လံာ်စီၤယိၤဘး 2:8 - Sgaw Karen Common Bible

⁸ ဒီးစီၤယိၤဘးဟံးန့ၢ်သပၢၤက့ဒ်သိးအကဝာ်အသး, ဒီးဆ့ၣ်နီၤလၢဖၣ်ဆါအကျါလီၤ.

လံာ်စီၤယိၤဘး 2:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်နီၢ်အ့ၤစတၢ် 4:1

တုၤစီၤမၢ်ဒကဲၤသ့ၣ်ညါဘၣ်တၢ်မၤအသးခဲလၢာ်ဒီး, အဝဲဖှီအကူအသိးလၢတၢ်သူၣ်ကိၢ်သးဂီၤနးမးအပူၤလီၤ. အန့ၣ်ဝံၤဒီးအဝဲကူထီၣ်သိးထီၣ်ဆ့ကၤထၢသွ့, ဖှံအခိၣ်ဒီးဖၣ်ဆါဒီးဟးလၢဝ့ၢ်ပူၤ, ဒီးဟီၣ်ဝဲဒိၣ်ဒိၣ် ကလဲာ်လၢတၢ်သူၣ်အုးသးအုးအပူၤ,

လံာ်နီၢ်အ့ၤစတၢ် 4:3

သကုၤကီၢ်ဒီဘ့ၣ်ညါဖဲစီၤပၤအတၢ်ဘိးဘၣ်သ့ၣ်ညါဘၣ်တၢ်ဒုးသ့ၣ် ညါအီၤန့ၣ်, တၢ်သူၣ်အုးသးအုးဒီးတၢ်ဟီၣ်တၢ်ယၢၤဖးဒိၣ်အိၣ်ဝဲဒၣ်လၢပှၤ ယူဒၤဖိအကျါလီၤ. အဝဲသ့ၣ်ဒုၣ်တၢ်အီၣ်တၢ်အီ, ဟီၣ်ဝဲယၢၤဝဲဒီးပှၤအါဂၤကူထီၣ်သိးထီၣ်ဆ့ကၤထၢၣ်သွ့ ဒီးမံလီၤလၢဖၣ်ဆါကျါလီၤ.

လံာ်စီၤယိၤဘး 2:9

တုၤနုၤတစုအမါစံးဘၣ်အီၤ, “မ့ၢ်နဟံးဃာ်ဒံးနတၢ်တီတၢ်လိၤ ဂၢၢ်ဂၢၢ်ကျၢၤကျၢၤန့ၣ်ဧါ. ဆိၣ်ကစၢ်ယွၤဒီးသံတက့ၢ်.”

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

စံးထီၣ်ပတြၢၤ 38:5

ယပူၤလီၢ်တဖၣ်နၢအုၣ်ဒီးဒၢဖံဝဲလၢ ယတၢ်တသ့ၣ်ညါယွၤအဃိန့ၣ်လီၤ.

စံးထီၣ်ပတြၢၤ 38:7

ယယီၢ်ဒ့ကိၢ်အူလၢတၢ်ဆါအဃိ ဒီးယအိၣ်လၢတၢ်ဆါနးနးကလဲာ်အပူၤလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်ယဃ့းစက့လး 27:30

အဝဲသ့ၣ်ခဲလၢာ် ဘၣ်မိၣ်ဘၣ်မးနးနးကလဲာ်လၢနဂီၢ်, ဖှံထီၣ် ဟီၣ်ခိၣ်ကမူၣ်တဖၣ် လၢအခိၣ်လိၤဒီးထွၣ်တလ့ၣ်အသးလၢ ဖၣ်ဆၣ်ကျါန့ၣ်လီၤ.

လံာ်ယိၤနါ 3:6

တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.