လံာ်စီၤယိၤဘး 2:7 - Sgaw Karen Common Bible

⁷ အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါဒီးမၤနးမၤ ဖှီၣ်စီၤယိၤဘးလၢတၢ်ဝ့အၢစးထီၣ်လၢအခီၣ်ညါသးတုၤလၢ အခိၣ်ထံလီၤ.

လံာ်စီၤယိၤဘး 2:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:25

လၢကီၢ်အံၣ်စရ့လးအပူၤန့ၣ် ပှၤတအိၣ်ဝဲနီတဂၤလၢအမံၤကဟူသၣ်ကဖျါဝဲလၢအဒိၣ်တၢ်ဂ့ၤအဃိဒ်သိးစီၤအးဘၡါလိၣ်န့ၣ်ဘၣ်. စးထီၣ်လၢအခိၣ်တုၤလီၤလၢအခီၣ်န့ၣ် နီၢ်ခိအတၢ်လီၤတူာ်လီၤကာ်တအိၣ်နီတမံၤဘၣ်.

လံာ်စီၤပၤအခီၣ်ထံးတဘ့ၣ် 22:22

ယွၤသံကွၢ်ဝဲ, နကလီန့ၢ်အီၤဒ်လဲၣ်, သးန့ၣ်စံးဆၢဝဲ, ယကလဲၤဒီးမၤဒ်သိးကယဲၢ်စီၤအၤဃာ်အဝံခဲလၢာ်လၢကလီတၢ်ဝ့ၤ တၢ်န့ၣ်လီၤ. ယွၤစံးဝဲဒၣ်, လဲၤဒီးလီန့ၢ်အီၤတက့ၢ်. နကမၤနၢၤတၢ်လီၤ.”

လံာ်စီၤယိၤဘး 1:11

မ့မ့ၢ်ယူာ်ထီၣ်နစုခဲအံၤဒီးဟံးထီၣ်ကွံာ်ကယဲၢ်တၢ်လၢအအိၣ် ဒီးအီၤခဲလၢာ်တက့ၢ်. ဒီးအဝဲဒၣ်ကဆိၣ်အၢနၤလၢနမဲာ် သၣ်န့ၣ်လီၤ.

လံာ်စီၤယိၤဘး 13:28

လၢခံကတၢၢ်န့ၣ်ဒီးယလီၤကလဲကွံာ်ဒ်သ့ၣ်လၢအကျၣ်ကွံာ်အသိး, ဒ်ဆ့ကၤလၢတၢ်အဃၣ်အီၣ်ကွံာ်အီၤအသိးန့ၣ်လီၤ.

လံာ်စီၤယိၤဘး 2:6

ဒီးယွၤစံးဘၣ်မုၣ်ကီၤလံၢ်, “ဂ့ၤလံအဝဲဒၣ်အိၣ်လၢနစိက မီၤအဖီလာ်လီၤ. ဘၣ်ဆၣ်ဒီးနတဘၣ်မၤသံအီၤဘၣ်.”

လံာ်စီၤယိၤဘး 30:30

ယဖံးထီၣ်သူဝဲဒီးယလိၤကိၢ်ကဖးလၢတၢ်လိၤကိၢ်အဃိ န့ၣ်လီၤ.

လံာ်စီၤယိၤဘး 7:5

ယနီၢ်ဒီတဂၤညါပှဲၤဝဲဒီးလၢၣ်ဧိၤဆှးဧိၤတဖၣ်, ဘၣ်တၢ်ကျၢၢ်ဘၢအီၤလၢတၢ်ပူၤလီၢ်သးဃ့တဖၣ်, ဒီးတၢ်အဖံအစီၤသ့ၣ်တဖၣ်ယွၤလီၤဝဲလၢယပူၤလီၢ်တဖၣ်န့ၣ်လီၤ.

လံာ်ယၡါယၤ 1:6

စးထီၣ်လၢခိၣ်ဒီးတုၤလၢခီၣ်န့ၣ်, လၢသုနီၢ်ခိအဖီခိၣ်တၢ်အ မုာ်အဂ့ၤတအိၣ်နီတတီၤလၢၤဘၣ်. သုဘၣ်တၢ်ကးဘၢသုဒီး တၢ်ဘၣ်တီၢ်အလီၢ်, တၢ်ပူၤလီၢ်ပူၤကျဲ, ဒီးတၢ်ဘၣ်ဒိဘၣ်ထံးသ့ၣ်မုၢ်သ့ၣ် ဖးတဖၣ်လီၤ. သုပူၤလီၢ်ပူၤကျဲတဖၣ်တဘၣ်တၢ်မၤကဆှဲ ကဆှီအီၤဒီးဘိၣ်ဘံၣ်ဘၢအီၤဘၣ်. တဘၣ်တၢ်ဖူ အီၤလၢကသံၣ်ဖူစ့ၢ်ကီးဘၣ်.

လံာ်ယၡါယၤ 3:17

ဘၣ်ဆၣ်ဒီးယကစံၣ်ညီၣ်အဝဲသ့ၣ်, ယကလူၤကျိကွံာ်အခိၣ်တဖၣ်ဒီးပာ်အီၤလ့ၤကဒိလီၤ.”

လံာ်သိၣ်လီၤသီလီၤတၢ် 28:27

ယွၤကဒုးလီၤဘၣ်တၢ်ဝ့တဖၣ်လၢသုလိၤ, ဒ်အမၤတ့ၢ်ဝဲလၢပှၤအဲၤကူပတူးဖိတဖၣ်အလိၤအသိးန့ၣ်လီၤ. အဝဲကမၤပှဲၤသုနီၢ်ခိဒီဂၤညါဒီးတၢ်ပူၤလီၢ်တဖၣ်လီၤ. သုကဘၣ်တၢ်လုၣ်ဘၢသုဒီးတၢ်သးဃ့တဖၣ်ဒီးတၢ်ကသးသု, ဘၣ်ဆၣ်တၢ်မၤဘျါက့ၤသုတအိၣ်ဘၣ်နီတမံၤဘၣ်.

လံာ်သိၣ်လီၤသီလီၤတၢ် 28:35

ယွၤကမၤပှဲၤသုခီၣ်တဖၣ်ဒီးတၢ်ပူၤလီၢ်လၢအဆါမးဒီးတၢ်မၤဘျါအီၤတန့ၢ်တဖၣ်လီၤ. သုကအိၣ်ပှဲၤဒီးတၢ်ဝ့တဖၣ်စးထီၣ်လၢသုခိၣ်တုၤလၢသုခီၣ်န့ၣ်လီၤ.

လံာ်လီၣ်ဖျါ 16:11

ဒီးအဝဲသ့ၣ်ဆိၣ်အၢကစၢ်ယွၤလၢမူခိၣ်, လၢအတၢ်ဆူးတၢ်ဆါ, ဒီးတၢ်ပူၤလီၢ်ပူၤကျဲတဖၣ်အဃိလီၤ. ဘၣ်ဆၣ်ဒီးအဝဲသ့ၣ်တဃၣ်ကွံာ်လၢအကျဲအအၢအသီတဖၣ် န့ၣ်ဘၣ်.