လံာ်စီၤယိၤဘး 24:5 - Sgaw Karen Common Bible

⁵ လၢတၢ်န့ၣ်အဃိပှၤဖှီၣ်ဖိယာ်ဖိသ့ၣ်တဖၣ်မၤသးဒ်ကသ့ၣ်ယီၤမံၤ အသိး, ဒီးဃုအတၢ်အီၣ်လၢပှၢ်မုၢ်ကနၢလၢအဃ့ထီအပူၤန့ၣ်လီၤ.

လံာ်စီၤယိၤဘး 24:5 Iomraidhean Croise

လံာ်တၢ်ကဲထီၣ်အခီၣ်ထံး 16:12

ဘၣ်ဆၣ်ဒီး, နဖိခွါကအိၣ်မူဝဲဒ်ကသ့ၣ်ယီၤမံၤတဒုအသိးန့ၣ် လီၤ. အဝဲကထီဒါပှၤကိးဂၤဒဲးဒီးပှၤကိးဂၤဒဲးစ့ၢ်ကီးကထီဒါ အီၤန့ၣ်လီၤ. အဝဲကအိၣ်မူလီၤဖးဒီးကယဲၢ်အဒူၣ်ဖိထၢဖိခဲလၢာ်လီၤ.”

လံာ်တၢ်ကဲထီၣ်အခီၣ်ထံး 27:40

နကအိၣ်မူခီဖျိနနးလီၤ. ဘၣ်ဆၣ်ဒီးနကမ့ၢ်နပုၢ်အကုၢ်အပှၤလီၤ. ဒီးတုၤနပူထီၣ်အီၤဒီးနကပူၤဖျဲးလၢအတၢ်ပၢနၤလီၤ.”

လံာ်စီၤယိၤဘး 12:6

ဘၣ်ဆၣ်တၢ်ဟုၣ်တၢ်ဘျၣ်တဖၣ်ဒီးပှၤလၢအယွၤတအိၣ်ဘၣ်တဖၣ်, အယွၤ မ့မ့ၢ်ဒၣ်ထဲအဂံၢ်အဘါဧိၤဒၣ်လဲာ်အိၣ်မူဝဲလၢတၢ်မုာ်တၢ်ပၢၤအပူၤန့ၣ်လီၤ.

လံာ်စီၤယိၤဘး 24:14

စီၤစိၤဖၤစံးဝဲ, တုၤမုၢ်ဂီၤထီၣ်သီန့ၣ်ပှၤမၤသံတၢ်တဖၣ်ဂဲၤ ထၢၣ်ဒီးဟးထီၣ်ဝဲလၢကမၤသံပှၤဖှီၣ်ဖိယာ်ဖိလၢအတၢ် တအိၣ်ဘၣ်နီတမံၤတဖၣ်န့ၣ်လီၤ. ဒီးတုၤမုၢ်နၤအကတီၢ်န့ၣ်အဝဲသ့ၣ်ဟုၣ်တၢ်လီၤ.

လံာ်စီၤယိၤဘး 24:6

အဝဲသ့ၣ်ဘၣ်ကူးအီၣ်ဘုဧိၤဟုဧိၤလၢပှၤဂၤအစံာ်ပျီအပူၤဒီး ထၢဖှိၣ်စပံးသၣ်လၢပှၤအၢပှၤသီတဖၣ်အစပံးလီၢ်န့ၣ်လီၤ.

လံာ်စီၤယိၤဘး 5:5

ပှၤသူၣ်ဝံၤသးစ့ၤတဖၣ်ကအီၣ်ကွံာ်ပှၤဟးဂီၤဖိအဘုဧိၤဟုဧိၤ, တုၤလၢဘုဧိၤဟုဧိၤလၢအမဲထီၣ်လၢတၤဆှုၣ်တၤမဲအကျါ ဒၣ်လဲာ်န့ၣ်လီၤ. ဒီးပှၤလၢတၢ်သူအသးသ့ၣ်တဖၣ်ကသူၣ်က့ၣ် သးကါအဝဲအတၢ်ထူးတၢ်တီၤန့ၣ်လီၤ.

စံးထီၣ်ပတြၢၤ 104:23

ပှၤကညီဟးထီၣ်ဆူအတၢ်မၤအလီၢ် ဒီးမၤတၢ်တုၤလၢ မုၢ်ဟါလီၤတစုန့ၣ်လီၤ.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

လံာ်ယံးရမံယၤ 2:24

ဃ့ၢ်သဖှိနုာ်ဆူမဲးမုၢ်ခိၣ်အပူၤန့ၣ်လီၤ. ဖဲအဝဲအိၣ်လၢတၢ်သးကတၢ အပူၤန့ၣ်, မတၤပၢၤအီၤကသ့တဂၤလဲၣ်. ကီၤလၤအူးဖါလၢ အသးလီအီၤတဒုဒုန့ၣ်ကိၢ်တၢ်ဂီၤတၢ်အလီၢ်တအိၣ်ဘၣ်. တၢ်မၤ န့ၢ်အီၤသ့ထီဘိဖဲဆၣ်ဖိကီၢ်ဖိလူၤလိာ်သးအဆၢကတီၢ်န့ၣ်လီၤ.

လံာ်ဟိၤၡ့ 7:6

မ့ၢ်လီၤ. အဝဲသ့ၣ်မၤကိၢ်ဃၢၣ်တၢ်ဒီးအတၢ်ကူၣ်လီၤဂာ်ဒ်ဖၣ်ကပူၤ အသိးန့ၣ်လီၤ. သီတနၤကျၢၤန့ၣ်အဝဲသ့ၣ်အတၢ်သးထီၣ်ကဲၤသဝံထီၣ်ဝဲ ဒီးလၢမုၢ်ဂီၤန့ၣ်ကဲၤကပျီၤထီၣ်ဝဲဒီးမ့ၣ်အူလၣ်တဖၣ်န့ၣ်လီၤ.

လံာ်ဟိၤၡ့ 8:9

အခိၣ်ကိၤဝဲဒ်ကသ့ၣ်ယီၤအမံၤတဖၣ်အသိး, ကီၢ်အံၣ်စရ့လးအပှၤဂီၢ်မုၢ်လဲၤလၢအကျဲဒၣ်ဝဲန့ၣ်လီၤ. အဝဲသ့ၣ်ဟးထီၣ်ဒ်သိးကလဲၤဃုတၢ်မၤစၢၤလၢကီၢ်အၤၡူၢ်, ဒီးဟ့ၣ်တၢ်ဆူပှၤကလုာ်ဂၤတဖၣ်လၢကကဟုကယာ်အဝဲ သ့ၣ်အဂီၢ်န့ၣ်လီၤ.

လံာ်မံကၤ 2:1

ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.