လံာ်စီၤယိၤဘး 18:15 - Sgaw Karen Common Bible

¹⁵ ဖဲကးဘၣ်တၢ်ဖှံလီၤအီၤလၢ ကမၤကဆှီကွံာ်တၢ်ဆူးတၢ်ဆါ အဃၢ်ဝံၤအလီၢ်ခံန့ၣ်, ခဲအံၤပှၤတဂၤဂၤကအိၣ်ဆိးလၢ အဒဲပူၤလီၤ.

လံာ်စီၤယိၤဘး 18:15 Iomraidhean Croise

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်စီၤယိၤဘး 15:34

ပှၤတဖၣ်လၢတနာ်ယွၤန့ၣ်ကအိၣ်သယုၢ်လီၤ. ဒီးမ့ၣ်အူကအီၣ် ကွံာ်ပှၤအီၣ်ခိၣ်ဖးလာ်ဆှိးတဖၣ်အဒဲလီၤ.

စံးထီၣ်ပတြၢၤ 11:6

အဝဲဒုးဟဲစူၤလီၤဝဲမ့ၣ်အူအ့ၣ်ဒီးကးလၢ အကဲၤကပျီၤလၢပှၤအၢပှၤသီအဖီခိၣ် ဒီးသိၣ်ဃီၣ်အဝဲသ့ၣ်လၢ ကလံၤမုၢ်ကိၢ်လၢအအီၣ်တၢ်န့ၣ်လီၤ.

လံာ်ယံးရမံယၤ 22:13

ပှၤတဂၤလၢအသူၣ်ထီၣ်အဟံၣ်လၢတၢ်စံၣ်ညီၣ်တတီဘၣ်အပူၤ, ဒီးမၤလဲၢ်ထီၣ်အီၤလၢတၢ်တတီတလိၤအပူၤ, ပှၤတဂၤလၢအမၢအထံဖိကီၢ်ဖိမၤတၢ် ဒီးတဟ့ၣ်ဘူးဟ့ၣ်လဲဝဲဘၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 49:18

တၢ်တမံၤဃီၤဒ်သိးအမၤတ့ၢ်လံအသးဒီး ဝ့ၢ်စဒိၣ်ဒီး ကမိရၤဒီး ဝ့ၢ်အိၣ်ဘူးအိၣ်တံၢ်တဖၣ်န့ၣ် ကလီၤဘၣ်ကီၢ်အဒိၣ်လီၤ. ဒီးဖဲအဝဲသ့ၣ်ဘၣ်တၢ်မၤဟးဂီၤအီၤအခါန့ၣ်လီၤ. ပှၤတအိၣ်ဆိးကဒီး ဖဲန့ၣ်နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်လူၤကၣ် 17:29

ဖဲမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်န့ၣ်, တၢ်ဟဲစူၤလီၤလၢမ့ၣ်အူဒီးကးလၢမူခိၣ်, ဒီးမၤသံကွံာ်အဝဲသ့ၣ်ကိးဂၤဒဲးလီၤ.

လံာ်သိၣ်လီၤသီလီၤတၢ် 28:24

လၢတၢ်ဟဲစူၤအလီၢ်န့ၣ်, ယွၤကဆှၢလီၤဖၣ်ကမူၣ်ကလံၤမုၢ်တဖၣ်ဒီး မဲးကလံၤမုၢ်တဖၣ်တုၤလီၤလၢသုဘၣ်တၢ်မၤဟးဂီၤကွံာ်သုန့ၣ်လီၤ.

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”