လံာ်စီၤယိၤဘး 23:7 - Sgaw Karen Common Bible

⁷ ယတီယဲလိၤယဲ, ယဂ့ၢ်လိာ်ဘှီလိာ်ဒီးကစၢ်ယွၤသ့ဝဲ, ဒီး အဝဲကတဲဖျါထီၣ်ဝဲလၢယမ့ၢ်ပှၤလၢတၢ်ပာ်တၢ်ကမၣ်အလိၤ အလီၢ်တအိၣ်တစိၤဒၣ်ယၤန့ၣ်လီၤ.

လံာ်စီၤယိၤဘး 23:7 Iomraidhean Croise

လံာ်စီၤယိၤဘး 13:16

ယတၢ်သူၣ်ဒူသးဒူကမ့ၢ်ဒၣ်လဲာ်တၢ်လၢအအုၣ်က့ၤ ခီၣ်က့ၤယၤ, မ့ၢ်လၢဖဲလၢပှၤတတီတလိၤကွၢ်ဆၢၣ်မဲာ် ကစၢ်ယွၤလၢတၢ်သူၣ်ဒူသးဒူတဘူၣ်ဘၣ်နီတဂၤအဃိန့ၣ်လီၤ.

လံာ်စီၤယိၤဘး 13:3

ဘၣ်ဆၣ်ယသးအိၣ်ကတိၤတၢ်ဒီးသ့တၢ်လၢာ်ကစၢ်ယွၤလီၤ. ဒီးယသးအိၣ်ကတိၤဂ့ၢ်လိာ်တၢ်ဒီးအီၤဘၣ်ဃးယတၢ်ဂ့ၢ်တၢ် ကျိၤန့ၣ်လီၤ.

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

လံာ်စီၤယိၤဘး 9:15

ယမ့ၢ်တီမ့ၢ်လိၤဘၣ်ဆၣ်ဒီးတၢ်လၢယမၤသ့ခဲလၢာ်န့ၣ်မ့ၢ်ဒၣ် ယတၢ်ဃ့တၢ်သူၣ်ကညီၤသးကညီၤလၢကစၢ်ယွၤ, ယပှၤစံၣ်ညီၣ်ကွီၢ်န့ၣ်လီၤ.

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 3:5

တမ့ၢ်နကသးဒိၣ်ယၤထီဘိတထံၣ်ဃီဘၣ်. တမ့ၢ်နကသးဖျိးယၤ လီၤထူလီၤယိာ်ဘၣ်.’ ကီၢ်အံၣ်စရ့လးဧၢ, နစံးတ့ၢ်ယၤတၢ်ဒ်န့ၣ်, ဘၣ်ဆၣ်ဒီးနမၤတ့ၢ်တၢ်အၢလၢနမၤသ့ခဲလၢာ်န့ၣ်လီၤ.”

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.