လံာ်စီၤယိၤဘး 23:6 - Sgaw Karen Common Bible

⁶ မ့ၢ်ကစၢ်ယွၤကသူအဂံၢ်အဘါခဲလၢာ်လၢကထီဒါယၤအဂီၢ် န့ၣ်ဧါ. တမ့ၢ်ဘၣ်. အဝဲကဒိကနၣ်ယၤဒ်ယစံးယဲအသိးန့ၣ်လီၤ.

လံာ်စီၤယိၤဘး 23:6 Iomraidhean Croise

လံာ်စီၤယိၤဘး 13:21

ဆိကတီၢ်နတၢ်သိၣ်ဃီၣ်ယၤ, ဒီးမၤလီၤကလဲယၤလၢနတၢ် မၤပျံၤမၤဖုးတဂ့ၤ.

လံာ်စီၤယိၤဘး 23:5

ယအဲၣ်ဒိးသ့ၣ်ညါလၢအဝဲကစံးတၢ်မနုၤလဲၣ်ဒီးအဝဲကစံးဆၢယၤ ဒ်လဲၣ်န့ၣ်လီၤ.

လံာ်စီၤယိၤဘး 9:19

မ့ၢ်ယကြၢးသူ တၢ်စုဆူၣ်ခီၣ်တကးဧါ. တၢ်စုဆူၣ်ခီၣ်တကးလၢ ကစၢ်ယွၤအဖိခိၣ်န့ၣ်ဧါ. မ့ၢ်ယကြၢးလိာ်ဘၢလိာ်ကွီၢ်အီၤန့ၣ်ဧါ. မတၤမၢအဝဲလဲၤကသ့တဂၤလဲၣ်.

လံာ်စီၤယိၤဘး 9:3

မ့ၢ်မတၤကတိၤဂ့ၢ်လိာ်တၢ်ဒီးအီၤကသ့တဂၤန့ၣ်လဲၣ်. အဝဲသံကွၢ်တၢ်သံကွၢ်လၢအကထိလၢပှၤစံးဆၢကသ့တအိၣ် နီတဂၤဘၣ်န့ၣ်လီၤ.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 138:3

မုၢ်တနံၤလၢယကိးထီၣ်နၤန့ၣ်နစံးဆၢယၤ, ဒီးနဒုးဆူၣ်ထီၣ်ယဂံၢ်ယဘါလၢ ယသးကံၢ်ပူၤလီၤ.

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယဃ့းစက့လး 20:33

ဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်နီၢ်နီၢ်ကစၢ်ယွၤလၢ အမူဝဲအသိး, ယစံးယဲ, ယဟ့ၣ်ပလီၢ်သုလၢ, လၢယတၢ်သးဒိၣ်အပူၤယကပၢဘၣ်သုလၢယစုဆူၣ်ဒီးလၢယစိ ကမီၤခဲလၢာ်အပူၤန့ၣ်လီၤ.

လံာ်ယဃ့းစက့လး 20:35

ယကလဲၤဆှၢနုာ်သုဆူပှၤကလုာ်တဖၣ်အပှၢ်မုၢ်ကနၢ, ဒီးဖဲန့ၣ်, ယကစံၣ်ညီၣ်ဃၣ်သုလၢသုမဲာ်သၣ်ပူၤန့ၣ်လီၤ.