လံာ်စီၤယိၤဘး 27:14 - Sgaw Karen Common Bible

¹⁴ အဝဲသ့ၣ်ကအိၣ်ဝဲဒီးအဖိခွါအါဂၤဘၣ်ဆၣ်ကဘၣ်တၢ်မၤ သံကွံာ်အီၤခဲလၢာ်လၢတၢ်ဒုးတၢ်ယၤအပူၤန့ၣ်လီၤ. အဖိသ့ၣ်တဖၣ်တဘျဲးအီၣ်ဘျဲးအီနီတဘျီဘၣ်န့ၣ်လီၤ.

လံာ်စီၤယိၤဘး 27:14 Iomraidhean Croise

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်စီၤယိၤဘး 15:22

အဝဲတအိၣ်ဘၣ်ဒီးတၢ်မုၢ်လၢ်နီတမံၤလၢ ကထူၣ်ဖျဲးထီၣ်လၢ တၢ်ခံးတၢ်နၤအပူၤန့ၣ်ဘၣ်. အဂ့ၢ်ဒ်အံၤ, ဒီတဘ့ၣ်ခိးပာ်စၢၤအီၤလၢ ကမၤသံအီၤအဂီၢ်ဖဲတၢ်လီၢ် တတီၤတီၤ,

လံာ်စီၤယိၤဘး 18:19

အဝဲအဖိအလံၤမ့တမ့ၢ် အစၢၤအသွဲၣ်တဖၣ်တအိၣ် လၢအပှၤဂီၢ်မုၢ်အကျါလၢၤဘၣ်. တၢ်လီၢ်ဖဲတဘျီအဝဲအိၣ်မူတ့ၢ်ဝဲန့ၣ်, ပှၤမူတ့ၢ်ဒံးတအိၣ် နီတဂၤဘၣ်.

လံာ်စီၤယိၤဘး 20:10

ဒီးအဖိခွါတဖၣ်ကမၤလိၤမၤဘၣ်က့ၤအသးဒီးပှၤဖှီၣ်ဖိယာ်ဖိ ဒီးကဟ့ၣ်က့ၤတၢ်ထူးတၢ်တီၤလၢအဝဲအီၣ်ကဘျံးကဘျၣ် တ့ၢ်ဝဲန့ၣ်လီၤ.

လံာ်စီၤယိၤဘး 4:11

ဒ်ခ့ယုၢ်တဖၣ်လၢအကမၤသံတၢ်ဒီးအီၣ်တၢ်တအိၣ်ဘၣ်အသိးအဝဲ သ့ၣ်သံဝဲဒီးကယဲၢ်အဖိတဖၣ်လီၤပြံလီၤပြါကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 109:10

မ်အဖိတဖၣ်ဟးဝ့ၤဝီၤဒီးဃ့အီၣ်တၢ်, မ်အဘၣ်တၢ်ဟီထီၣ်ကွံာ်အီၤလၢတၢ်ဟးဂီၤအလီၢ်တဖၣ်လၢအအိၣ် ဝဲဆိးဝဲန့ၣ်တက့ၢ်.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

လံာ်လူၤကၣ် 23:29

အဂ့ၢ်ဒ်အံၤ, မုၢ်နံၤမုၢ်သီတဖၣ်ကဟဲဝဲဖဲပှၤကစံး, ‘ပိာ်မုၣ်လၢအဖိတအိၣ်နီတစု, လၢအတဒၢထီၣ်နီတစု, ဒီးတဒုးအီၣ်နုၢ်ဘၣ်ဖိသၣ်နီတစုတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်’ န့ၣ်လီၤ.

လံာ်သိၣ်လီၤသီလီၤတၢ် 28:32

သုဖိခွါတဖၣ်ဒီးဖိမုၣ်တဖၣ်ကဘၣ်တၢ်ဟ့ၣ်လီၤကွံာ်အီၤဆူပှၤ ထံဂၤကီၢ်ဂၤတဖၣ်အစုပူၤဒ်ကုၢ်တဖၣ်အသိးဖဲသုကွၢ်အီၤအဖၢမုၢ်ဒၣ်လဲာ်လီၤ. ကိးမုၢ်နံၤဒဲးန့ၣ်သုမဲာ်ချံတဖၣ်ကလီၤဘှံးကွံာ်ကလီကလီလၢ တၢ်ခိးကွၢ်တၢ်ကလီကလီလၢသုဖိတဖၣ်အတၢ်ဟဲက့ၤကဒါက့ၤအဂီၢ် န့ၣ်လီၤ.

လံာ်သိၣ်လီၤသီလီၤတၢ် 28:41

သုကအိၣ်ဒီးဖိခွါတဖၣ်ဒီးဖိမုၣ်တဖၣ်, ဘၣ်ဆၣ်ကလီၤမၢ်သဒၣ်ကွံာ်သု, မ့ၢ်လၢအဝဲသ့ၣ်ကဘၣ်တၢ်စိာ်ယံၤကွံာ်အီၤဒ်တၢ်ဒုးတၢ်ယၤအပှၤဘၣ် စၢဃာ်တဖၣ်အသိးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:5

ပှၤဂီၢ်မုၢ်လၢတဘျီအီၣ်ကုးအီပှဲၤန့ၣ်, ခဲအံၤလဲၤထီၣ်ဒိးလဲအသးလၢကန့ၢ်ဘၣ်တၢ်အီၣ်အဂီၢ်လီၤ. မ့မ့ၢ်ပှၤလၢတၢ်သၣ်ဝံၤအသးတဖၣ်န့ၣ်, တသၣ်ဝံၤလၢၤနီတစု လၢၤဘၣ်. မါလၢအဖိတအိၣ်တဖၣ်န့ၣ်ဆံးစၢ်ထီၣ်အဖိနွံဂၤလီၤ. မ့မ့ၢ်မိၢ်လၢအဖိအိၣ်အါဂၤန့ၣ်အဖိတအိၣ်လၢၤနီတဂၤဂၤဘၣ်.