လံာ်စီၤယိၤဘး 20:14 - Sgaw Karen Common Bible

¹⁴ ဘၣ်ဆၣ်ဒီး တၢ်အီၣ်န့ၣ် ကကဲထီၣ်က့ၤတၢ်အခၣ်နးနးကလဲာ်လၢ အကဖုပူၤ, ခၣ်ဝဲဒ်ကယဲၢ်မ့ၢ်တၢ်စုၣ်တမံၤလၢ်လၢ်အသိးန့ၣ်လီၤ.

လံာ်စီၤယိၤဘး 20:14 Iomraidhean Croise

လံာ်စီၤယိၤဘး 20:15

ပှၤတတီတလိၤကဘှီးထီၣ်ကွံာ်တၢ်စုလီၢ်ခီၣ်ခိၣ်လၢအယူၢ်လီၤ တ့ၢ်ဝဲ, ဒီးကစၢ်ယွၤကဟံးန့ၢ်က့ၤလၢအဟၢဖၢပူၤဒၣ်လဲာ် န့ၣ်လီၤ.

လံာ်စီၤယိၤဘး 20:16

အဝဲကဆူးအီၣ်ဝဲဂုၢ်အၢတဖၣ်အစုၣ်ဒီးဂုၢ်ဘီၣ်အီးအမဲထွံၣ်က မၤသံအီၤလီၤ. တၢ်လၢပှၤအၢပှၤသီတဂၤယူၢ်လီၤဝဲန့ၣ် လီၤဂာ်ဒ်တၢ်စုၣ်အသိး, တၢ်န့ၣ်မၤသံအီၤလီၤဂာ်ဒီး ဂုၢ်သ့ၣ်လၢအစုၣ်အိၣ်, အတၢ်အ့ၣ်အီၤန့ၣ်လီၤ.

လံာ်စီၤယိၤဘး 20:23

ပျဲအအီၣ်တၢ်လၢအအဲၣ်ဒိးအီၣ်ဝဲခဲလၢာ်တက့ၢ်. ကစၢ်ယွၤကစံၣ်ညီၣ်အီၤလၢတၢ်သးဒိၣ်, တၢ်သးဖျိးအပူၤ န့ၣ်လီၤ.

တၢ်ကတိၤဒိ. 1:31

သတးဒီး, သုကဒိးန့ၢ်တၢ်လၢအကြၢးဒီးသု, ဒီးသုတၢ်မၤဒၣ်ဝဲတဖၣ်ကမၤဆူးမၤဆါသုလီၤ.

တၢ်ကတိၤဒိ. 20:17

တၢ်လၢနမၤန့ၢ်အီၤလၢတၢ်ကဘျံးကဘျၣ်အပူၤန့ၣ်, နကမုာ်လၤသးခုလၢအဃိဒ်တၢ်အီၣ်အဝံၣ်ကတၢၢ်အသိး ဘၣ်ဆၣ်ဒီးတယံာ်လၢၤဘၣ်န့ၣ်ကလီၤဂာ်ဒ်ထးခိၣ်ပှဲၤဒီးမဲး အသိးန့ၣ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

ရိမ့ၤ 3:13

အဝဲသ့ၣ်အကိာ်ပူၤတဖၣ်လီၤဂာ်ဒ် တၢ်သွၣ်ခိၣ်အပူၤအိၣ်အိးထီၣ်အသးအသိး, တၢ်လီတၢ်ဝ့ၤအအၢအသီတဖၣ် ဟဲထီၣ်လၢအပျ့ၤအလိၤ, ဒီးတၢ်ကတိၤအအၢအသီဒ် ဂုၢ်အၢအစုၣ်အပျၢ်အသိးတဖၣ်န့ၣ် ဟးထီၣ်လၢအထးခိၣ်,

လံာ်သိၣ်လီၤသီလီၤတၢ် 32:24

အဝဲသ့ၣ်ကသံဝဲလၢတၢ်သၣ်ဝံၤလီၤဒိဒီးတၢ်လိၤကိၢ်အဃိ, အဝဲသ့ၣ်ကသံဝဲလၢတၢ်ဆူးတၢ်ဆါတဖၣ်လၢအလီၤပျံၤလီၤဖုးအဃိ န့ၣ်လီၤ. ယကမၢလီၤဆၣ်ဖိကီၢ်ဖိအမံၤတဖၣ်လၢကဟဲထီၣ်အ့ၣ်ဖှီအဝဲသ့ၣ်, ဒီးဂုၢ်တဖၣ်လၢအစုၣ်အၢန့ၣ်ကအ့ၣ်အဝဲသ့ၣ်လီၤ.