လံာ်စီၤယိၤဘး 20:17 - Sgaw Karen Common Bible

¹⁷ အဝဲဒၣ်တအိၣ်မူတုၤအထံၣ်ဘၣ်သ့ၣ်စၤယံးအသိ အထံကျိတဖၣ်မ့တမ့ၢ် ထံကျိၤတဖၣ်လၢ အယွၤလီၤဒီး တၢ်နုၢ်ထံဒီးကနဲစီန့ၣ်ဘၣ်.

လံာ်စီၤယိၤဘး 20:17 Iomraidhean Croise

လံာ်တၢ်ကဲထီၣ်အခီၣ်ထံး 18:8

ဒီးဟံးန့ၢ်တၢ်နုၢ်ထံလီၤသကၤ, တၢ်နုၢ်ထံဒီးတၢ်ညၣ်, ဒီးကတဲာ်ကတီၤတၢ်အီၣ်တၢ်အီလၢအဝဲသ့ၣ်အမဲာ်ညါန့ၣ်လီၤ. ဒီးစီၤအၤဘြၤဟၣ်အနီၢ်ကစၢ်ဒၣ်ဝဲဒုးအီၣ်ဒုးအီအဝဲသ့ၣ်လၢ သ့ၣ်အဖီလာ်, ဒီးအဝဲသ့ၣ်အီၣ်ဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:29

တၢ်အီၣ်တၢ်အီလၢအဝဲသ့ၣ်ဟဲစိာ်န့ၣ်မ့ၢ်ဝဲဘုကၠူၣ်, ဘုမုယီၤ, ဘုဝဲာ်အသး, ပထိး, သဘ့, ကနဲစီ, တၢ်နုၢ်ထံ ကိၢ်လိၣ်, တၢ်နုၢ်ထံလီၤသကၤဒီးသိဖိတနီၤန့ၣ်လီၤ. အဝဲသ့ၣ်, သ့ၣ်ညါဝဲလၢစီၤဒၤဝံးဒီးအပှၤတဖၣ်သၣ်ဝံၤသၣ်စ့ၤ, အသးသူထံဒီးလီၤဘှံးလီၤတီၤဝဲလၢပှၢ်မုၢ်ကနၢအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:2

ပှၤကွၢ်ထွဲမၤစၢၤစီၤပၤစံးဘၣ်စီၤအလံၤၡါ, “ယွၤအနီၢ်ကစၢ်ဒၣ်ဝဲမ့ၢ်ဆှၢလီၤဘုဧိၤဟုဧိၤတဘျီဃီဒၣ် လဲာ်န့ၣ်, မၤအသးတသ့ဘၣ်.” စီၤအလံၤၡါစံးဆၢဝဲ, “နကထံၣ်ဘၣ်တၢ်န့ၣ်မၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတမံၤဘၣ်.”

လံာ်စီၤယိၤဘး 29:6

ယဂီၤဖံးမိၢ်တဖၣ်ဒီးမဲာ်တဲးလဲးတဖၣ်ဟ့ၣ်ယၤတၢ်နုၢ်ထံအါမး ဒီးယသ့ၣ်စၤယံးသ့ၣ်တဖၣ်မဲထီၣ်ဝဲလၢလၢၢ်ခိၣ်လ့ကျါအပူၤန့ၣ်လီၤ.

စံးထီၣ်ပတြၢၤ 81:16

မ့မ့ၢ်ယဲၢအံၤယကဒုးအီၣ်နၤလၢဘုကၠူၣ်အဂ့ၤကတၢၢ် ဒီးဒုးမံသူၣ်မံသးနၤလၢကနဲစီအမံၤန့ၣ်လီၤ.”

လံာ်ယၡါယၤ 36:17

တုၤလၢစီၤပၤဖးဒိၣ်ပာ်လီၤက့ၤသုတၢ်အိၣ်တၢ်ဆိးအလီၢ်လၢထံ ကီၢ်တဘ့ၣ်လၢအလီၤဂာ်မးဒီးသုထံသုကီၢ်ဒၣ်ဝဲတစု, ဖဲစပံးလီၢ်တဖၣ်အိၣ်ဝဲလၢကဟ့ၣ်ထီၣ်စပံးထံ, ဒီးဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်လီၤ.

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်ယၡါယၤ 7:15

တုၤအဝဲအသးပှၢ်ထီၣ်တုၤထီၣ်ထီၣ်ဘးလၢအကစၢ်ဒၣ်ဝဲ ကစံၣ်ညီၣ်နီၤဖးပဲာ်ဖးတၢ်အကတီၢ်န့ၣ်, ပှၤဂီၢ်မုၢ်ကအီတၢ်နုၢ် ထံဒီးကအီၣ်ကနဲစီန့ၣ်လီၤ.

လံာ်ယၡါယၤ 7:22

အဝဲသ့ၣ်ကဟ့ၣ်ထီၣ်အနုၢ်ထံအါအါဂီၢ်ဂီၢ်တုၤဒၣ်လဲာ်အဝဲက အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. သပှၢ်တၢၢ်န့ၣ်, ပှၤလၢအအိၣ်လီၤတဲာ်စှၤဂၤလၢထံကီၢ်အပူၤန့ၣ်, ကအိၣ်ဒီးတၢ်နုၢ်ထံဒီး ကနဲစီလၢကအီၣ်ဝဲအီဝဲအဂီၢ်လီၤ.

လံာ်တၢ်ဂံၢ် 14:23

အဝဲသ့ၣ်တနုာ်လီၤဘၣ်ဆူကီၢ်လၢယအၢၣ်လီၤအီလီၤတ့ၢ်ဒီး အမိၢ်ပၢ်ဖံဖုလၢပျၢၤတဖၣ်န့ၣ်လ့ၤတက့ၤဘၣ်. ပှၤလၢအညိကွံာ်ယၤတဖၣ်န့ၣ်တလဲၤနုာ်ဘၣ်ဆူကီၢ်န့ၣ်နီတဂၤဘၣ်.

လံာ်လူၤကၣ် 16:24

လၢတၢ်န့ၣ်အဃိအဝဲဒၣ်ကိးထီၣ်ဝဲ, ‘ပၢ်စီၤအၤဘြၤဟၣ်ဧၢ, သူၣ်ကညီၤသးကညီၤယၤ ဒီးမၢစီၤလါစရူးဘျၢလီၤအစုမုၢ် အစိးနါလၢထံကျါဒီးဟဲမၤခုၣ်လီၤယပျ့ၤန့ၣ်တက့ၢ်. အဂ့ၢ်ဒ်အံၤ, ယအိၣ်လၢတၢ်ဘၣ်တူၢ်တၢ်နးမးအပူၤ, လၢမ့ၣ်အူတခါအံၤအပူၤလီၤ.’

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,