လံာ်စီၤယိၤဘး 24:9 - Sgaw Karen Common Bible

⁹ ပှၤအၢပှၤသီဒုးမၢကဲကုၢ်ဖိၣ်ဃဲဖိသ့ၣ်တဖၣ်, ဒီးဂုာ်န့ၢ်ပှၤဖှီၣ်ဖိယာ်ဖိတဖၣ်လၢတၢ်လိးက့ၤအဒ့ၣ်အကမၣ် အဂီၢ်န့ၣ်လီၤ.

လံာ်စီၤယိၤဘး 24:9 Iomraidhean Croise

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

လံာ်စီၤနဃ့မယၤ 5:5

ပမ့ၢ်ပှၤတကလုာ်ဃီဒီးပဒီပုၢ်ဝဲၢ်ပှၤယူဒၤဖိသ့ၣ်တဖၣ်န့ၣ် လီၤ. မ့ၢ်ပဖိပလံၤသ့ၣ်တဖၣ်တဂ့ၤထဲသိးအဝဲသ့ၣ်န့ၣ်ဘၣ်ဧါ. ဘၣ်ဆၣ်ပဘၣ်ဒုးကဲကုၢ်ပဖိပလံၤသ့ၣ်တဖၣ်န့ၣ်လီၤ. ပဖိမုၣ်တနီၤဘၣ်တၢ်ဆါတ့ၢ်လံအီၤလၢကုၢ်အလီၢ်န့ၣ်လီၤ. မ့ၢ်လၢပစံာ်ပျီတဖၣ်ဒီးပစပံးလီၢ်သ့ၣ်တဖၣ်ဘၣ်တၢ်ဟံးထီၣ်ကွံာ် လၢပအိၣ်အဃိတၢ်မၤစၢၤပှၤတအိၣ်ဘၣ်န့ၣ်လီၤ.”

လံာ်စီၤယိၤဘး 22:6

နဃ့ဆူၣ်တၢ်ဟ့ၣ်ကီၤလၢ နဒီပုၢ်ဝဲၢ်တဖၣ်တအိၣ်ဒီး တၢ်အဂ့ၢ်အခၢးနီတမံၤဘၣ်. နဘ့ၣ်ကွံာ်အဝဲသ့ၣ်အကူအသိးဒီး ပာ်တီၢ်ဘ့ၣ်ဆ့အဝဲသ့ၣ်လီၤ.

လံာ်စီၤယိၤဘး 24:10

မ့မ့ၢ်ပှၤဖှီၣ်ဖိယာ်ဖိတဖၣ်ဘၣ်လဲၤတၢ်အိၣ်ဘ့ၣ်ဆ့ဒီးတၢ်ကူ တၢ်သိးလၢကမၤဘၢအီၤတအိၣ်ဘၣ်. ဒီးဖဲအဝဲသ့ၣ်စိာ်ဘုကဒိၣ်တဖၣ်ဒၣ်လဲာ်သူၣ်ဝံၤသၣ်စ့ၤဒံး အဖၢမုၢ်န့ၣ်လီၤ.

လံာ်စီၤယိၤဘး 24:8

အဝဲသ့ၣ်ဘၣ်စီၣ်ဘၣ်သ့ဒီးတၢ်ဟဲစူၤလၢကစၢၢ်ကလိဒီး, အဝဲသ့ၣ်ဖိးဟုဃးလၢၢ်ဧိၤလ့ဧိၤလၢကမၤလၢၤအသးအဂီၢ် န့ၣ်လီၤ.

လံာ်စီၤယိၤဘး 29:12

တုၤပှၤဖှီၣ်ဖိယာ်ဖိကိးထီၣ်ဝဲဒၣ်န့ၣ်ဒီးယမၤစၢၤအီၤ, ဒီးယမၤစၢၤပှၤဖိၣ်ဃဲဖိသ့ၣ်တဖၣ်လၢပှၤကမၤစၢၤအီၤတအိၣ် ဘၣ်န့ၣ်လီၤ.

လံာ်စီၤယိၤဘး 6:27

ဒီးသုကဖီၣ်ဒၣ်လဲာ်တၢ်ဖးလၢတၢ်မၤန့ၢ်ကုၢ်ဖိၣ်ဃဲဖိတဖၣ်အ ဂီၢ်ဒီးဆါလီၤကွံာ်သုတံၤသုသကိးတံၢ်နီၢ်တဖၣ်လၢသုကထူး ထီၣ်တီၤထီၣ်အဂီၢ်န့ၣ်လီၤ.

လံာ်ယၡါယၤ 3:14

ယွၤဆှၢနုာ်အပှၤဂီၢ်မုၢ်အသူၣ်က့သးပှၢ်တဖၣ်ဒီးအခိၣ်အနၢ် တဖၣ်ဆူတၢ်စံၣ်ညီၣ်အပူၤ, ဒီးလိာ်ဘၢလိာ်ကွီၢ်ထီဒါအဝဲသ့ၣ်, စံးဝဲ, “သုဂုာ်ဆူၣ်ပျီဆူၣ်စပံးလီၢ်တဖၣ်, ဒီးသုဟံၣ်တဖၣ်ပှဲၤဝဲဒီးတၢ်လၢသု ဟံးန့ၢ်လၢပှၤဖှီၣ်ဖိယာ်ဖိတဖၣ်အအိၣ်လီၤ.

လံာ်သိၣ်လီၤသီလီၤတၢ် 24:7

ပှၤတဂၤလၢ်လၢ်လၢအစိာ်ဟုၣ်ကွံာ်အပှၤအံၣ်စရ့လးဖိကဒဲကဒဲ ဒီးဒုးကဲထီၣ်အီၤလၢအကုၢ်အပှၤမ့တမ့ၢ်ဆါလီၤကွံာ်အီၤဆူ ကုၢ်အလီၢ်န့ၣ်, ကဘၣ်တၢ်မၤသံအီၤန့ၣ်လီၤ. လၢကျဲဒ်အံၤအသိးန့ၣ်သုကမၤပူၤဖျဲးသုသးဒီးတၢ်အၢတၢ်သီ အံၤန့ၣ်လီၤ.