လံာ်စီၤယိၤဘး 24:18 - Sgaw Karen Common Bible

¹⁸ ပှၤတတီတလိၤလီၤထွံကွံာ်ဝဲလၢထံလုၣ်ဘၢတၢ်ဒီးဟီၣ်ခိၣ်လၢ အပၢဝဲန့ၣ်အိၣ်လၢကစၢ်ယွၤအတၢ်ဆိၣ်အၢအဖီလာ်ဒီးအဝဲသ့ၣ်တ လဲၤလၢၤဘၣ်ဆူစပံးလီၢ်တဖၣ်နီတဘျီလၢၤဘၣ်န့ၣ်လီၤ.

လံာ်စီၤယိၤဘး 24:18 Iomraidhean Croise

လံာ်စီၤယိၤဘး 22:11

တၢ်ခဲလၢာ်ခံးလီၤကွံာ်ဝဲတုၤနထံၣ်တၢ်တသ့လၢၤဘၣ်ဒီး ထံလုၣ်ဘၢကွံာ်နၤလီၤ.

လံာ်စီၤယိၤဘး 22:16

အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.

လံာ်စီၤယိၤဘး 24:11

အဝဲသ့ၣ်မၤသိလၢသ့ၣ်စၤယံး, ဒီးစပံးထံလၢစပံးသၣ်, ဘၣ်ဆၣ်အဝဲသ့ၣ်အနီၢ်ကစၢ်ဒၣ်ဝဲတၢ်သူအသးလၢထံန့ၣ်လီၤ.

လံာ်စီၤယိၤဘး 24:6

အဝဲသ့ၣ်ဘၣ်ကူးအီၣ်ဘုဧိၤဟုဧိၤလၢပှၤဂၤအစံာ်ပျီအပူၤဒီး ထၢဖှိၣ်စပံးသၣ်လၢပှၤအၢပှၤသီတဖၣ်အစပံးလီၢ်န့ၣ်လီၤ.

လံာ်စီၤယိၤဘး 27:20

တၢ်မၤပျံၤမၤဖုးကလုၣ်ဘၢအီၤဒ်ထံလုၣ်ဘၢတၢ်သတူၢ်ကလာ် အသိး, ဒီးကလံၤလၢမုၢ်နၤကအူဖျိးကွံာ်အီၤ,

လံာ်စီၤယိၤဘး 5:3

ယထံၣ်ဘၣ်တ့ၢ်လံပှၤဟးဂီၤဖိတဖၣ်ဖျါအိၣ်ဂၢၢ်ဆိးကျၢၤ ဝဲဘၣ်ဆၣ်ယဆိၣ်အၢတ့ၢ်အတၢ်အိၣ်တၢ်ဆိးအလီၢ်တဘျီဃီလီၤ.

လံာ်စီၤယိၤဘး 9:26

ယတၢ်အိၣ်မူလဲၤပူၤကွံာ်ဝဲ ဒ်ကဘီတဘ့ၣ်လၢ အလဲၤတၢ်ချ့သဒံး, ချ့ဝဲထဲသိးလံာ်ကြီကြာ်တဘ့ၣ် စှီၤန့ၢ်ပဒဲ တဒုအသိးန့ၣ်လီၤ.

စံးထီၣ်ပတြၢၤ 58:7

မ်အဟါမၢ်ကွံာ်ဒ်ထံလၢအယွၤကွံာ်အသိး, ဒီးနီၣ်လၢအဘၣ်တၢ်ယီၢ်တံၢ်ဒီး ဃ့ထီၣ်ကွံာ်လၢကျဲအသိးန့ၣ်တက့ၢ်.

စံးထီၣ်ပတြၢၤ 69:22

မ်အစီၢ်နီၤခိၣ်ကဲထီၣ်ထုတဆိလၢအမဲာ်ညါတက့ၢ်. မ်အတၢ်အီၣ်လုၢ်ထီၣ်ပာ်ထီၣ်တဖၣ်အံၤ ကဲထီၣ်ပျံၤသကွီၤန့ၣ်တက့ၢ်.

တၢ်ကတိၤဒိ. 3:33

ယွၤပာ်ဖှိၣ်တၢ်ဆိၣ်အၢတမံၤလၢပှၤတတီတလိၤအဟံၣ်တဖၣ်အဖီခိၣ် လီၤ. မ့မ့ၢ်ဆိၣ်ဂ့ၤပှၤအတီအလိၤတဖၣ်အတၢ်အိၣ်တၢ်ဆိးအလီၢ်န့ၣ်လီၤ.

လံာ်ယၡါယၤ 23:10

သုဝဲပှၤကီၢ်စပၤနံဖိသ့ၣ်ဧၢ, လဲၤဒီးထူစံာ်ထူပှဲၤတက့ၢ်. ပှၤလၢကဒီဒၣ်အိၣ်ပှိၤသုတအိၣ်လၢၤနီတဂၤဘၣ်.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.