လံာ်စီၤယိၤဘး 24:4 - Sgaw Karen Common Bible

⁴ အဝဲသ့ၣ်တြီပှၤဖှီၣ်ဖိယာ်ဖိသ့ၣ်တဖၣ်လၢကန့ၢ်ဘၣ်အတၢ်ခွဲး တၢ်ယာ်န့ၣ်လီၤ. ဒီးမၤဆူၣ်ပှၤဖှီၣ်ဖိယာ်ဖိခဲလၢာ်လၢကဃ့ၢ် ဒီးပာ်ခူသူၣ်အသးန့ၣ်လီၤ.

လံာ်စီၤယိၤဘး 24:4 Iomraidhean Croise

လံာ်စီၤယိၤဘး 24:14

စီၤစိၤဖၤစံးဝဲ, တုၤမုၢ်ဂီၤထီၣ်သီန့ၣ်ပှၤမၤသံတၢ်တဖၣ်ဂဲၤ ထၢၣ်ဒီးဟးထီၣ်ဝဲလၢကမၤသံပှၤဖှီၣ်ဖိယာ်ဖိလၢအတၢ် တအိၣ်ဘၣ်နီတမံၤတဖၣ်န့ၣ်လီၤ. ဒီးတုၤမုၢ်နၤအကတီၢ်န့ၣ်အဝဲသ့ၣ်ဟုၣ်တၢ်လီၤ.

လံာ်စီၤယိၤဘး 29:12

တုၤပှၤဖှီၣ်ဖိယာ်ဖိကိးထီၣ်ဝဲဒၣ်န့ၣ်ဒီးယမၤစၢၤအီၤ, ဒီးယမၤစၢၤပှၤဖိၣ်ဃဲဖိသ့ၣ်တဖၣ်လၢပှၤကမၤစၢၤအီၤတအိၣ် ဘၣ်န့ၣ်လီၤ.

လံာ်စီၤယိၤဘး 29:16

ယမၤယသးဒ်ပၢ်တဂၤလၢပှၤဖှီၣ်ဖိယာ်ဖိအဂီၢ်အသိး, ဒီးယအိၣ်ပှိၤပှၤတခီဘီမုၢ်ဖိလၢအဘၣ်ကီဘၣ်ခဲတဖၣ်န့ၣ်လီၤ.

လံာ်စီၤယိၤဘး 30:25

မ့ၢ်ယတဟီၣ်ဃုာ်ဒီးပှၤဘၣ်တၢ်ကိၢ်တၢ်ဂီၤဒီးသးအုးဃုာ်ဒီး ပှၤလၢအလိၣ်ဘၣ်တၢ်မၤစၢၤတဖၣ်ဘၣ်န့ၣ်ဧါ.

လံာ်စီၤယိၤဘး 31:16

ယတဂ့ၢ်လိာ်လၢယကမၤစၢၤပှၤဖှီၣ်ဖိယာ်ဖိမ့ၢ်ဂ့ၤ, ယတပျဲပှၤ မုၣ်ကမဲတဖၣ်အိၣ်လၢတၢ်သူၣ်ဟးဂူာ်သးဟးဂီၤအပူၤမ့ၢ်ဂ့ၤနီ တဘျီဘၣ်.

လံာ်စီၤယိၤဘး 31:19

တုၤယထံၣ်ဘၣ်ပှၤတဂၤဂၤလၢအလိၣ်ဘၣ်တၢ်မၤစၢၤ, ဒီးဖှီၣ်ဝဲယာ်ဝဲတုၤအကူအသိးလၢကမၤလၢၤအီၤတအိၣ်ဘၣ်ဒီး,

စံးထီၣ်ပတြၢၤ 109:16

အဂ့ၢ်ဒ်အံၤ, အဝဲတဆိကမိၣ်ထီၣ် တၢ်မၤဂ့ၤအဂ့ၢ်နီတစုဘၣ်. အဝဲမၤအၢမၤနးဒီးမၤသံပှၤဖှီၣ်ဖိယာ်ဖိ, ပှၤလိၣ်ဘၣ်တၢ်မၤစၢၤဒီးပှၤလၢတၢ်မၤစၢၤအီၤ တအိၣ်ဘၣ်န့ၣ်လီၤ.

စံးထီၣ်ပတြၢၤ 41:1

ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ. ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ.

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 22:16

နမ့ၢ်ဟ့ၣ်တၢ်ဟ့ၣ်တဖၣ်ဆူပှၤထူးပှၤတီၤတဖၣ်မ့ၢ်ဂ့ၤ, နမ့ၢ်မၤနးမၤဖှီၣ်ပှၤဖှီၣ်ဖိယာ်ဖိလၢနကထူးထီၣ်တီၤထီၣ်ဒၣ် နဲအဂီၢ်မ့ၢ်ဂ့ၤဒီး, နကစၢ်ဒၣ်နဲနကဖှီၣ်လီၤယာ်လီၤန့ၣ်လီၤ.

တၢ်ကတိၤဒိ. 28:12

ဖဲပှၤအဂ့ၤတဖၣ်မၤန့ၢ်တၢ်စိတၢ်ကမီၤန့ၣ်, ပှၤခဲလၢာ်မၤမူးသးခု န့ၣ်လီၤ. ဘၣ်ဆၣ်ဖဲပှၤအအၢအသီတဖၣ်ပၢတၢ်န့ၣ်, ပှၤအိၣ်ခူသူၣ်ဝဲလီၤ.

တၢ်ကတိၤဒိ. 28:28

တုၤပှၤအအၢအသီတဖၣ်န့ၢ်စိန့ၢ်ကမီၤဒီး, ပှၤအိၣ်ခူသူၣ်ဝဲလီၤ. ဘၣ်ဆၣ်တုၤအဝဲသ့ၣ်လီၤတဲာ်ကွံာ်လၢတၢ်စိတၢ်ကမီၤအလီၢ်ဒီး, ပှၤအတီအလိၤတဖၣ်ကပၢကဒီးတၢ်န့ၣ်လီၤ.

တၢ်ကတိၤဒိ. 30:14

ပှၤအိၣ်ဝဲတကလုာ်လၢအဟံးန့ၢ်တၢ်အခွဲးယာ်အၢသီလၢပှၤဖှီၣ်ဖိ ဒီးပှၤအတၢ်တအိၣ်တဖၣ်အဖီခိၣ်လီၤ. တၢ်န့ၣ်မ့ၢ်ကျဲလၢအဝဲသ့ၣ်မၤအီၣ်မၤအီတၢ်လၢအတၢ်အိၣ်မူ အိၣ်ဂဲၤအဂီၢ်လီၤ.

လံာ်ယၡါယၤ 10:2

အန့ၣ်မ့ၢ်ကျဲလၢသုတြီပှၤဖှီၣ်ဖိယာ်ဖိတဖၣ်လၢကဒိးန့ၢ်ဘၣ် အတၢ်ခွဲးတၢ်ယာ်တဖၣ်ဒီးလၢကဒိးန့ၢ်ဘၣ်တၢ်စံၣ်ညီၣ်တီအဂီၢ်လီၤ. လၢကျဲဒ်န့ၣ်န့ၣ်, သုဟံးန့ၢ်တၢ်စုလီၢ်ခီၣ်ခိၣ်လၢအဘၣ်ဃးဒီးမုၣ် ကမဲဒီးဖိၣ်ဃဲတဖၣ်လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 18:18

ဘၣ်ဆၣ်ဒီးအဝဲအပၢ်တခီန့ၣ်လီတၢ်ဒီးဂုာ်ဆူၣ်တၢ်, ဒီးထီဘိမၤတၢ်အၢတၢ်သီလၢပှၤကိးဂၤဒဲးန့ၣ်လီၤ. လၢတၢ်န့ၣ်အဃိ အဝဲသံဝဲမ့ၢ်လၢတၢ်ဒဲးဘးတဖၣ်လၢအဝဲအကစၢ်ဒၣ်ဝဲမၤတ့ၢ်အီၤ အဃိန့ၣ်လီၤ.

လံာ်ယဃ့းစက့လး 22:29

ပှၤထူးပှၤတီၤတဖၣ်လီတၢ်ဒီးဂုာ်ဆူၣ်ပျီဆူၣ်တၢ်န့ၣ်လီၤ. အဝဲသ့ၣ်မၤနးမၤဖှီၣ်ပှၤဖှီၣ်ဖိယာ်ဖိတဖၣ်ဒီးဃုအဘျုး အဖှိၣ်ဒၣ်ဝဲလၢပှၤတခီဘီမုၢ်ဖိတဖၣ်အဖီခိၣ်န့ၣ်လီၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,