လံာ်စီၤယိၤဘး 19:7 - Sgaw Karen Common Bible

⁷ ကွၢ်ကွၢ်ယကိးထီၣ်လၢတၢ်မၤဆူၣ်အဃိ, ဒီးတၢ်တကနၣ် ဘၣ်ယကလုၢ်ဘၣ်. ယတၢ်ကိးထီၣ်လၢတၢ်စံၣ်ညီၣ်တီအဂီၢ် န့ၣ်ပှၤတနၢ်ဟူနီတဂၤဘၣ်.

လံာ်စီၤယိၤဘး 19:7 Iomraidhean Croise

လံာ်စီၤယိၤဘး 10:3

လၢနကသးဘၣ်အၢတၢ်လၢ နကစၢ်ဒၣ်နဲတ့လီၤ အီၤဒီးနံၤလၢပှၤအၢပှၤသီတဖၣ် အတၢ်ကူၣ်ကျဲၤအဂီၢ်န့ၣ်, ကတီဝဲလိၤဝဲလၢ နဂီၢ်တုၤလၢနကအၢကသီထဲ န့ၣ်ကစီဒီဧါ.

လံာ်စီၤယိၤဘး 16:21

ယဆၢဒိးန့ၢ်ဘၣ်ပှၤတဂၤလၢကဃ့ထီၣ်တၢ်ဆူကစၢ်ယွၤအအိၣ် လၢယဂီၢ်ဒ်ပှၤတဂၤဃ့တၢ်လၢအတံၤသကိးအဂီၢ်အသိးန့ၣ်လီၤ.

လံာ်စီၤယိၤဘး 21:27

ကွၢ်ကွၢ်, ယသ့ၣ်ညါသုတၢ်ဆိကမိၣ်, ဒီးတၢ်လၢသုကူၣ်ထီၣ် တၢ်တတီတလိၤထီဒါယၤလီၤ.

လံာ်စီၤယိၤဘး 30:20

ကစၢ်ယွၤဧၢ, တုၤယကိးထီၣ်နၤန့ၣ်ဒီးနတစံးဆၢယၤနီတဘျီ ဘၣ်. ဒီးတုၤယဃ့ဘါထုကဖၣ်နၤန့ၣ်ဒီးနတဒိကနၣ်ယၤဘၣ်.

လံာ်စီၤယိၤဘး 30:24

ပှၤလၢအသးဟးဂီၤတ့ၢ်လံ, ပှၤလၢအမၤတၢ်တသ့ဘၣ်နီတမံၤ, မ့မ့ၢ်ထဲအဃ့တၢ်သးကညီၤတဂၤန့ၣ်ဘၣ်မနုၤလၢနထီဒါအီၤ န့ၣ်လဲၣ်.

လံာ်စီၤယိၤဘး 30:28

ယလဲၤတၢ်လၢတၢ်ခံးတၢ်နၤအပူၤဒီးမုၢ်အတၢ်ကပီၤတအိၣ်ဘၣ် ဒီးယၤဘၣ်. ယဆၢထၢၣ်ဃ့တၢ်မၤစၢၤလၢပှၤဂီၢ်မုၢ်အကျါန့ၣ်လီၤ.

လံာ်စီၤယိၤဘး 34:5

စီၤယိၤဘးစံးဝဲဒၣ်လၢအမ့ၢ်ပှၤလၢတၢ်ပာ်တၢ်ကမၣ်လၢ အလိၤအလီၢ်တအိၣ်ဘၣ်လၢအမ့ၢ်ပှၤလၢကစၢ်ယွၤဂ့ၢ်လိာ်လၢ ကဟ့ၣ်အီၤတၢ်စံၣ်ညီၣ်တီန့ၣ်လီၤ.

လံာ်စီၤယိၤဘး 40:8

နကမၤကဒံကဒါယတၢ်စံၣ်ညီၣ်ဧါ. နကပာ်တၢ်ကမၣ်လၢယ လိၤဒီးပာ်တီပာ်လိၤနသးဧါ.

လံာ်စီၤယိၤဘး 9:24

ကစၢ်ယွၤဟ့ၣ်လီၤဟီၣ်ခိၣ်ဆူပှၤတတီတလိၤအစုပူၤန့ၣ်လီၤ. မၤဘျီၣ်ကွံာ်ပှၤစံၣ်ညီၣ်ကွီၢ်သ့ၣ်တဖၣ်အမဲာ်လီၤ. ကစၢ်ယွၤမ့ၢ် တမၤတၢ်အံၤဘၣ်ဒီးမ့ၢ်မတၤမၤလဲၣ်.

လံာ်စီၤယိၤဘး 9:32

ကစၢ်ယွၤမ့မ့ၢ်ပှၤကညီသၢပျၢၤယစံးဆၢအီၤကသ့ဒီးပလဲၤဆူ ကွီၢ်ဘျီၣ်ဒီးဆိကမိၣ်ပတၢ်အ့ၣ်လိာ်ကသ့ဝဲဒၣ်န့ၣ်လီၤ.

စံးထီၣ်ပတြၢၤ 22:2

ယကစၢ်ယွၤဧၢ, ယကိးထီၣ်နၤလၢမုၢ်ဆါ, ဘၣ်ဆၣ်နတစံးဆၢယၤဘၣ်. ဒီးယကိးထီၣ်လၢမုၢ်နၤ, ဘၣ်ဆၣ်ယတဒိးန့ၢ်ဘၣ်တၢ်မၤမုာ်ယၤဘၣ်.

စံးထီၣ်ပတြၢၤ 22:3

ဘၣ်ဆၣ်နမ့ၢ်ကစၢ်လၢအစီအဆှံ ဒီးဆ့ၣ်နီၤလၢပှၤအံၣ်စရ့လးဖိသ့ၣ်တဖၣ်အတၢ်စံးထီၣ်ပ တြၢၤအလီၢ်ပစိာ်အဖီခိၣ်န့ၣ်လီၤ.

လံာ်ယံးရမံယၤ 20:8

ဖဲယကတိၤတၢ်တဘျီဂ့ၤတဘျီဂ့ၤန့ၣ်, ယဘၣ်ကိးထီၣ်ဒီးကိးသတြီထီၣ်, “တၢ်မၤဆူၣ်မၤစိးဒီးတၢ်မၤလီၤပှီၢ်ဟးဂီၤ” န့ၣ်လီၤ. ယွၤဧၢ, ယဘၣ်တၢ်ကတိၤဒုၣ်ဒွဲၣ်စံးအၢယၤဒီး တၢ်တပာ်ကဲဘၣ်ယၤထီဘိတထံၣ်ဃီ မ့ၢ်လၢယစံးကတိၤနတၢ်ကစီၣ်အဃိန့ၣ်လီၤ.

လံာ်သးသယုၢ်တၢ် 3:8

ယကိးပသူထီၣ်ဖးဒိၣ်လၢတၢ်မၤစၢၤအဂီၢ်ဘၣ်ဆၣ်ဒီးကစၢ်ယွၤဂ့ၢ် လိာ်လၢကဒိကနၣ်ယၤအဂီၢ်န့ၣ်လီၤ.