ်လၢအလဲၤခီဘၣ်ဝ့ၢ်အံၤကပျံၤတၢ်ဖုးတၢ်ဒီး ကကမၢကမၣ်ဝဲန့ၣ်လီၤ.

လံာ်သးသယုၢ်တၢ် 2:15

ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”

လံာ်ယဃ့းစက့လး 25:6

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်နၤဃူၣ် 3:19

ကသံၣ်ဖီၣ်တအိၣ်ဘၣ်နီတမံၤလၢနတၢ်ဘၣ်ဒိဘၣ်ထံးတဖၣ် အဂီၢ်ဘၣ်. ဒီးနပူၤလီၢ်ပူၤကျဲတဖၣ်ဘျါက့ၤတသ့ဘၣ်. ကယဲၢ်ပှၤလၢအနၢ်ဟူနတၢ်ဟးဂီၤအကစီၣ်တဖၣ် န့ၣ်ဒဲအစုလၢတၢ်သူၣ်ဖှံသးညီအပူၤန့ၣ်လီၤ. အဂ့ၢ်ဒ်အံၤ, ပှၤကပူၤဖျဲးလၢနတၢ်မၤအၢမၤသီအကတၢၢ်တအိၣ်ဘၣ်န့ၣ်တ အိၣ်ဘၣ်တ့ၢ်နီတဂၤဘၣ်.

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.