လံာ်စီၤယိၤဘး 19:5 - Sgaw Karen Common Bible

⁵ သုဆိကမိၣ်လၢသုဂ့ၤန့ၢ်ယၤဒီးပာ်ယတၢ်ကိၢ်တၢ်ဂီၤတဖၣ်ဒ် တၢ်အုၣ်သးအသးလၢယတၢ်ကမၣ်အဂီၢ်န့ၣ်လီၤ.

လံာ်စီၤယိၤဘး 19:5 Iomraidhean Croise

လံာ်စီၤနဃ့မယၤ 1:3

ဒီးအဝဲသ့ၣ်တဲဘၣ်ယၤလၢပှၤလၢအိၣ်လီၤတဲာ်ဒီးဟဲက့ၤတုၤဆူ အထံဧိၤကီၢ်ဧိၤဒၣ်ဝဲန့ၣ်အိၣ်လၢတၢ်ကီတၢ်ခဲနးမးအပူၤဒီး ပှၤတခီဘီမုၢ်ဖိလၢအအိၣ်ဘူးတဖၣ်န့ၣ်ကွၢ်တလီၤအဝဲသ့ၣ်န့ၣ် လီၤ. အဝဲသ့ၣ်တဲဘၣ်စ့ၢ်ကီးယၤလၢဝ့ၢ်ယရူၤၡလ့ၣ်အဝ့ၢ်ခိၣ်ဒူတဖၣ် န့ၣ်စးထီၣ်လၢအဘၣ်တၢ်ဒွဲၣ်ကွံာ်အီၤန့ၣ်တဘၣ်တၢ်ဘှီထီၣ်က့ၤ ဒံးအီၤဘၣ်န့ၣ်လီၤ.

လံာ်စီၤယိၤဘး 19:4

ယမ့ၢ်မၤကမၣ်တ့ၢ်တၢ်ဒၣ်လဲၣ်, တၢ်န့ၣ်မၤဆါသုဒ်လဲၣ်.

စံးထီၣ်ပတြၢၤ 35:26

ပှၤလၢအသူၣ်ခုသးခုဝဲလၢယတၢ်နးတၢ်ဖှီၣ်အဃိန့ၣ်, မ်ကဘၣ်တၢ်မၤမဲာ်ဆှးဒီးတၢ်မၤနၢၤကွံာ်အီၤ လၢာ်လၢာ်ဆ့ဆ့န့ၣ်တက့ၢ်. ပှၤလၢအပာ်ဒိၣ်အသးထီဒါယၤတဖၣ်န့ၣ်, မ်အဘၣ်တၢ်ဒုးကူဒုးသိးအီၤလၢတၢ်မဲာ်ဆှးဒီး တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 38:16

အဂ့ၢ်ဒ်အံၤ, ယဃ့တ့ၢ်ယဲ, “တဘၣ်ပျဲအဝဲသ့ၣ်သးခုလၢယဖီခိၣ်တဂ့ၤ, တုၤယခီၣ်လီၤတလံာ်ဒီး တဘၣ်ပျဲအဝဲသ့ၣ်ပာ်ကဖၢလၢအသးလၢယဖီခိၣ်တဂ့ၤ.”

စံးထီၣ်ပတြၢၤ 41:11

လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ, ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.

စံးထီၣ်ပတြၢၤ 55:12

တၢ်အံၤတမ့ၢ်ဘၣ်ဒုၣ်ဒါလၢအဒုၣ်ဒွဲၣ်ယၤဘၣ်. မ့မ့ၢ်ဒ်န့ၣ်ဒီးယတူၢ်ကကဲယဲလီၤ. တမ့ၢ်ဘၣ်ပှၤလၢအသးဟ့ယၤ ပာ်ဒိၣ်အသးလၢယဖီခိၣ်ဘၣ်. မ့မ့ၢ်ဒ်န့ၣ်ဒီးယကပာ်တဒၢယသးလၢအီၤလီၤ.

စံးထီၣ်ပတြၢၤ 55:13

ဘၣ်ဆၣ်ပှၤအံၤမ့ၢ်နၤ, ယတံၤသကိး, ယတံၤသကိးတံၢ်တံၢ်န့ၣ်လီၤ.

လံာ်ယၡါယၤ 4:1

ဖဲတၢ်ဆၢကတီၢ်အဝဲန့ၣ်ဟဲတုၤဝဲဒီး, ပိာ်မုၣ်နွံဂၤကစှီၤဃာ် ပိာ်ခွါတဂၤဒီးစံး, “ပလုၢ်အီၣ်လုၢ်အီ ပသးဒီးမၤကူမၤကၤဒၣ်ပဝဲသ့လီၤ. ဘၣ်ဆၣ်ပျဲပစံးလၢနမ့ၢ် ပဝၤဒ်သိးပသုတတူၢ်ဘၣ်တၢ်မဲာ်ဆှးလၢပဝၤတအိၣ်ဘၣ် အဃိတဂ့ၤန့ၣ်တက့ၢ်.”

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်စဖါနယၤ 2:10

တၢ်န့ၣ်မ့ၢ်ကီၢ်မိၤအးဒီးကီၢ်ဧၣ်မိၣ်အပှၤဂီၢ်မုၢ်တဖၣ်ကဘၣ်တၢ် စံၣ်ညီၣ်လၢအတၢ်ပာ်ထီၣ်ထီအသးဒီးအတၢ်ပာ်ကဖၢလၢ အသးဒီးအတၢ်ဒုၣ်ဒွဲၣ်ယွၤသ့တၢ်လၢာ်အပှၤဂီၢ်မုၢ်အဃိဒ် လဲၣ်ဒ်လဲၣ်န့ၣ်လီၤ.

လံာ်စကၤရယၤ 12:7

ယၤ, ယွၤအံၤယကဟ့ၣ်တၢ်မၤနၢၤအဆိကတၢၢ်ဆူကီၢ်ယူဒၤ အသုးမုၢ်တဖၣ်, ဒ်သိးဒီးတၢ်လၤကပီၤလၢစီၤဒၤဝံးအစၢၤအသွဲၣ် တဖၣ်ဒီးဝ့ၢ်ယရူၤၡလ့ၣ်အပှၤဂီၢ်မုၢ်ကဒိးန့ၢ်ဝဲန့ၣ်သုတဒိၣ် န့ၢ်ဒံးပှၤအဂၤလၢကီၢ်ယူဒၤအပူၤကဖၣ်တဂ့ၤအဂီၢ်န့ၣ်လီၤ.

လံာ်လူၤကၣ် 1:25

“ခဲကနံၣ်အံၤကစၢ်ယွၤမၤစၢၤလံယၤလံ,” အဝဲဒၣ်စံးဝဲ, “အဝဲဒၣ်စိာ်ကွံာ်လံတၢ်လၢအမၤမဲာ်ဆှးယၤလၢပှၤ ဂီၢ်မုၢ်ဂီၢ်ပၤအမဲာ်ညါတမံၤန့ၣ်လံ.”

လံာ်ယိၤဟၣ် 9:2

အပျဲၢ်အဘီၣ်တဖၣ်သံကွၢ်အီၤ, “သရၣ်ဧၢ, ပှၤတဂၤအံၤအိၣ်ဖျဲၣ်ထီၣ်အမဲာ်ဘျီၣ်န့ၣ်, ဟဲအသးလၢမတၤအတၢ်ဒဲးဘးအဃိလဲၣ်. မ့ၢ်အတၢ်ဒဲးဘးဒၣ်ဝဲဧါ. မ့တမ့ၢ်, မ့ၢ်အမိၢ်အပၢ်အတၢ်ဒဲးဘးအဃိဧါ.”

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:6

နီၢ်ပနံးနၤ, လၢအမ့ၢ်ပှၤပြၢတၢ်ဒီးအီၤန့ၣ်မၤဆါအီၤဒီးမၤမဲာ်ဆှးအီၤလီၤ. အဂ့ၢ်ဒ်အံၤ, ယွၤတြီဃာ်အီၤဒ်သိးအဖိသုတအိၣ်တဂ့ၤအဃိလီၤ.