လံာ်စီၤယိၤဘး 18:18 - Sgaw Karen Common Bible

¹⁸ အဝဲကဘၣ်တၢ်ဟီထီၣ်ကွံာ်အီၤလၢပှၤမူအကီၢ်ဒီးကဘၣ်တၢ် ဟီထီၣ်ကွံာ်အီၤလၢတၢ်ကပီၤဆူတၢ်ခံးတၢ်နၤအပူၤန့ၣ်လီၤ.

လံာ်စီၤယိၤဘး 18:18 Iomraidhean Croise

လံာ်စီၤယိၤဘး 10:22

ကီၢ်တဘ့ၣ်လၢအပှဲၤဒီးတၢ်ခံးသူ, တၢ်အကဒုတဖၣ်ဒီးတၢ်သဘံၣ်ဘုၣ်, ဖဲတၢ်ကပီၤဒၣ်လဲာ်မ့ၢ်ဒ်တၢ်ခံးတၢ်နၤအသိးန့ၣ်လီၤ.

လံာ်စီၤယိၤဘး 11:14

တၢ်အၢမ့ၢ်အိၣ်လၢနစုပူၤဒီးကွံာ်တ့ၢ်ကွံာ်ဆူအယံၤတက့ၢ်. ဒီးဒုးအိၣ်ဒုးဆိးတၢ်အၢတၢ်သီလၢနဒဲပူၤတဂ့ၤ.

လံာ်စီၤယိၤဘး 18:11

တၢ်မၤပျံၤမၤဖုးတဖၣ်န့ၣ်အိၣ်ခိးဝးတရံးအီၤဒီးပိာ်ထွဲအခီၣ်ခါ ကိးခါဒဲးန့ၣ်လီၤ.

လံာ်စီၤယိၤဘး 20:26

ကယဲၢ်တၢ်ခဲလၢာ်လၢအပာ်ဖှိၣ်ဝဲန့ၣ်ဘၣ်တၢ်မၤဟးဂီၤကွံာ်အီၤ, မ့ၣ်အူလၢတဘၣ်တၢ်ဆိၣ်ကဲၤထီၣ်လၢပှၤကညီအစုန့ၣ်ကအီၣ် ကွံာ်အီၤဒီးအပှၤဟံၣ်ဖိခဲလၢာ်န့ၣ်လီၤ.

လံာ်စီၤယိၤဘး 20:8

အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

လံာ်စီၤယိၤဘး 27:21

ကလံၤလၢမုၢ်ထီၣ်ကအူဖျိးကွံာ်အီၤလၢအဟံၣ်တဖၣ်,

လံာ်စီၤယိၤဘး 27:23

ကလံၤမုၢ်အူဘၣ်အီၤဖဲအဝဲသ့ၣ်ဃ့ၢ်ဝဲ, ဒီးမၤပျံၤမၤဖုးအီၤ လၢတၢ်ဟးရူာ်ဟးဂီၤအစိအကမီၤန့ၣ်လီၤ.

လံာ်စီၤယိၤဘး 3:20

တၢ်ကပီၤဘၣ်တၢ်ဟ့ၣ်လီၤဆူပှၤလၢအအိၣ်လၢတၢ်သူၣ်ကိၢ် သးဂီၤအပူၤ, ဒီးတၢ်မူဆှၢပှၤလၢအသူၣ်ခၣ်အသးခၣ်န့ၣ်မ့ၢ် အဘၣ်မနုၤလဲၣ်.

လံာ်စီၤယိၤဘး 5:14

လၢမုၢ်ထူၣ်အကတီၢ်ဒၣ်လဲာ်န့ၣ်အဝဲသ့ၣ်ဃုကလၢၢ်တၢ်ဒ်လၢ မုၢ်နၤအသိးန့ၣ်လီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

လံာ်ယၡါယၤ 22:18

ကဟံးထီၣ်နၤဒ်တၢ်အဖျၢၣ်တဖျၢၣ်အသိးဒီးကွံာ်လီၤနၤဆူ ထံကီၢ်လၢအလဲၢ်ဒိၣ်တက့ၢ်အပူၤလီၤ. နကသံဖဲန့ၣ်လၢလ့ၣ် ကဟၣ်လၢနပာ်ကဖၢလၢနသးလၢအဃိတဖၣ်အကပၤလီၤ. နမ့ၢ်တၢ်လီၤမဲာ်ဆှးလၢနကစၢ်အဟံၣ်ဒူၣ်ဃီထၢအဂီၢ်လီၤ.

လံာ်ဒၤနံးယ့လး 4:33

တၢ်ကတိၤတဖၣ်အံၤလၢထီၣ်ပှဲၤထီၣ်ဝဲတကီၢ်ခါလၢစီၤနဘူၤကး န့စၢ်အလိၤန့ၣ်လီၤ. အဝဲဘၣ်တၢ်ဟီထီၣ်ကွံာ်အီၤလၢပှၤကညီ အသိးအကျါဒီးအီၣ်ဝဲတပံၢ်တမါဒ်ဂီၤဖံးတဒုအသိး, ဒီးအနီၢ်ခိဘၣ်စီၣ်လၢမူခိၣ်အပစီၤထံတုၤအဆူၣ်အဒံးတဖၣ်ထီ ထီၣ်ဝဲဒ်လံာ်ကြီကြာ်တဖၣ်အဆူၣ်အဒံးအသိး, ဒီးအစုမ့ၣ်ခီၣ်မ့ၣ်တဖၣ်ထီဝဲဒ်ထိၣ်ဧိၤလံာ်ဧိၤတဖၣ်အခီၣ်မ့ၣ် အသိးန့ၣ်လီၤ.

လံာ်ဒၤနံးယ့လး 5:21

အဝဲဘၣ်တၢ်နီၣ်ထီၣ်ကွံာ်အီၤလၢပှၤကညီတဖၣ်အသိးအကျါ ဒီးအသးကဲထီၣ်ဒ်ဆၣ်ဖိကီၢ်ဖိတဒုအသးအသိးလီၤ. အဝဲအိၣ်ဆိးတ့ၢ်ဝဲလၢ ကသ့ၣ်ယီၤမံၤတဖၣ်အကျါ, အီၣ်တပံၢ်တမါဒ်ဂီၤဖံးတ ဒုအသိးဒီးမံလီၤဝဲလၢတၢ်ပျီပူၤဒီးဘၣ်စီၣ်ဝဲလၢမူခိၣ်ပစီၤထံလီၤ. လၢခံကတၢၢ်န့ၣ်, သ့ၣ်ညါက့ၤဝဲလၢတၢ်ထီကတၢၢ်ကစၢ်ယွၤ တဂၤန့ၣ်ပၢတၢ်လၢပှၤဟီၣ်ခိၣ်ဖိအဘီအမုၢ်တဖၣ် အဖီခိၣ်ဒီးဟ့ၣ်လီၤတၢ်ဆူပှၤလၢအဃုထၢဝဲဒ်အသးအိၣ်ဒၣ်ဝဲအ သိးတဂၤလၢ်လၢ်အစုပူၤန့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:9

အဝဲဒီဒၣ်အိၣ်ပှိၤအပှၤလၢအသူၣ်တီသးလိၤတဖၣ်အသးသမူလီၤ. မ့မ့ၢ်ပှၤတတီတလိၤတဖၣ်န့ၣ်ကလီၤမၢ်ကွံာ်လၢတၢ်ခံးတၢ်နၤအပူၤလီၤ. ပှၤတဂၤန့ၣ်မၤနၢၤတၢ်လၢအဂံၢ်အဘါဒၣ်ဝဲတသ့ဘၣ်.