လံာ်စီၤယိၤဘး 24:24 - Sgaw Karen Common Bible

²⁴ ပှၤတတီတလိၤဘီၣ်ထီၣ်ညီထီၣ်တစိၢ်တလီၢ်, ဘၣ်ဆၣ်ဃ့ထီ ကွံာ်ဝဲဒ်နီၣ်ဧိၤမံၤဧိၤအသိးဒီးဒ်ဘုအစဲၤဘၣ်တၢ်ကူးတဲာ် အီၤအသိးန့ၣ်လီၤ.

လံာ်စီၤယိၤဘး 24:24 Iomraidhean Croise

လံာ်စီၤယိၤဘး 14:21

အဖိခွါတဖၣ်ဒိးန့ၢ်ဘၣ်တၢ်လၤကပီၤ, ဘၣ်ဆၣ်ဒီးအဝဲတသ့ၣ် ညါဘၣ်ဝဲဘၣ်. ဖဲအဝဲသ့ၣ်ဘၣ်တၢ်ဆီၣ်လီၤအီၤ, ဒီးအဝဲတဘၣ်တၢ်ဒုးသ့ၣ်ညါအီၤဘၣ်.

လံာ်စီၤယိၤဘး 20:5

တၢ်သူၣ်ဖှံသးညီအိၣ်တယံာ်ဘၣ်ဒီးပှၤတတီတလိၤနီတဂၤဘၣ်. အဝဲမ့ၢ်ဒိၣ်ထီၣ်, ထီထီၣ်, ထီဝဲတုၤလၢမူခိၣ်ဒီးထီဝဲတုၤဒၣ်လဲာ် အခိၣ်တုၤဃီၤဆူတၢ်အၢၣ်တဖၣ်

လံာ်စီၤယိၤဘး 21:13

မၤလၢာ်အမုၢ်နံၤတဖၣ်လၢတၢ်ဘီၣ်တၢ်ညီအပူၤဒီးလဲၤလီၤ ဆူပျူၤပူၤမုာ်မုာ်ခုၣ်ခုၣ်လီၤ.

လံာ်စီၤယိၤဘး 21:33

ပှၤအကထိတဖၣ်လဲၤပိာ်ထွဲဝဲတၢ်လဲၤစိာ်လီၤအီၤ, ဆူတၢ်သွၣ်ခိၣ်ဒီးဟီၣ်ခိၣ်ဘၣ်တၢ်ဖှံလီၤအီၤ ကယီလီလၢ အစိၣ်အဖီခိၣ်လီၤ.

လံာ်စီၤယိၤဘး 8:22

ဘၣ်ဆၣ်အဝဲကဟဲစိာ်တၢ်မဲာ်ဆှးဆူပှၤလၢအသးဟ့နၤဒီး ပှၤတတီတလိၤအဟံၣ်တဖၣ်န့ၣ်လီၤမၢ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 37:10

တစိၢ်ဖိဒီးပှၤအၢပှၤသီကဟါမၢ်ကွံာ်ဝဲ, နမ့ၢ်ဃုအီၤဘၣ်ဆၣ်နတထံၣ်န့ၢ်အီၤလၢၤဘၣ်.

စံးထီၣ်ပတြၢၤ 73:19

အဝဲသ့ၣ်ဘၣ်တၢ်မၤဟးဂီၤကွံာ်အီၤလၢ တစိၢ်ဖိအတီၢ်ပူၤ, ဘၣ်တၢ်စိာ်ကွံာ်အီၤလၢာ်လၢာ်ဆ့ဆ့လၢ တၢ်လီၤပျံၤလီၤဖုးတဖၣ်န့ၣ်လီၤ.

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

ယၤကိာ် 1:11

မုၢ်ဟဲထီၣ်ဒီးအတၢ်ကိၢ်လၢအဆူၣ်န့ၣ်မၤဃ့ထီကွံာ်နီၣ်ဧိၤမံၤဧိၤဒီး အဖီလီၤဆှု ကွံာ်ဒီးအတၢ်ဃံတၢ်လၤဟးဂီၤကွံာ်ဝဲန့ၣ်လီၤ. ဒ်န့ၣ်အသိး, ပှၤထူးပှၤတီၤကဘၣ်တၢ်မၤဟးဂီၤအီၤဖဲ အဝဲလဲၤက့ၤဖံးမၤတၢ်အဆၢကတီၢ်န့ၣ်လီၤ.