လံာ်စီၤယိၤဘး 18:8 - Sgaw Karen Common Bible

⁸ အဂ့ၢ်ဒ်အံၤ, အခီၣ်ဒၣ်ဝဲဆှၢအီၤဆူစၤပူၤဒီးဟးဝ့ၤဝီၤလၢ အမၢသလၢၣ်အပူၤလီၤ.

လံာ်စီၤယိၤဘး 18:8 Iomraidhean Croise

လံာ်နီၢ်အ့ၤစတၢ် 3:9

မ့ၢ်ဘၣ်စီၤပၤအသးဒီးမ်စီၤပၤကဟ့ၣ်လီၤအကလုၢ်လၢအဝဲ သ့ၣ်ကဘၣ်တၢ်မၤသံအီၤအဂီၢ်န့ၣ်တက့ၢ်. နမ့ၢ်မၤဒ်န့ၣ်ဒီး, ယအုၣ်ခီၣ်ယသးလၢယကဟ့ၣ်စ့အကံကၢ်သၢကလးကလီၢ်ဆူစီၤပၤ အတၢ်ပာ်ဖှိၣ်အလီၢ်လၢဘီမုၢ်အတၢ်ပၢတၢ်ပြးအဂီၢ်န့ၣ်လီၤ.”

လံာ်နီၢ်အ့ၤစတၢ် 6:13

အဝဲတဲဘၣ်အမါနီၢ်စ့ရ့ၣ်ဒီးအသကိးခဲလၢာ်လၢတၢ် ကိးမံၤဒဲးလၢအမၤအသးဒီးအီၤန့ၣ်လီၤ. အန့ၣ်တစု, အမါဒီးအတံၤသကိးလၢအကူၣ်တၢ်သ့တဖၣ်စံးဘၣ်အီၤ, “နတၢ်စိတၢ်ကမီၤစးထီၣ်လီၤမၢ်ကွံာ်ဆူစီၤမၢ်ဒကဲၤအအိၣ်လံ. အဝဲမ့ၢ်ပှၤယူဒၤဖိတဂၤဒီးနမၤနၢၤအီၤတသ့ဘၣ်. အဝဲကမၤနၢၤကွံာ်နၤသပှၢ်ကတၢၢ်န့ၣ်လီၤ.”

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 7:5

တုၤနုၤတစု, စီၤပၤအဃၤၡဝ့ရိၣ်သံကွၢ်နီၢ်ပၤမုၣ်အ့ၤစတၢ်, “မတၤမၤတၢ်ဒ်န့ၣ်တမံၤဘူၣ်တဂၤလဲၣ်. ပှၤတဂၤအံၤအိၣ်ဖဲလဲၣ်.”

လံာ်စီၤယိၤဘး 18:9

ပျံၤသကွီၤန့ၣ်မၤန့ၢ်အခီၣ်နၢၣ်ခံဒီးဟံးဃာ်အီၤန့ၣ်လီၤ.

လံာ်စီၤယိၤဘး 19:6

မ့ၢ်သုတထံၣ်လၢကစၢ်ယွၤမၤတ့ၢ်တၢ်အံၤန့ၣ်ဘၣ်ဧါ. အဝဲပာ်လီၤပျံၤသကွီၤလၢကဖီၣ်န့ၢ်ယၤလီၤ.

လံာ်စီၤယိၤဘး 22:10

မၤသးဒ်န့ၣ်ဒီးပျံၤသကွီၤအိၣ်ဝးတရံးနၤ, ဒီးတၢ်မၤပျံၤသတူၢ်ကလာ်မၤကိၢ်မၤဂီၤနၤလီၤ.

လံာ်စီၤယိၤဘး 5:5

ပှၤသူၣ်ဝံၤသးစ့ၤတဖၣ်ကအီၣ်ကွံာ်ပှၤဟးဂီၤဖိအဘုဧိၤဟုဧိၤ, တုၤလၢဘုဧိၤဟုဧိၤလၢအမဲထီၣ်လၢတၤဆှုၣ်တၤမဲအကျါ ဒၣ်လဲာ်န့ၣ်လီၤ. ဒီးပှၤလၢတၢ်သူအသးသ့ၣ်တဖၣ်ကသူၣ်က့ၣ် သးကါအဝဲအတၢ်ထူးတၢ်တီၤန့ၣ်လီၤ.

စံးထီၣ်ပတြၢၤ 35:8

ဘၣ်ဆၣ်, လၢအတပာ်သူၣ်ပာ်သးဘၣ်အပူၤ တၢ်ဟးဂီၤကတုၤအိၣ်အဝဲသ့ၣ်, ဒီးပျံၤသကွီၤလၢအပာ်ခူသူၣ်ဝဲန့ၣ်ကဖီၣ်န့ၢ်က့ၤအီၤ ဒီးကလီၤနုာ်ဆူအတၢ်ဟးဂီၤဒၣ်ဝဲအပူၤန့ၣ်လီၤ.

စံးထီၣ်ပတြၢၤ 9:15

ပှၤတဘူၣ်ထီၣ်ဘါထီၣ်ယွၤတဖၣ်လီၤတဲာ်နုာ်ဆူ တၢ်ပူၤလၢအခူၣ်ဝဲလီၤ. အခီၣ်ဘၣ်ဘျးလံလၢပှာ်ဧိၤစၤဧိၤလၢ အပာ်လီၤခူသူၣ်ဒၣ်ဝဲန့ၣ်လီၤ.

တၢ်ကတိၤဒိ. 29:6

ဖဲပှၤအတီအလိၤတဖၣ်သူၣ်ဖှံသးညီဒီးသဘျ့ဝဲဒၣ်န့ၣ်, ပှၤအၢပှၤသီတဖၣ်ဘၣ်ပျံၤသကွီၤလၢအနီၢ်ကစၢ်ဒၣ်ဝဲအတၢ်ဒဲးဘး တဖၣ်န့ၣ်လီၤ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်ယၡါယၤ 24:17

ပှၤခဲလၢာ်သ့ၣ်ဧၢ, ဒိကနၣ်လၢ်ယၤတက့ၢ်. တၢ်လီၤပျံၤလီၤဖုးတဖၣ်, မၢဧိၤပျၢ်ဧိၤအပူၤတဖၣ်ဒီးထုတဖၣ်အိၣ်ခိးသုလီၤ.

လံာ်ယၡါယၤ 24:18

ပှၤတဂၤဂ့ၤတဂၤဂ့ၤလၢအကျဲးစၢးဃ့ၢ်ထူၣ်ဖျဲးထီၣ်လၢတၢ် ပျံၤတၢ်ဖုးန့ၣ်ကလီၤတဲာ်ဝဲလၢမၢဧိၤပျၢ်ဧိၤအပူၤ, ဒီးပှၤတဂၤ ဂ့ၤတဂၤဂ့ၤလၢအထူၣ်ဖျဲးထီၣ်လၢမၢဧိၤပျၢ်ဧိၤအပူၤ န့ၣ်ကဘၣ်တၢ်ဖီၣ်န့ၢ်အီၤလၢထုလီၤ. တၢ်စူၤထံကဟဲယွၤလီၤ သဖူးလၢမူကပိာ်လိၤဒီးဟီၣ်ခိၣ်အခီၣ်ထံးတဖၣ်ကဟူးဝးဆှဲးဆှိး ဝဲလီၤ.

လံာ်ယဃ့းစက့လး 32:3

ဖဲပှၤကလုာ်တဖၣ်အါကလုာ်ပာ်ဖှိၣ်သကိးအသးန့ၣ်, ယကဖီၣ်နၤ လၢယပှာ်ပူၤဒီးပျဲအဝဲသ့ၣ်တွံၢ်ထုးထီၣ်ပှာ်န့ၣ်ဆူထံကၢၢ်ခိၣ်န့ၣ်လီၤ.

၁ တံၤမသ့း 3:7

အဝဲကဘၣ်မ့ၢ်ပှၤတဂၤလၢအဘၣ်တၢ်ပာ်ကဲအီၤလၢပှၤ လၢအအိၣ်လၢတၢ်အိၣ်ဖှိၣ်အချၢတဖၣ်ဒၣ်လဲာ်, ဒ်သိးအသုတဘၣ်တၢ်မၤမဲာ်ဆှးအီၤဒီးအသုတလီၤတဲာ်ကွံာ် ဆူမုၣ်ကီၤလံၢ်အပျံၤသကွီၤအပူၤတဂ့ၤအဂီၢ် န့ၣ်လီၤ.

၁ တံၤမသ့း 6:9

ဘၣ်ဆၣ်ဒီး, ပှၤလၢအသးအိၣ်ထူးထီၣ်တီၤထီၣ်တဖၣ်န့ၣ်, လီၤတဲာ်နုာ်လံဆူတၢ်လ့ပစီအပူၤဒီးဘၣ်တၢ်ဖီၣ်ဃာ်အီၤလၢ ပျံၤသကွီၤလၢအမ့ၢ်တၢ်သူၣ်လီသးကွံလၢအတဂိာ်တသီၣ် ဒီးမၤဘၣ်ဒိဘၣ်ထံးတၢ်တဖၣ်, လၢအထုးလီၤကွံာ်အဝဲသ့ၣ်ဆူတၢ်ဟးဂူာ်ဟးဂီၤဒီးတၢ်လီၤပှီၢ် န့ၣ်လီၤ.

၂ တံၤမသ့း 2:26

ဒီးအဝဲသ့ၣ်ကသ့ၣ်ညါလီၤက့ၤအသးဒီးမၤထူၣ်ဖျဲးကွံာ်အသး လၢမုၣ်ကီၤလံၢ်အပျံၤသကွီၤလၢအဖီၣ်န့ၢ်အဝဲသ့ၣ်ဒ်သိးအဝဲသ့ၣ် ကစူၢ်အဝဲအတၢ်ဘၣ်အသးအဂီၢ်န့ၣ်လီၤ.