လံာ်စီၤယိၤဘး 22:6 - Sgaw Karen Common Bible

⁶ နဃ့ဆူၣ်တၢ်ဟ့ၣ်ကီၤလၢ နဒီပုၢ်ဝဲၢ်တဖၣ်တအိၣ်ဒီး တၢ်အဂ့ၢ်အခၢးနီတမံၤဘၣ်. နဘ့ၣ်ကွံာ်အဝဲသ့ၣ်အကူအသိးဒီး ပာ်တီၢ်ဘ့ၣ်ဆ့အဝဲသ့ၣ်လီၤ.

လံာ်စီၤယိၤဘး 22:6 Iomraidhean Croise

လံာ်စီၤယိၤဘး 24:3

အဝဲသ့ၣ်ဟံးန့ၢ်ပှၤဖိၣ်ဃဲတဖၣ်အကသ့ၣ်ယီၤတဖၣ်ဒီးဟံးကီၤမုၣ် ကမဲတဂၤအဂီၤဖံးတုၤအလိးက့ၤအကမၣ်န့ၣ်လီၤ.

လံာ်စီၤယိၤဘး 24:7

အဝဲသ့ၣ်မံသီတနၤကျၢၤအိၣ်ဘ့ၣ်ဆ့ဒီးအကူအသိးတအိၣ်ဘၣ်, ဒီးတၢ်လၢကလုးဘၢဝဲလၢတၢ်ဂိၢ်အကတီၢ်န့ၣ်တအိၣ်ဘၣ်.

လံာ်စီၤယိၤဘး 29:12

တုၤပှၤဖှီၣ်ဖိယာ်ဖိကိးထီၣ်ဝဲဒၣ်န့ၣ်ဒီးယမၤစၢၤအီၤ, ဒီးယမၤစၢၤပှၤဖိၣ်ဃဲဖိသ့ၣ်တဖၣ်လၢပှၤကမၤစၢၤအီၤတအိၣ် ဘၣ်န့ၣ်လီၤ.

လံာ်တၢ်ဟးထီၣ်ကွံာ် 22:26

သုမ့ၢ်ဟံးန့ၢ်ဆ့ကၤဖးဒိၣ်လၢပှၤတဂၤဂၤအအိၣ်ဒ်တၢ်အၢၣ်လီၤ အီလီၤတမံၤလၢအဝဲကဘၣ်လိးက့ၤတၢ်အဂီၢ်ဒီး, တချုးလၢမုၢ်လီၤနုာ်န့ၣ်သုကဘၣ်ဟ့ၣ်က့ၤအီၤလီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 18:16

တဆီၣ်ဘံၣ်ဆီၣ်ဘၢပှၤနီတဂၤမ့ၢ်ဂ့ၤ, တဂုာ်ဆူၣ်ပျီဆူၣ်ပှၤနီ တဂၤမ့ၢ်ဂ့ၤန့ၣ်ဘၣ်. အဝဲဟ့ၣ်ကဒါက့ၤတၢ်လၢပှၤဃ့လိၢ်တၢ်တဂၤဟ့ၣ်ပာ်အီၤဒ်တၢ်အုၣ် ကီၤအသိးန့ၣ်လီၤ. အဝဲလုၢ်အီၤလုၢ်အီ ပှၤလၢတၢ်သၣ်ဝံၤအသးတဖၣ်ဒီးဒုးကူဒုးသိးပှၤလၢအအိၣ်ဘ့ၣ်ဆ့ တဖၣ်န့ၣ်လီၤ.

လံာ်ယဃ့းစက့လး 18:7

အဝဲတလီန့ၢ်ပှၤနီတဂၤမ့ၢ်ဂ့ၤ, တဂုာ်န့ၢ်ပှၤနီတဂၤမ့ၢ်ဂ့ၤအတၢ်ဘၣ်. တၢ်လၢပှၤဃ့လိၢ်တၢ်တဂၤဟ့ၣ်အီၤဒ်တၢ်အုၣ်ကီၤအသိးန့ၣ်, အဝဲဟ့ၣ်ကဒါက့ၤဝဲလီၤ. အဝဲဟ့ၣ်အီၣ်ပှၤလၢတၢ်သၣ်ဝံၤအသးဒီး ဒုးကူဒုးသိးဆူပှၤလၢအအိၣ်ဘ့ၣ်ဆ့န့ၣ်လီၤ.

လံာ်ဧၤမိၣ် 2:8

လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်သိၣ်လီၤသီလီၤတၢ် 24:6

တုၤသုဒုးလိၢ်လီၤပှၤတဂၤလၢတၢ်တမံၤမံၤန့ၣ်, ဟံးန့ၢ်အဝဲအဆၢၣ်ဂူာ်လၢၢ်လၢအဂံၢ်ဘျဲးဘုခ့ဒ်တၢ်ဟ့ၣ်ကီၤအသိးတဂ့ၤ. တၢ်အံၤကဟံးန့ၢ်ကွံာ်အဝဲအဟံၣ်ဖိဃီဖိအကျဲလၢ အကတဲာ်ကတီၤတၢ်အီၣ်တၢ်အီဒ်သိးကမူဝဲအဂီၢ်န့ၣ်လီၤ.