လံာ်စီၤယိၤဘး 26:14 - Sgaw Karen Common Bible

¹⁴ ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.

လံာ်စီၤယိၤဘး 26:14 Iomraidhean Croise

လံာ်စီၤယိၤဘး 36:29

တၢ်အၢၣ်တဖၣ်သုးအလီၢ်ဒ်လဲၣ်မ့ၢ်ဂ့ၤ, လီသီၣ်လၢမူကပိာ် လိၤဖဲကစၢ်ယွၤအိၣ်ဝဲအလီၢ်ဒ်လဲၣ်မ့ၢ်ဂ့ၤပှၤတသ့ၣ်ညါဘၣ် နီတဂၤဘၣ်.

လံာ်စီၤယိၤဘး 37:4

အန့ၣ်တစုကစၢ်ယွၤအကလုၢ်သီၣ်လီၤကညီၢ်န့ၣ်ဟူထီၣ်ဒ် လီသီၣ်ထီၣ်ကဟုကညီၢ်အသိး, ဒီးအကတီၢ်ဖဲန့ၣ်လီဝၢ် အဒံးတထံၣ်ဃီလီၤ.

လံာ်စီၤယိၤဘး 37:5

ဖဲကစၢ်ယွၤဟ့ၣ်လီၤအကလုၢ်န့ၣ်တၢ်လီၤလးသ့ၣ်တဖၣ်မၤ အသး, တၢ်လီၤကမၢကမၣ်လၢပနၢ်ပၢၢ်အီၤတသ့သ့ၣ်တဖၣ်န့ၣ်လီၤ.

လံာ်စီၤယိၤဘး 4:12

တၢ်ကစီၣ်တမံၤဘၣ်တၢ်ဟဲစိာ်ခူသူၣ်အီၤဆူယအိၣ်ဒီး ယနၢ်ဟူဘၣ်ဒၣ်အီၤကသွံဒံန့ၣ်လီၤ.

လံာ်စီၤယိၤဘး 40:9

နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.

လံာ်စီၤယိၤဘး 42:5

လၢအပူၤကွံာ်န့ၣ်ယနၢ်ဟူတ့ၢ်နဂ့ၢ်ထဲဒၣ်လၢယနၢ်လီၤ. မ့မ့ၢ်ခဲကနံၣ်အံၤယထံၣ်ဘၣ်လံနၤလၢယမဲာ်ချံဒၣ်ယဲလံ.

စံးထီၣ်ပတြၢၤ 139:6

နတၢ်သ့ၣ်ညါဒ်အံၤလီၤလးကဲၣ်ဆိးလၢယဂီၢ်, အိၣ်ထီၣ်ထီဝဲ, ယနၢ်ပၢၢ်ယဲတသ့ဘၣ်.

စံးထီၣ်ပတြၢၤ 145:3

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤ အါအါကလဲာ်လီၤ. ဒီးမ့ၢ်အဒိၣ်ဝဲဆံးဒိၣ်လဲၣ်န့ၣ်ပနၢ်ပၢၢ်တတုာ်ဘၣ်.

စံးထီၣ်ပတြၢၤ 29:3

ယွၤအကလုၢ်ဘၣ်တၢ်နၢ်ဟူအီၤလၢပီၣ်လဲၣ်အဖီခိၣ်, တၢ်လၤကပီၤအကစၢ်မၤသီၣ်ထီၣ်အကလုၢ်ဒ် လီသီၣ်အသိး ဒီးအကလုၢ်သီၣ်ကဒါက့ၤလၢ ပီၣ်လဲၣ်မိၢ်ပှၢ်အဖီခိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 11:5

ကစၢ်ယွၤမၤတၢ်ကိးမံၤဒဲးဒီးတၢ်လၢအမၤဝဲန့ၣ်ဒ်နတနၢ်ပၢၢ်သး သမူအသီဟဲအိၣ်ထီၣ်ဝဲလၢပိာ်မုၣ်တဂၤအဒၢလီၢ်ပူၤအသိး, နနၢ်ပၢၢ်အီၤတသ့ဘၣ်.

လံာ်ဃဘးကူာ် 3:4

ဟဲဝဲဒီးအတၢ်ကပြုၢ်ကပြီၤဒ်လီဝၢ်ဒံးအသိးန့ၣ်လီၤ. တၢ်ကပီၤဆဲးကပြုၢ်ထီၣ်လၢအစု, ဒီးဖဲန့ၣ်ပာ်တဒၢအတၢ်စိတၢ်ကမီၤလီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.