လံာ်စီၤယိၤဘး 18:17 - Sgaw Karen Common Bible

¹⁷ တၢ်သ့ၣ်နီၣ်ထီၣ်က့ၤအီၤန့ၣ်ကလီၤမၢ်ကွံာ်လၢဟီၣ်ခိၣ်ချၢ, ဒီးလၢထံကီၢ်ပူၤန့ၣ်အမံၤတအိၣ်နီတတီၤလၢၤဘၣ်.

လံာ်စီၤယိၤဘး 18:17 Iomraidhean Croise

လံာ်စီၤယိၤဘး 13:12

သုတၢ်ကတိၤဒိတဖၣ်န့ၣ်တဂိာ်တသီၣ်ဘၣ်တၢ်ဒ်ဖၣ်ဆါအသိးန့ၣ်လီၤ. နတၢ်ကတိၤလိာ်ကွီၢ်တဖၣ်န့ၣ်လီၤကလဲဝဲဒ်ဟီၣ်ခိၣ်ကပံာ်အသိး န့ၣ်လီၤ.

လံာ်စီၤယိၤဘး 24:20

အမိၢ်ဒၣ်လဲာ်ခဲအံၤတသ့ၣ်နီၣ်ထီၣ်က့ၤလၢၤအီၤဘၣ်. အဝဲကဘၣ်တၢ်အီၣ်ကွံာ်အီၤလၢထိးကလဲာ်ဒီးဘၣ်တၢ်မၤဟးဂီၤ ကွံာ်အီၤဒ်သ့ၣ်လၢအလီၤဃံၤအသိးန့ၣ်လီၤ.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

စံးထီၣ်ပတြၢၤ 109:15

မ်ယွၤသ့ၣ်နီၣ်ထီၣ်က့ၤအဝဲသ့ၣ်အတၢ်ဒဲးဘးတဖၣ် ထီဘိန့ၣ်တက့ၢ်. ဘၣ်ဆၣ်, အဝဲသ့ၣ်အနီၢ်ကစၢ်ဒၣ်ဝဲန့ၣ် မ်အဘၣ်တၢ်သးပ့ၤနီၣ်ကွံာ်အီၤ လၢာ်လၢာ်ဆ့ဆ့န့ၣ်တက့ၢ်.

စံးထီၣ်ပတြၢၤ 34:16

ဘၣ်ဆၣ်, ယွၤထီဒါပှၤလၢအမၤတၢ်အၢ, ဒ်သိးအဝဲသ့ၣ်ကဘၣ်တၢ်သးပ့ၤနီၣ်ကွံာ်အီၤလၢ ဟီၣ်ခိၣ်ချၢအဂီၢ်န့ၣ်လီၤ.

စံးထီၣ်ပတြၢၤ 41:5

ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ ဒီးစံးဝဲ, “အဝဲကသံဒီးအမံၤကဘၣ်တၢ် သးပ့ၤနီၣ်အီၤအခါဖဲလဲၣ်.”

စံးထီၣ်ပတြၢၤ 83:4

အဝဲသ့ၣ်စံးဝဲ, “ဟဲ, မ်ပမၤဟးဂီၤအပှၤကလုာ်, ဒ်သိးအံၣ်စရ့လးကဘၣ်တၢ်သးပ့ၤနီၣ်ကွံာ်အီၤ လီၤစိၤန့ၣ်တက့ၢ်.”

စံးထီၣ်ပတြၢၤ 9:6

ပဒုၣ်ပဒါတဖၣ်ဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့, ဒီးနမၤဟးဂီၤကွံာ်အဝ့ၢ်တဖၣ် ဒီးအဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလံ.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

တၢ်ကတိၤဒိ. 2:22

ဘၣ်ဆၣ်ဒီး, ကစၢ်ယွၤကဖ့ၣ်ထဲးထီၣ်ကွံာ်ပှၤတတီတလိၤတဖၣ်ဒီးထုး ထီၣ်ကွံာ်ပှၤတၢ်ဒဲးဘးဖိတဖၣ်လၢထံဧိၤကီၢ်ဧိၤအပူၤဒ်တၢ်မုၢ် တၢ်ဘိတဖၣ်လၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 14:20

မ့ၢ်လၢနမၤဟးဂီၤနထံနကီၢ်ဒီးမၤသံနပှၤဒၣ်နဲတဖၣ်အဃိ, နတဘၣ်တၢ်ခူၣ်လီၤနၤဒ်စီၤပၤအဂၤတဖၣ်အသိးနီတစုဘၣ်. နဒူၣ်ဖိထၢဖိအအၢအသီတဖၣ်စ့ၢ်ကီးတအိၣ်မူတ့ၢ်ဘၣ်ဝဲဘၣ်.

လံာ်ယၡါယၤ 26:14

ခဲအံၤအဝဲသ့ၣ်သံလံဒီးတမူကဒီးလၢၤဘၣ်. အတဃၣ်တဖၣ်တဂဲၤဆၢထၢၣ်လၢၤဘၣ်. မ့ၢ်လၢနစံၣ်ညီၣ်ဒီးမၤဟးဂီၤအဝဲသ့ၣ်အဃိလီၤ. ပှၤတသ့ၣ်နီၣ်လၢၤအဝဲသ့ၣ်နီတဂၤနီတစုဘၣ်.

လံာ်နၤဃူၣ် 1:14

ဒီးအအံၤမ့ၢ်တၢ်လၢယွၤခါလီၤအကလုၢ်ဘၣ်ဃးဒီးပှၤအၤၡူၢ်ဖိ တဖၣ်န့ၣ်လီၤ. “အဝဲသ့ၣ်တမ့ၢ်ကအိၣ်ဒီးအစၢၤအသွဲၣ်နီ တဂၤလၢကစိာ်အမံၤဆူညါန့ၣ်ဘၣ်. ယကမၤဟးဂီၤကွံာ်အတၢ်ဂီၤတၢ်ဖီၣ်တဖၣ်လၢအအိၣ်လၢအကစၢ် တဖၣ်အတၢ်လုၢ်ဟံၣ်တဖၣ်အပူၤန့ၣ်လီၤ. ယကတဲာ်ကတီၤလံတၢ်သွၣ်ခိၣ်လၢပှၤအၤၡူၢ်ဖိတဖၣ်အဂီၢ်လီၤ. အဂ့ၢ်ဒ်အံၤအဝဲသ့ၣ်တကြၢးဒီးတၢ်အိၣ်မူဘၣ်.”