လံာ်စီၤယိၤဘး 22:27 - Sgaw Karen Common Bible

²⁷ ဖဲနဘါထုကဖၣ်အီၤန့ၣ်အဝဲကဒိကနၣ်နၤ, ဒီးနကမၤလၢထီၣ်ပှဲၤ ထီၣ်ဘၣ်တၢ်ဆိၣ်လၢနမၤတ့ၢ်ဒီးအီၤန့ၣ်လီၤ.

လံာ်စီၤယိၤဘး 22:27 Iomraidhean Croise

လံာ်စီၤပၤခံဘ့ၣ်တဘ့ၣ် 13:4

ဒီးစီၤယဟိအါဃးဘါထုကဖၣ်တၢ်ဆူယွၤအအိၣ်, ဒီးယွၤထံၣ်ဘၣ်ဝဲကီၢ်စူၤရံအစီၤပၤမၤအၢမၤနးပှၤအံၣ်စရ့ လးဖိနးထဲလဲၣ်ထဲလဲၣ်အဃိ, စံးဆၢဝဲအတၢ်ထုကဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:13

ကစၢ်ယွၤတူၢ်လိာ်တ့ၢ်စီၤမနၤၡ့ၤအတၢ်ထုကဖၣ်ဒီးစံးဆၢအီၤခီ ဖျိပျဲအက့ၤကဒါက့ၤဆူဝ့ၢ်ယရူၤၡလ့ၣ်ဒီးပၢကဒီးတၢ်န့ၣ်လီၤ. တၢ်မၤအသးအံၤဒုးနာ်စီၤမနၤၡ့ၤလၢ, ယွၤန့ၣ်, မ့ၢ်ကစၢ်ယွၤန့ၣ်လီၤ.

လံာ်စီၤယိၤဘး 11:13

စီၤယိၤဘးဧၢ, ပာ်လိၤပာ်ဘၣ်က့ၤနသးတက့ၢ်. ယူာ်ဃီၤနသးဆူကစၢ်ယွၤအအိၣ်န့ၣ်တက့ၢ်.

လံာ်စီၤယိၤဘး 27:10

အဝဲသ့ၣ်ကြၢးဆၢန့ၢ်ဘၣ်တ့ၢ်တၢ်သးခုလၢယွၤသ့တၢ်လၢာ် ကစၢ်ဟ့ၣ်အီၤဒီးအဝဲသ့ၣ်ကြၢးကိးထီၣ်အီၤလၢတၢ်ထုကဖၣ် အပူၤတဘိယူၢ်ဃီန့ၣ်လီၤ.

လံာ်စီၤယိၤဘး 33:26

တုၤအဝဲဃ့ဘါထုကဖၣ်တၢ်ဒီးကစၢ်ယွၤကစံးဆၢအီၤ, ဒီးကဘူၣ်ထီၣ်ဘါထီၣ်ကစၢ်ယွၤလၢတၢ်သူၣ်ဖှံသးညီအပူၤလီၤ. ကစၢ်ယွၤကမၤဘၣ်လီၢ်ဘၣ်စးက့ၤတၢ်လၢ အဂီၢ်လီၤ.

လံာ်စီၤယိၤဘး 34:28

အဝဲသ့ၣ်မၤဆူၣ်ပှၤဖှီၣ်ဖိယာ်ဖိသ့ၣ်တဖၣ်တုၤအကိးထီၣ်ကစၢ်ယွၤ ဒီးအဝဲနၢ်ဟူပှၤဖှီၣ်ဖိယာ်ဖိတဖၣ်အတၢ်ကိးထီၣ်လၢတၢ်မၤစၢၤ အဂီၢ်န့ၣ်လီၤ.

လံာ်စီၤယိၤဘး 8:6

နသးမ့ၢ်တီဝဲလိၤဝဲဒီးကဆှီဝဲဒၣ်န့ၣ်, ကစၢ်ယွၤကဟဲမၤစၢၤ နၤ, ဒီးကဟ့ၣ်က့ၤနဟံၣ်ဖိဃီဖိတဖၣ်ဒ်နကြၢးန့ၢ်သါတၢ် အသိးန့ၣ်လီၤ.

စံးထီၣ်ပတြၢၤ 116:1

ယအဲၣ်ယွၤကွံယွၤမ့ၢ်လၢ အဝဲနၢ်ဟူတ့ၢ်လံယကလုၢ် ဒီးယတၢ်ဃ့ကညးတဖၣ်အဃိန့ၣ်လီၤ.

စံးထီၣ်ပတြၢၤ 116:14

ယကမၤဘူၣ်ယွၤလၢ တၢ်ဘၣ်ဃးဒီး ယဆိၣ်တၢ်လၢ အပှၤဂီၢ်မုၢ်ခဲလၢာ် အမဲာ်ညါခဲကနံၣ်အံၤလီၤ.

စံးထီၣ်ပတြၢၤ 56:12

ကစၢ်ယွၤဧၢ, တၢ်လၢယဆိၣ်တၢ်လၢနဂီၢ်သ့ၣ်တဖၣ်န့ၣ်, ယကပာ်ဖျါထီၣ်အီၤ, ယကဟ့ၣ်ထီၣ်တၢ်စံးထီၣ်ပတြၢၤ အတၢ်မၤဘူၣ်သ့ၣ်တဖၣ်ဆူနၤလီၤ.

စံးထီၣ်ပတြၢၤ 61:5

ကစၢ်ယွၤဧၢ, အဂ့ၢ်ဒ်အံၤ နနၢ်ဟူတ့ၢ်လံယတၢ်ဆိၣ်တဖၣ်န့ၣ်လံ. နဟ့ၣ်တ့ၢ်လံယၤတၢ်န့ၢ်သါလၢအဘၣ်ဃးဒီး ပှၤလၢအပျံၤနမံၤလံ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်ပှၤစံၣ်တဲၤတဲလီၤတၢ် 5:4

မၤသးဒ်န့ၣ်ဒီး, ဖဲနမၤတၢ်အၢၣ်လီၤအီလီၤဒီးကစၢ်ယွၤန့ၣ်, မၤလၢပှဲၤအီၤချ့ချ့တသ့ဖဲအသ့တက့ၢ်. ပှၤအမၢးတဂၤန့ၣ်, ကစၢ်ယွၤသူအီၤတသ့ဘၣ်. မၤတၢ်လၢနအၢၣ်လီၤလၢနကမၤအီၤန့ၣ်တက့ၢ်.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယံးရမံယၤ 29:12

အန့ၣ်ဒီး သုကကိးထီၣ်တၢ်ဆူ ယအိၣ်လီၤ. သုကဟဲဒီးဃ့ထုကဖၣ်တၢ်ဆူ ယအိၣ်ဒီးယကစံးဆၢသုန့ၣ်လီၤ.

လံာ်ယိၤနါ 2:9

မ့မ့ၢ်ယဲဒၣ်အံၤယကလုၢ်ထီၣ်နၤလၢ တၢ်လုၢ်အိၣ်ဒီးတၢ်သးဝံၣ်စံးထီၣ်ပတြၢၤနၤ ဒီးယကမၤတၢ်လၢယအၢၣ်လီၤအီလီၤန့ၣ်လီၤ. တၢ်အုၣ်က့ၤခီၣ်က့ၤန့ၣ်ဟဲလၢယွၤလီၤ.”

လံာ်သိၣ်လီၤသီလီၤတၢ် 23:21

တုၤသုမၤတၢ်ဆိၣ်လီၤတမံၤဒီးယွၤသုကစၢ်ယွၤန့ၣ်, သုးဆၢသုးကတီၢ်လၢသုကမၤတၢ်လၢသုအၢၣ်လီၤအီၤန့ၣ်တဂ့ၤ. ယွၤကဟံးဃာ်သုဒ်သုတၢ်အၢၣ်လီၤအသိး, ဒီးသုမ့ၢ်တတိၢ်န့ၢ်ဖံးဃာ်အီၤဒီးကကဲထီၣ်တၢ်ဒဲးဘးလၢသု ဂီၢ်န့ၣ်လီၤ.