လံာ်စီၤယိၤဘး 20:10 - Sgaw Karen Common Bible

¹⁰ ဒီးအဖိခွါတဖၣ်ကမၤလိၤမၤဘၣ်က့ၤအသးဒီးပှၤဖှီၣ်ဖိယာ်ဖိ ဒီးကဟ့ၣ်က့ၤတၢ်ထူးတၢ်တီၤလၢအဝဲအီၣ်ကဘျံးကဘျၣ် တ့ၢ်ဝဲန့ၣ်လီၤ.

လံာ်စီၤယိၤဘး 20:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:6

လၢအမၤတ့ၢ်တၢ်အၢတၢ်သီဒ်န့ၣ်တမံၤအဃိ, အဝဲကဟ့ၣ်ကဒါက့ၤတၢ်လွံၢ်စးအါထဲသိးတၢ်လၢအဝဲဟံးန့ၢ်တ့ၢ်ဝဲန့ၣ်လီၤ.”

လံာ်စီၤယိၤဘး 20:15

ပှၤတတီတလိၤကဘှီးထီၣ်ကွံာ်တၢ်စုလီၢ်ခီၣ်ခိၣ်လၢအယူၢ်လီၤ တ့ၢ်ဝဲ, ဒီးကစၢ်ယွၤကဟံးန့ၢ်က့ၤလၢအဟၢဖၢပူၤဒၣ်လဲာ် န့ၣ်လီၤ.

လံာ်စီၤယိၤဘး 20:18

ကယဲၢ်တၢ်လၢအမၤတ့ၢ်ဝဲလၢအဂီၢ်ခဲလၢာ်န့ၣ် ကဟ့ၣ် လီၤကွံာ်ဝဲဒီး ကမုာ်လၤသးခုလၢအတၢ် ထူးတၢ်တီၤအပူၤအတၢ်ခွဲးတၢ်ယာ်တအိၣ်ဘၣ်

လံာ်စီၤယိၤဘး 27:14

အဝဲသ့ၣ်ကအိၣ်ဝဲဒီးအဖိခွါအါဂၤဘၣ်ဆၣ်ကဘၣ်တၢ်မၤ သံကွံာ်အီၤခဲလၢာ်လၢတၢ်ဒုးတၢ်ယၤအပူၤန့ၣ်လီၤ. အဖိသ့ၣ်တဖၣ်တဘျဲးအီၣ်ဘျဲးအီနီတဘျီဘၣ်န့ၣ်လီၤ.

လံာ်စီၤယိၤဘး 4:11

ဒ်ခ့ယုၢ်တဖၣ်လၢအကမၤသံတၢ်ဒီးအီၣ်တၢ်တအိၣ်ဘၣ်အသိးအဝဲ သ့ၣ်သံဝဲဒီးကယဲၢ်အဖိတဖၣ်လီၤပြံလီၤပြါကွံာ်ဝဲဒၣ်န့ၣ်လီၤ.

လံာ်စီၤယိၤဘး 5:4

အဖိခွါတဖၣ်ထံၣ်န့ၢ်တၢ်ပူၤဖျဲးအလီၢ်တသ့နီတပူၤဘၣ်. လၢကွီၢ်ဘျီၣ်အပူၤန့ၣ်ပှၤကဆၢထၢၣ်အိၣ်ပှိၤအီၤတအိၣ် ဘၣ်နီတဂၤဘၣ်.

စံးထီၣ်ပတြၢၤ 109:10

မ်အဖိတဖၣ်ဟးဝ့ၤဝီၤဒီးဃ့အီၣ်တၢ်, မ်အဘၣ်တၢ်ဟီထီၣ်ကွံာ်အီၤလၢတၢ်ဟးဂီၤအလီၢ်တဖၣ်လၢအအိၣ် ဝဲဆိးဝဲန့ၣ်တက့ၢ်.

လံာ်တၢ်ဟးထီၣ်ကွံာ် 12:36

ဒီးယွၤမၤဝဲဒ်သိးပှၤအဲၤကူပတူးဖိတဖၣ်ကပာ်ကဲပှၤဂီၢ်မုၢ် ဒီးဟ့ၣ်တၢ်လၢအဝဲသ့ၣ်ဃ့ဝဲတဖၣ်န့ၣ်လီၤ. လၢကျဲဒ်အံၤန့ၣ်, ပှၤအံၣ်စရ့လးဖိတဖၣ်ဟံးန့ၢ်ကွံာ်ပှၤအဲၤကူပတူးဖိတဖၣ် အတၢ်ထူးတၢ်တီၤန့ၣ်လီၤ.

လံာ်တၢ်ဟးထီၣ်ကွံာ် 22:1

ပှၤတဂၤမ့ၢ်ဟုၣ်န့ၢ်ကျီၢ်မိၢ်တဒုမ့ၢ်ဂ့ၤ, သိတဒုမ့ၢ်ဂ့ၤဒီး မၤသံအီၤမ့ၢ်ဂ့ၤ, ဆါကွံာ်အီၤမ့ၢ်ဂ့ၤန့ၣ်အဝဲကဘၣ်ဟ့ၣ်က့ၤကျီၢ် မိၢ်ယဲၢ်ဒုလၢကျီၢ်မိၢ်တဒုအဂီၢ်ဒီးသိလွံၢ်ဒုလၢသိတဒု အဂီၢ်လီၤ.

လံာ်တၢ်ဟးထီၣ်ကွံာ် 22:3

ဆၣ်ဖိကီၢ်ဖိလၢဘၣ်တၢ်ဟုၣ်န့ၢ်အီၤတဒုန့ၣ်မ့မ့ၢ်ကျီၢ်မိၢ် တဒုမ့ၢ်ဂ့ၤ, ကသ့ၣ်ယီၤတဒုမ့ၢ်ဂ့ၤ, သိတဒုမ့ၢ်ဂ့ၤဒီး, မ့ၢ်ဘၣ်တၢ်ထံၣ်န့ၢ်အီၤမူဒံးလၢအတၢ်ဖိတၢ်လံၤအကျါန့ၣ်, အဝဲကဘၣ်လိးက့ၤတၢ်ခံစးန့ၣ်လီၤ.

လံာ်တၢ်ဟးထီၣ်ကွံာ် 9:2

နမ့ၢ်ဂ့ၢ်လိာ်ကဒီးလၢအဝဲသ့ၣ်ကဟးထီၣ်ဒီး,

တၢ်ကတိၤဒိ. 28:3

ပှၤပၢတၢ်တဂၤလၢအမၤနးမၤဖှီၣ်ပှၤဖှီၣ်ဖိယာ်ဖိန့ၣ်, မၤအသးဒ်တၢ်ဟဲစူၤလီၤဆူၣ်ဆူၣ်လၢအမၤဟးဂီၤကွံာ် တၢ်မုၢ်တၢ်ဘိတၤသူတၤသၣ်တဖၣ်န့ၣ်လီၤ.

တၢ်ကတိၤဒိ. 6:31

တုၤမ့ၢ်တၢ်ဖီၣ်န့ၢ်အီၤဒီး, အဝဲကဘၣ်ဟ့ၣ်က့ၤတၢ်အါန့ၢ်အလီၢ်နွံစး, ကဘၣ်ဟ့ၣ်တၢ်လၢအအိၣ်ဒီးအီၤခဲလၢာ်လီၤ.

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”