လံာ်စီၤယိၤဘး 2:13 - Sgaw Karen Common Bible

¹³ ဒီးအဝဲသ့ၣ်ဆ့ၣ်နီၤဃုာ်ဒီးအီၤလၢဟီၣ်ခိၣ်လိၤနွံနံၤဒီး နွံနၤ, ဒီးတကတိၤတၢ်ဒီးအီၤနီတဂၤဘၣ်. အဂ့ၢ်ဒ်အံၤအဝဲသ့ၣ် ထံၣ်ဘၣ်ဝဲလၢအတၢ်နးတၢ်ဖှီၣ်ဒိၣ်နီၢ်မးန့ၣ်လီၤ.

လံာ်စီၤယိၤဘး 2:13 Iomraidhean Croise

လံာ်တၢ်ကဲထီၣ်အခီၣ်ထံး 1:5

ဒီးတၢ်ကပီၤန့ၣ်ယုၢ်ဝဲအမံၤလၢမုၢ်နံၤ, ဒီးတၢ်ခံးန့ၣ်ယုၢ်ဝဲအမံၤလၢမုၢ်နၤန့ၣ်လီၤ. မုၢ်ဟါပူၤကွံာ်ဝဲ ဒီးမုၢ်ဂီၤဟဲဝဲ, တၢ်န့ၣ်မ့ၢ်မုၢ်နံၤအခီၣ်ထံးကတၢၢ်တနံၤလီၤ.

လံာ်တၢ်ကဲထီၣ်အခီၣ်ထံး 1:8

ကစၢ်ယွၤယုၢ်ဝဲမူကပိာ်လိၤအမံၤလၢ “မူခိၣ်” လီၤ. မုၢ်ဟါပူၤကွံာ်ဝဲဒီးမုၢ်ဂီၤဟဲဝဲဒီး တၢ်န့ၣ်မ့ၢ်မုၢ်ခံနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 50:10

ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်စီၤဧ့စြၤ 9:3

တုၤယနၢ်ဟူတ့ၢ်တၢ်အံၤန့ၣ်ယဖှီကွံာ်ယကူယသိးတဖၣ်လၢတၢ်သးဟး ဂီၤအပူၤ, ယထဲးကွံာ်ယခိၣ်သူဒီးယခၣ်ဆူၣ်ဒီးဆ့ၣ်နီၤလၢတၢ်သူၣ်အုးသး အုးအတၢ်သးလီၤသဘှံးအပူၤန့ၣ်လီၤ.

လံာ်စီၤနဃ့မယၤ 1:4

ဒီးတုၤယနၢ်ဟူတၢ်သ့ၣ်တဖၣ်အံၤခဲလၢာ်ဝံၤန့ၣ်ဒီးယဆ့ၣ်နီၤ ဟီၣ်ယဲလီၤ. ယဟီၣ်ဒီးယတအီၣ်တအီတၢ်နီတမံၤတဘျုးသီန့ၣ်လီၤ. ဒီးယဃ့ဘါထုကဖၣ်ဆူကစၢ်ယွၤအအိၣ်လီၤ.

လံာ်စီၤယိၤဘး 3:1

တၢ်မၤအသးဒ်န့ၣ်အလီၢ်ခံဝံၤစီၤယိၤဘးအဲးထီၣ်အထးခိၣ် ဒီးဆိၣ်အၢမုၢ်နံၤလၢအအိၣ်ဖျဲၣ်ထီၣ်ဝဲဒၣ်န့ၣ်လီၤ.

စံးထီၣ်ပတြၢၤ 77:4

နဟံးဃာ်ယမဲာ်ဖံးလၢတၢ်ဆိးသီအပူၤလီၤ. ယကိၢ်ယဂီၤတၢ်ဒိၣ်မးတုၤဒၣ်လဲာ် ယကတိၤတၢ်တသ့လၢၤဘၣ်န့ၣ်လီၤ.

လံာ်ယၡါယၤ 3:26

ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 47:1

ယွၤစံးဝဲ, “ဝ့ၢ်ဘၤဘူၤလိၣ်ဧၢ, ဟဲလီၤလၢနလီၢ်ပစိာ် ဒီးဆ့ၣ်နီၤလၢဖၣ်ကမူၣ်အကျါလၢဟီၣ်ခိၣ်လိၤ န့ၣ်တက့ၢ်. တဘျီနမ့ၢ်တ့ၢ်နဲဒ်ပှၤမုၣ်ကနီၤဖိတဂၤအသိး, ဝ့ၢ်တဝ့ၢ်လၢတဘၣ်တၢ်မၤန့ၢ်မၤနၢၤအီၤဘၣ်. ဘၣ်ဆၣ်ဒီးခဲအံၤန့ၣ်နတစၢ်တဒွဲဒီးကပုာ်လုးဒ်လၢညါ အသိးလၢၤဘၣ်. ခဲအံၤနမ့ၢ်နဲကုၢ်တဂၤလီၤ.

လံာ်သးသယုၢ်တၢ် 2:10

ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်ယဃ့းစက့လး 3:15

လၢတၢ်န့ၣ်အဃိ, ယဟဲဆူဝ့ၢ်တ့ၤလၤဘံးလၢထံကျိကဘၢ်အနံၤ, ဖဲပှၤဘၣ်တၢ်စိာ်မၢကဲကုၢ်တဖၣ် အိၣ်ဆိးဝဲ, ဒီးယအိၣ်ဖဲန့ၣ် နွံသီ, ဒီးတၢ်လၢယထံၣ်ဘၣ်ဒီး နၢ်ဟူဘၣ်တ့ၢ်တဖၣ် မၤလီၤသဘှံး ယသးန့ၣ်လီၤ.