လံာ်စီၤယိၤဘး 22:16 - Sgaw Karen Common Bible

¹⁶ အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.

လံာ်စီၤယိၤဘး 22:16 Iomraidhean Croise

လံာ်တၢ်ကဲထီၣ်အခီၣ်ထံး 7:11

ဒီးတုၤစီၤနိအၤအသးအိၣ်အနံၣ်ဃုကယၤ, လါခံလါတလါ, ထီၣ်တဆံနွံသီအနံၤန့ၣ်ထံမိၢ်ပှၢ်ဖးလဲၢ်လၢဟီၣ်ခိၣ်လာ်အထံ ထီၣ်ပၢၢ်အလီၢ်တဖၣ်ပိၢ်ဖးထီၣ်ဝဲဒီးကယဲၢ်ထံလုၣ်ဘၢတၢ်အတြဲၤ တဖၣ်လၢမူခိၣ်အိးထီၣ်အသး,

လံာ်စီၤယိၤဘး 14:19

ထံဧိၤနိဧိၤကယွၤလီၤအီၣ်ကွံာ်လၢၢ်ဧိၤလ့ဧိၤ, ဒီးတၢ်စူၤဖးဒိၣ် ကယွၤစိာ်ကွံာ်ဟီၣ်ခိၣ်ညၣ်ထ့ၣ်လီၤ. ဒီးနမၤဟးဂီၤကွံာ်ပှၤ ကညီအတၢ်မုၢ်လၢ်လၢအတၢ်အိၣ်မူအဂီၢ်ဒ်န့ၣ်အသိးလီၤ.

လံာ်စီၤယိၤဘး 15:32

အမုၢ်နံၤတချူးဘၣ်ဒံးဘၣ်ဒီးအဝဲကဟးဂီၤကွံာ်ဒ်သ့ၣ်အဒ့ တဒ့လၢအဃ့ထီၣ်ကွံာ်ဝဲဒီးသံကစဲာ်ထီၣ်တသ့နီတဘျီလၢၤဘၣ် အသိးန့ၣ်လီၤ.

လံာ်စီၤယိၤဘး 21:13

မၤလၢာ်အမုၢ်နံၤတဖၣ်လၢတၢ်ဘီၣ်တၢ်ညီအပူၤဒီးလဲၤလီၤ ဆူပျူၤပူၤမုာ်မုာ်ခုၣ်ခုၣ်လီၤ.

လံာ်စီၤယိၤဘး 21:18

ဒီးအူဖျိးကွံာ်အဝဲသ့ၣ်လီၤဂာ်ဒ်လီၢ်ဧိၤဒံးဧိၤလၢကလံၤအ ကျါမ့ၢ်ဂ့ၤ, ဒ်ဖ့လၢကလံၤမုၢ်စိာ်ကွံာ်အီၤအသိးမ့ၢ်ဂ့ၤတဘျီဘျီ ဧါ.

လံာ်စီၤယိၤဘး 24:18

ပှၤတတီတလိၤလီၤထွံကွံာ်ဝဲလၢထံလုၣ်ဘၢတၢ်ဒီးဟီၣ်ခိၣ်လၢ အပၢဝဲန့ၣ်အိၣ်လၢကစၢ်ယွၤအတၢ်ဆိၣ်အၢအဖီလာ်ဒီးအဝဲသ့ၣ်တ လဲၤလၢၤဘၣ်ဆူစပံးလီၢ်တဖၣ်နီတဘျီလၢၤဘၣ်န့ၣ်လီၤ.

လံာ်စီၤယိၤဘး 36:14

အဝဲသ့ၣ်သံဖဲအသးစၢ်ဒံးအခါ, ဒီးအတၢ်အိၣ်မူလၢာ်ကွံာ်ဝဲ ဒ်ပှၤလီၤသးဘၣ်အၢအိၣ်လၢတၢ်လုၢ်ဟံၣ်ပူၤတဖၣ်အသိးန့ၣ်လီၤ.

လံာ်စီၤယိၤဘး 4:19

နဆိကမိၢ်လၢအဝဲကနာ်န့ၢ်တၢ်ဘၣ်တ့တမံၤလၢအမ့ၢ်ဟီၣ်ခိၣ်က ပံာ်, ဒီးတၢ်တမံၤလၢအကဲထီၣ်လၢဖၣ်ဆါလၢအဘၣ်တၢ်မၤသ ဘှံးအီၤသ့ဒ်ဂၢၢ်တဖျၢၣ်အသိးန့ၣ်ဧါ.

စံးထီၣ်ပတြၢၤ 102:24

ကစၢ်ယွၤဧၢ, တချုးလၢယသးပှၢ်ထီၣ်ဒံးဘၣ်န့ၣ် ဟံးထီၣ်ကွံာ်ယၤတဂ့ၤ. ယွၤဧၢ, နမူဝဲလီၤစိၤလီၤထီလီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

စံးထီၣ်ပတြၢၤ 90:5

နစိာ်ကွံာ်ပှၤဒ်ထံလုၣ်ဘၢတၢ်အသိး, ဒီးပတၢ်အိၣ်မူမၤအသးဒ်တၢ်မံမီၢ်အသိး, ဒီးဒ်တပံၢ်လၢအမဲထီၣ်လၢမုၢ်ဂီၤအသိး,

တၢ်ကတိၤဒိ. 10:27

တၢ်ပျံၤယွၤန့ၣ်ဒုးထီထီၣ်တၢ်အိၣ်မူလီၤ. မ့မ့ၢ်, ပှၤတတီတလိၤအနံၣ်အလါကဖုၣ်ဝဲလီၤ.

လံာ်ပှၤစံၣ်တဲၤတဲလီၤတၢ် 7:17

ဘၣ်ဆၣ်အၢသီကဲၣ်ဆိးမ့ၢ်ဂ့ၤ. မၢးကဲၣ်ဆိးမ့ၢ်ဂ့ၤတဂ့ၤ. ဘၣ်မနုၤအဆၢကတီၢ်တချုးတုၤဒံးဘၣ်ဒီးနကသံန့ၣ်လဲၣ်.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

၂ ပ့းတရူး 2:5

ကစၢ်ယွၤတပျၢ်ဖျဲးပှၤဟီၣ်ခိၣ်ဖိလၢပျၢၤလၢကစၢၤတဖၣ်ဘၣ်, ဒီးဒုးလုၣ်ဘၢကွံာ်ဟီၣ်ခိၣ်လၢအပှဲၤဒီးပှၤတယူးတယီၣ် ကစၢ်ယွၤလၢထံန့ၣ်လီၤ. ပှၤလၢအအုၣ်က့ၤခီၣ်က့ၤဝဲတဖၣ် မ့ၢ်ဒၣ်ထဲစီၤနိအၤလၢအစံၣ်တဲၤတဲလီၤတၢ်တီတၢ်လိၤ, ဒီးပှၤအဂၤနွံဂၤန့ၣ်လီၤ.