လံာ်စီၤယိၤဘး 24:15 - Sgaw Karen Common Bible

¹⁵ ပှၤမၤကမၣ်မုၣ်ကမၣ်ခွါတဖၣ်ခိးကွၢ်လၢ်ဝဲမုၢ်ဟါလီၤဒီးမၤဘၢ အမဲာ်ဒ်သိးပှၤအသုတထံၣ်န့ၢ်အီၤနီတဂၤန့ၣ်လီၤ.

လံာ်စီၤယိၤဘး 24:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:12

နမၤတ့ၢ်တၢ်ဒဲးဘးလၢတၢ်ခူသူၣ်အပူၤ, ဘၣ်ဆၣ်ဒီးယကပျဲတၢ်အံၤမၤအသးလၢမုၢ်ထူၣ်မုၢ်ဆါအဆၢကတီၢ် ဒ်သိးကီၢ်အံၣ်စရ့လးဒီကီၢ်ကထံၣ်ဘၣ်အီၤအဂီၢ်န့ၣ်လီၤ.”

လံာ်စီၤယိၤဘး 31:9

ယသးမ့ၢ်ဘၣ်တၢ်ကလံာ်န့ၢ်အီၤလၢပှၤလၢယဃၢၤအမါဒီး ယမ့ၢ်ခိးခူသူၣ်တၢ်လၢအတြဲၤခီၣ်ထံးန့ၣ်ဒီး,

စံးထီၣ်ပတြၢၤ 10:11

အဝဲသ့ၣ်စံးဝဲလၢအသးကံၢ်ပူၤ, “ကစၢ်ယွၤသးပ့ၤနီၣ်လံတၢ်လံ. ပာ်တဒၢလံအမဲာ်လံ. တထံၣ်ယၤနီတစုဘၣ်.”

စံးထီၣ်ပတြၢၤ 50:18

နကဲထီၣ်ကယဲၢ်ပှၤဟုၣ်တၢ်တဂၤလၢ်လၢ်လၢ နထံၣ်အီၤအတံၤသကိး ဒီးနမၤသကိးတၢ်ဒီးပှၤအဲၣ်ဘၢတၢ်တဖၣ်လီၤ.

စံးထီၣ်ပတြၢၤ 73:11

အဝဲသ့ၣ်စံးဝဲ, “ကစၢ်ယွၤတသ့ၣ်ညါဘၣ်, တၢ်ထီကတၢၢ်တဂၤတထံၣ်န့ၢ်ဝဲဘၣ်.”

စံးထီၣ်ပတြၢၤ 94:7

အဝဲသ့ၣ်စံးဝဲ “ယွၤတထံၣ်ပှၤဘၣ်, အံၣ်စရ့လးအကစၢ်ယွၤတပာ်သူၣ်ပာ်သး လၢပှၤဘၣ်.”

လံာ်တၢ်ဟးထီၣ်ကွံာ် 20:14

မၤကမၣ်မုၣ်ကမၣ်ခွါတဂ့ၤ.

တၢ်ကတိၤဒိ. 7:7

ဒီးယထံၣ်ဘၣ်တ့ၢ်ပှၤပိာ်ခွါသးစၢ်အါဂၤလၢအတၢ်လဲၤခီ ဖျိစှၤဝဲလီၤ. ဘၣ်ဆၣ်ဒီးယပာ်သူၣ်ပာ်သးဘၣ်လၢပှၤအမၢးလီၤဆီ တဂၤန့ၣ်လီၤ.

လံာ်ယဃ့းစက့လး 8:12

ကစၢ်ယွၤသံကွၢ်ယၤ, “ပှၤကညီလၢအသံသ့ဧၢ, မ့ၢ်နထံၣ်ဘၣ်တၢ်လၢ ပှၤအံၣ်စရ့လးဖိအခိၣ်အနၢ်တဖၣ်မၤဝဲလၢတၢ်ခူသူၣ်အပူၤန့ၣ်လံ ဧါ. အဝဲသ့ၣ်ခဲလၢာ်ဘူၣ်ထီၣ်ဘါထီၣ်တၢ်လၢဒၢးတဖျၢၣ်လၢအပှဲၤ ဒီးတၢ်ဂီၤတၢ်ဖီၣ်တဖၣ်အပူၤန့ၣ်လီၤ. အဝဲသ့ၣ်ကတိၤပူၤဖျဲး အသးစံးဝဲလၢ, ယွၤတထံၣ်ပှၤဘၣ်. အဝဲပာ်လီၤတဲာ်ကွံာ်ထံကီၢ်လံ.”

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.