လံာ်စီၤယိၤဘး 2:4 - Sgaw Karen Common Bible

⁴ တုၤနုၤတစုမုၣ်ကီၤလံၢ်စံးဆၢယွၤ, “ပှၤကညီကဟ့ၣ်လီၤကွံာ် ကယဲၢ်တၢ်ခဲလၢာ်လၢအအိၣ်ဒီးအီၤလၢအသးသမူအဂီၢ်လီၤ.

လံာ်စီၤယိၤဘး 2:4 Iomraidhean Croise

လံာ်တၢ်ကဲထီၣ်အခီၣ်ထံး 47:17

လၢတၢ်န့ၣ်အဃိ, အဝဲသ့ၣ်ဟဲစိာ်အဆၣ်ဖိကီၢ်ဖိအဒၢတဖၣ်ဆူ စီၤယိၤသးအအိၣ်, ဒီးအဝဲဟ့ၣ်ခီလဲန့ၢ်အဝဲသ့ၣ်တၢ်အီၣ်ဒီး အကသ့ၣ်တဖၣ်, အသိတဖၣ်, အမဲာ်တဲးလဲးတဖၣ်, အဂီၤဘုၣ်ဂီၤဖံးဒီးအကသ့ၣ်ယီၤတဖၣ်န့ၣ်လီၤ. နံၣ်အဝဲန့ၣ်, အဝဲလုၢ်အီၣ်အဝဲသ့ၣ်လၢတၢ်အီၣ်ဒ်တၢ်ဟ့ၣ်ခီ လဲလၢအဝဲသ့ၣ်အဆၣ်ဖိကီၢ်ဖိအဒၢတဖၣ်အဂီၢ်လီၤ.

လံာ်တၢ်ကဲထီၣ်အခီၣ်ထံး 47:19

ပျဲပသံတဂ့ၤ. မၤတၢ်တမံၤမံၤတက့ၢ်. ပျဲပစံာ်ပပျီတဖၣ်ကဲ ထီၣ်တၢ်ကလီကလီတဂ့ၤ. ပှ့ၤပှၤဒီးပဟီၣ်ခိၣ်တဖၣ်ဒ်တၢ်ဟ့ၣ်ခီလဲလၢတၢ်အီၣ်တၢ်အီအဂီၢ် အသိးန့ၣ်တက့ၢ်. ပကကဲထီၣ်စီၤပၤအကုၢ်အပှၤတဖၣ်ဒီးပဟီၣ်ခိၣ်ကကဲထီၣ်အတၢ်န့ၣ် လီၤ. ဟ့ၣ်ပှၤဘုဧိၤဟုဧိၤလၢပကမူ, ဒီးတၢ်ချံတၢ်သၣ်ဒ်သိးပသူၣ်လီၤဖျးလီၤတၢ်လၢပစံာ်ပပျီ တဖၣ်အပူၤကသ့အဂီၢ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 20:31

အဝဲအပဒိၣ်ပပှၢ်တဖၣ်လဲၤဆူအအိၣ်ဒီးစံးဘၣ်အီၤ, “ပနၢ်ဟူတ့ၢ်လၢကီၢ်အံၣ်စရ့လးအစီၤပၤတဖၣ်သးကညီၤတၢ်သ့ လီၤ. ဟ့ၣ်ပှၤတၢ်ပျဲလၢပကလဲၤဆူကီၢ်အံၣ်စရ့လးအစီၤပၤအအိၣ်, အိၣ်ဒီးဆ့ကၤထၢၣ်တၢ်ကံးယာ်လၢပယီၢ်ဒ့တဖၣ်အလိၤဒီးပျံၤတဖၣ် လၢပကိာ်တဖၣ်အလိၤဒီးဘၣ်သ့ၣ်သ့ၣ်အဝဲကပျဲပူၤဖျဲးနသးသမူ န့ၣ်လီၤ.”

လံာ်စီၤယိၤဘး 2:3

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤဘး တဂၤလၢနသးစ့ၢ်ကီးဧါ. လၢဟီၣ်ခိၣ်ချၢန့ၣ်ပှၤအတီအလိၤဒီး ပှၤဂ့ၤဒ်သိးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟး ဆှဲးတၢ်အၢတဂၤလီၤ. နထိၣ်ဂဲၤတ့ၢ်ယၤဒ်သိးယကထီဒါအီၤ, မၤဟးဂီၤအီၤကလီကလီဘၣ်ဆၣ်ဒီးအဝဲဟံးဃာ်ဒံးအတၢ်တီတၢ် လိၤဂၢၢ်ဂၢၢ်ကျၢၤကျၢၤန့ၣ်လီၤ.”

လံာ်စီၤယိၤဘး 2:5

ဘၣ်ဆၣ်ဒီးယူာ်ထီၣ်နစုခဲအံၤဒီးထိးဘၣ်အဃံဒီးအညၣ်တက့ၢ်. ဒီးကဆိၣ်အၢမးနၤလၢနမဲာ်သၣ်န့ၣ်လီၤ.”

တၢ်ကတိၤဒိ. 13:8

ပှၤအထူးအတီၤတဂၤကဘၣ်သူအစ့လၢကမၤပူၤဖျဲးအသးသမူ အဂီၢ်လီၤ. ဘၣ်ဆၣ်ဒီးပှၤတမၤပျံၤမၤဖုးပှၤအဖှီၣ်အယာ်တဂၤန့ၣ် နီတဂၤဘၣ်.

လံာ်ယံးရမံယၤ 41:8

ဘၣ်ဆၣ်ဒီး ပှၤအိၣ်ဆံဆဲၣ်ဂၤလၢ အကျါလၢ အစံးဘၣ် စီၤယံးၡမၤအ့လး, “ဝံသးစူၤ မၤသံပှၤတဂ့ၤ. ပအိၣ်ဒီး ဘုကၠူၣ်, ဘုမုယီၤ, သ့ၣ်စၤယံးအသိ, ဒီးကနဲစီလၢပပာ်ခူသူၣ်အီၤလၢ စံာ်ပျီတဖၣ်အပူၤန့ၣ်လီၤ.” လၢတၢ်န့ၣ်အဃိ, အဝဲပျဲပူၤဖျဲးကွံာ်ဝဲသ့ၣ်န့ၣ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်လူၤကၣ် 12:23

တၢ်အိၣ်မူန့ၣ်အကါဒိၣ်န့ၢ်ဒံးတၢ်အီၣ်တၢ်အီ, ဒီးနီၢ်ခိန့ၣ်အကါဒိၣ်န့ၢ်ဒံးတၢ်ကူတၢ်သိးတက့ၢ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.