လံာ်စီၤယိၤဘး 26:8 - Sgaw Karen Common Bible

⁸ ကစၢ်ယွၤမ့ၢ်ပှၤလၢအမၤပှဲၤတၢ်အၢၣ်လၢထံဒီးပၢၤဃးဝဲဒ် သိးအသုတပိၢ်ဖးကွံာ်လၢအတယၢၢ်အဃိအဂီၢ်န့ၣ်လီၤ.

လံာ်စီၤယိၤဘး 26:8 Iomraidhean Croise

လံာ်စီၤယိၤဘး 36:29

တၢ်အၢၣ်တဖၣ်သုးအလီၢ်ဒ်လဲၣ်မ့ၢ်ဂ့ၤ, လီသီၣ်လၢမူကပိာ် လိၤဖဲကစၢ်ယွၤအိၣ်ဝဲအလီၢ်ဒ်လဲၣ်မ့ၢ်ဂ့ၤပှၤတသ့ၣ်ညါဘၣ် နီတဂၤဘၣ်.

လံာ်စီၤယိၤဘး 38:37

မတၤမ့ၢ်ပှၤအိၣ်ဒီးတၢ်ကူၣ်သ့ထီၣ်ဘးတုၤကဂံၢ်တၢ်အၢၣ် တဖၣ်ဒီးဘိးဒ့ခံအီၤဒ်သိးအကဒုးစူၤလီၤတၢ်,

လံာ်စီၤယိၤဘး 38:9

ယမ့ၢ်တ့ၢ်ပှၤလၢအလုၣ်ဘၢတ့ၢ်ပီၣ်လဲၣ်ဒီးတၢ်အၢၣ်တဖၣ် ဒီးဘိၣ်ဘံတ့ၢ်အီၤလၢတၢ်ခံးသူအပူၤလီၤ.

စံးထီၣ်ပတြၢၤ 135:7

အဝဲဒၣ်န့ၣ်ဒုးဟဲထီၣ်တၢ်စူၤအတၢ်အၢၣ်လၢဟီၣ်ခိၣ်အကတၢၢ်, ဒီးတ့လီၤလီဝၢ်အဒံးလၢ ကလံၤမုၢ်အဂီၢ်, ဒီးဒုးဟဲထီၣ်ကလံၤလၢ အတၢ်ပာ်ဖှိၣ်အလီၢ်န့ၣ်လီၤ.

စံးထီၣ်ပတြၢၤ 147:8

အဝဲဒၣ်မၤဘၢမူခိၣ်လၢတၢ်အၢၣ်, ကတဲာ်ကတီၤတၢ်စူၤလၢဟီၣ်ခိၣ်အဂီၢ်, ဒီးဒုးမဲထီၣ်နီၣ်ဧိၤမံၤဧိၤလၢ ကစၢၢ်ကလိအလိၤန့ၣ်လီၤ.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

တၢ်ကတိၤဒိ. 8:28

ဖဲအပာ်လီၤတ့ၢ်တၢ်အၢၣ်တဖၣ်လၢမူခိၣ်, ဖဲအအိးထီၣ်တ့ၢ်ပီၣ်လဲၣ်အထံထီၣ်ပၢၢ်တဖၣ်,

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယံးရမံယၤ 10:13

တုၤအဝဲဟ့ၣ်လီၤအကလုၢ်ဒီးထံတဖၣ်လၢမူကပိာ်လိၤအဖီခိၣ် သီၣ်ထီၣ်ရုၢ်ရုၢ်န့ၣ်လီၤ. အဝဲဟဲစိာ်တၢ်အၢၣ်တဖၣ်လၢဟီၣ်ခိၣ်အကတၢၢ်လီၤ. အဝဲတ့လီဝၢ်ဒံးဃုာ်ဒီးတၢ်စူၤဒီးဆှၢထီၣ်ကလံၤ လၢအတၢ်ပာ်ဖှိၣ်အလီၢ်လီၤ.