လံာ်စီၤယိၤဘး 27:17 - Sgaw Karen Common Bible

¹⁷ ဘၣ်ဆၣ်ပှၤဂ့ၤပှၤဝါတနီၤကကၤဝဲတၢ်ကူတၢ်ကၤဒီးပှၤတီပှၤလိၤ တနီၤကဒိးန့ၢ်ဘၣ်စ့န့ၣ်လီၤ.

လံာ်စီၤယိၤဘး 27:17 Iomraidhean Croise

လံာ်နီၢ်အ့ၤစတၢ် 8:1

ဒီးလၢမုၢ်တနံၤဃီန့ၣ်, စီၤပၤအဃၤၡဝ့ရိၣ်ဟ့ၣ်ကွံာ်, ပှၤယူဒၤဖိတဖၣ်အဒုၣ်အဒါစီၤဟၤမၣ်, အတၢ်စုလီၢ်ခီၣ်ခိၣ်ခဲလၢာ်ဆူနီၢ်ပၤမုၣ်အ့ၤစတၢ်အအိၣ်လီၤ. နီၢ်အ့ၤစတၢ်တဲဘၣ်စီၤပၤလၢစီၤမၢ်ဒကဲၤမ့ၢ်ပှၤဒီဘူးဒီတံၢ်ဒီးအီၤ, ဒီးစးထီၣ်ဖဲန့ၣ်, စီၤမၢ်ဒကဲၤမၤန့ၢ်တၢ်အခွဲးအယာ် လၢကလဲၤနုာ်ဆူစီၤပၤအမဲာ်ညါလီၤ.

လံာ်စီၤယိၤဘး 15:29

အဝဲတထူးထီၣ်တတီၤထီၣ်ဘၣ်. ဒီးအတၢ်ဖိတၢ်လံၤတအိၣ်ဂၢၢ် ဆိးကျၢၤဘၣ်. အကဒုဒၣ်လဲာ်ကဟါမၢ်ကွံာ်ဝဲဒၣ်န့ၣ်လီၤ.

လံာ်စီၤယိၤဘး 20:10

ဒီးအဖိခွါတဖၣ်ကမၤလိၤမၤဘၣ်က့ၤအသးဒီးပှၤဖှီၣ်ဖိယာ်ဖိ ဒီးကဟ့ၣ်က့ၤတၢ်ထူးတၢ်တီၤလၢအဝဲအီၣ်ကဘျံးကဘျၣ် တ့ၢ်ဝဲန့ၣ်လီၤ.

လံာ်စီၤယိၤဘး 20:18

ကယဲၢ်တၢ်လၢအမၤတ့ၢ်ဝဲလၢအဂီၢ်ခဲလၢာ်န့ၣ် ကဟ့ၣ် လီၤကွံာ်ဝဲဒီး ကမုာ်လၤသးခုလၢအတၢ် ထူးတၢ်တီၤအပူၤအတၢ်ခွဲးတၢ်ယာ်တအိၣ်ဘၣ်

လံာ်စီၤယိၤဘး 27:16

ပှၤတတီတလိၤသ့ၣ်တဖၣ်ကအိၣ်ဝဲဒီးစ့အါမးလၢကဂံၢ်ဝဲအဂီၢ် ဒီးတၢ်ကူတၢ်ကၤအါန့ၢ်ဒံးတၢ်လၢပှၤတဂၤလိၣ်ဘၣ်ဝဲန့ၣ်လီၤ.

လံာ်စီၤယိၤဘး 3:15

အန့ၣ်ဒီးယကမံယဲဒ်စီၤပၤအဖိတဖၣ်လၢအမၤပှဲၤအဟံၣ်လၢ ထူဧိၤစ့ဧိၤ,

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်စဖါနယၤ 1:11

ပှၤအိၣ်ဝဲဆိးဝဲလၢဝ့ၢ်အလာ်ခီသ့ၣ်ဧၢ, တုၤသုနၢ်ဟူတၢ်အံၤဒီးကိးပသူထီၣ်တက့ၢ်. အဂ့ၢ်ဒ်အံၤ, ကယဲၢ်ပှၤကၤတၢ်ဖိခဲလၢာ်ကသံဝဲလီၤ.