လံာ်စီၤယိၤဘး 20:25 - Sgaw Karen Common Bible

²⁵ ပျၢ်တဘ့ၣ်ဆဲးဖျိအဝဲအနီၢ်ခိ, ဒီးအသွံၣ်ကယွၤလီၤထွဲပျၢ်ကနၣ် လၢအကတြ့ၣ်ကတြိၣ်အခံ ဒီးတၢ်ပျံၤတၢ်ဖုးကလီၤဘၣ်အီၤလီၤ.

လံာ်စီၤယိၤဘး 20:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:14

စီၤယိၤအာ်စံးဝဲဒၣ်, “ယတမၤလၢာ်အါထီၣ်ယတၢ်ဆၢကတီၢ်ဒီးနၤနီတစဲးလၢၤဘၣ်.” အဝဲစိာ်ထီၣ်ဘီသၢဘ့ၣ်ဒီးဆဲးနုာ်အီၤဆူစီၤအးဘၡါလိၣ်အသးနါပှၢ်အပူၤ, ဖဲအဝဲမူဒံးဝဲအဖၢမုၢ်ဒီးအိၣ်လီၤစဲၤဝဲလၢသ့ၣ်သ့ထိးဖၣ် အလိၤအခါန့ၣ်လီၤ.

လံာ်စီၤယိၤဘး 15:21

တၢ်မၤပျံၤမၤဖုးအသီၣ်တဖၣ်ကကိးပသူထီၣ်လၢအနၢ်တဖၣ်ပူၤ, ဒီးပှၤဂုာ်ဆူၣ်ပျီဆူၣ်တၢ်တဖၣ်ထီဒါအီၤဖဲအဆိကမိၣ်ဝဲလၢ အအိၣ်ဒီးတၢ်ပူၤဖျဲးအခါန့ၣ်လီၤ.

လံာ်စီၤယိၤဘး 16:13

ဒီးခးပျၢ်တဖၣ်ဆူယအိၣ်လၢတၢ်လီၢ်ကိးကပၤဒဲး, ပျၢ်သ့ၣ်တဖၣ်လၢအဆဲးဖျိဒီးမၤဆါယၤလီၤ. အန့ၣ်ဒၣ်လဲာ်တပာ်ဖျါထီၣ်အတၢ်သးကညီၤယၤဘၣ်.

လံာ်စီၤယိၤဘး 18:11

တၢ်မၤပျံၤမၤဖုးတဖၣ်န့ၣ်အိၣ်ခိးဝးတရံးအီၤဒီးပိာ်ထွဲအခီၣ်ခါ ကိးခါဒဲးန့ၣ်လီၤ.

လံာ်စီၤယိၤဘး 18:14

အဝဲဘၣ်တၢ်ထဲးကွံာ်အီၤလၢဒဲလၢအဝဲအိၣ်ဂၢၢ်ကျၢၤဝဲလၢအပူၤ, ဒီးဘၣ်တၢ်တွံၢ်ထုးထီၣ်အီၤလၢကကွၢ်ဆၢၣ်မဲာ်တၢ်သံအစီၤပၤ အဂီၢ်န့ၣ်လီၤ.

လံာ်စီၤယိၤဘး 27:20

တၢ်မၤပျံၤမၤဖုးကလုၣ်ဘၢအီၤဒ်ထံလုၣ်ဘၢတၢ်သတူၢ်ကလာ် အသိး, ဒီးကလံၤလၢမုၢ်နၤကအူဖျိးကွံာ်အီၤ,

လံာ်စီၤယိၤဘး 6:4

သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

စံးထီၣ်ပတြၢၤ 7:12

ပှၤမ့ၢ်တပီၢ်ယၢ်လီၤက့ၤအသးဘၣ်ဒီး ကစၢ်ယွၤကကျ့ထီၣ်အနးလီၤ. ဖ့ၣ်ထီၣ်လံအချံၣ်ဒီးကတဲာ်ကတီၤလံအီၤလံ.

စံးထီၣ်ပတြၢၤ 73:19

အဝဲသ့ၣ်ဘၣ်တၢ်မၤဟးဂီၤကွံာ်အီၤလၢ တစိၢ်ဖိအတီၢ်ပူၤ, ဘၣ်တၢ်စိာ်ကွံာ်အီၤလၢာ်လၢာ်ဆ့ဆ့လၢ တၢ်လီၤပျံၤလီၤဖုးတဖၣ်န့ၣ်လီၤ.

စံးထီၣ်ပတြၢၤ 88:15

လၢယဖိၣ်သၣ်ခွါထီၣ်လံၤလံၤဒၣ်လဲာ်, ယဘၣ်တ့ၢ်လံ တၢ်နးတၢ်ဖှီၣ်ဒီးဘူးလၢယကသံန့ၣ်လီၤ. ယလီၤဘှံးတ့ၢ်လံယဲလၢနတၢ်သိၣ်ဃီၣ်တဖၣ် အတၢ်ဝံတၢ်ယိးအဃိန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

လံာ်သိၣ်လီၤသီလီၤတၢ် 32:41

လၢကယကျ့အ့ၣ်ထီၣ်ယနးလၢအကတြ့ၣ်ကတြိၣ်တဘ့ၣ် ဒီးထံၣ်လၢတၢ်စံၣ်ညီၣ်တီမၤအသးန့ၣ်လီၤ. ယကဟ့ၣ်ကၣ်တၢ်လၢယဒုၣ်ယဒါတဖၣ်အလိၤ, ဒီးစံၣ်ညီၣ်ပှၤတဖၣ်လၢအသးဟ့ယၤန့ၣ်လီၤ.