လံာ်စီၤယိၤဘး 22:12 - Sgaw Karen Common Bible

¹² ကစၢ်ယွၤအိၣ်ဝဲလၢမူခိၣ်တၢ်ထီၣ်ထီ, ဒီးကွၢ်ဆၣ်ဧိၤဖီဧိၤ တဖၣ်ဖဲအအိၣ်ထီၣ်ထီမးအခါဒၣ်လဲာ်တမ့ၢ်ဘၣ်ဧါ.

လံာ်စီၤယိၤဘး 22:12 Iomraidhean Croise

လံာ်စီၤယိၤဘး 11:7

မ့ၢ်နဃုထံၣ်သ့ၣ်ညါသ့တၢ်လၢာ်ကစၢ်ယွၤအတၢ်ဒိၣ်ဝဲထီဝဲ ဒီးအစိအကမီၤဘၣ်ကသ့ဧါ.

လံာ်စီၤယိၤဘး 11:8

တၢ်သ့ၣ်တဖၣ်န့ၣ် ထီန့ၢ်ဒံးမူခိၣ်အလီၢ်တဖၣ်လီၤ. နမၤမနုၤကသ့န့ၣ်လဲၣ် တၢ်သ့ၣ်တဖၣ်န့ၣ် ယိာ်န့ၢ်ဒံး ပျုၤပူၤအတၢ်ယိာ်တဖၣ်လီၤ. နသ့ၣ်ညါမနုၤကသ့လဲၣ်. နကသ့ၣ်ညါနဲဒ်လဲၣ်.

လံာ်စီၤယိၤဘး 35:5

ကွၢ်ထီၣ်ဆူမူခိၣ်တက့ၢ်. ကွၢ်တၢ်အၢၣ်တဖၣ်လၢအိၣ်ထီၣ် ထီလၢနဖီခိၣ်န့ၣ်တက့ၢ်.

စံးထီၣ်ပတြၢၤ 115:16

မူခိၣ်န့ၣ်ဘၣ်ဃးဒၣ်ဒီးယွၤတဂၤဧိၤန့ၣ်လီၤ. မ့မ့ၢ်ဟီၣ်ခိၣ်န့ၣ်ဟ့ၣ်လီၤဝဲဆူပှၤကညီလီၤ.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:2

တချုးနကတိၤဒံးတၢ်န့ၣ်, ဆိကမိၣ်တၢ်တက့ၢ်. ဒီးအၢၣ်လီၤတၢ်ဒီးကစၢ်ယွၤချ့ဒံးချ့ဒူးလၢတၢ်တဆိကမိၣ်အပူၤတဂ့ၤ. အဝဲအိၣ်လၢမူခိၣ်, မ့မ့ၢ်နဲနအိၣ်လၢဟီၣ်ခိၣ်လိၤလီၤ. အဃိဒီး, စံးကတိၤတၢ်အါန့ၢ်ဒံးတၢ်လၢနကြၢးစံးကတိၤအီၤတဂ့ၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.