လံာ်စီၤယိၤဘး 21:8 - Sgaw Karen Common Bible

⁸ အဝဲသ့ၣ်အိၣ်ဒီးအဖိတဖၣ်ဒီးအလံၤတဖၣ်ဒီး အိၣ်မူလၢကထံၣ်ဘၣ်အဝဲသ့ၣ်အတၢ်ဒိၣ်ထီၣ်န့ၣ်လီၤ.

လံာ်စီၤယိၤဘး 21:8 Iomraidhean Croise

လံာ်စီၤယိၤဘး 18:19

အဝဲအဖိအလံၤမ့တမ့ၢ် အစၢၤအသွဲၣ်တဖၣ်တအိၣ် လၢအပှၤဂီၢ်မုၢ်အကျါလၢၤဘၣ်. တၢ်လီၢ်ဖဲတဘျီအဝဲအိၣ်မူတ့ၢ်ဝဲန့ၣ်, ပှၤမူတ့ၢ်ဒံးတအိၣ် နီတဂၤဘၣ်.

လံာ်စီၤယိၤဘး 20:10

ဒီးအဖိခွါတဖၣ်ကမၤလိၤမၤဘၣ်က့ၤအသးဒီးပှၤဖှီၣ်ဖိယာ်ဖိ ဒီးကဟ့ၣ်က့ၤတၢ်ထူးတၢ်တီၤလၢအဝဲအီၣ်ကဘျံးကဘျၣ် တ့ၢ်ဝဲန့ၣ်လီၤ.

လံာ်စီၤယိၤဘး 20:28

ကယဲၢ်အဝဲအတၢ်ထူးတၢ်တီၤခဲလၢာ်ကဘၣ်တၢ်မၤဟးဂီၤကွံာ်လၢ ကစၢ်ယွၤအတၢ်သးထီၣ်အပူၤဒ်ထံဒိၣ်ခိၣ်ယွၤစိာ်ကွံာ်တၢ်အသိး န့ၣ်လီၤ.

လံာ်စီၤယိၤဘး 21:9

ကစၢ်ယွၤတဟဲစိာ်တၢ်ဟးဂူာ်ဟးဂီၤဆူအဟံၣ်တဖၣ်န့ၣ်ဘၣ်. အဝဲသ့ၣ်တအိၣ်မူဘၣ်လၢတၢ်ပျံၤတၢ်ဖုးအပူၤနီတဘျီဘၣ်.

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

တၢ်ကတိၤဒိ. 17:6

ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.