လံာ်စီၤယိၤဘး 16:9 - Sgaw Karen Common Bible

⁹ ကစၢ်ယွၤအ့ၣ်ဖှီယၤလၢအတၢ်သးထီၣ်အပူၤအ့ၣ်သဃံးအမဲဒီး ကျ့ၣ်အမဲာ်လၢယလိၤလၢတၢ်သးဟ့အပူၤလီၤ.

လံာ်စီၤယိၤဘး 16:9 Iomraidhean Croise

လံာ်စီၤယိၤဘး 13:24

ဘၣ်မနုၤလၢနပာ်ခူသူၣ်နမဲာ်ဒီးပာ်ယၤဒ်နဒုၣ်နဒါတဂၤအသိးန့ၣ် လဲၣ်.

လံာ်စီၤယိၤဘး 13:27

နကျီၤဃာ်ယခီၣ်လၢသိးဧိၤကျိၤဧိၤအပူၤဒီးနကွၢ်ယခီၣ်ခါလၢ ယကါထီၣ်ကိးခါဒဲးဒီးနဃုသ့ၣ်ညါယခီၣ်လီၢ်တဖၣ်ဒၣ်လဲာ်န့ၣ် လီၤ.

လံာ်စီၤယိၤဘး 18:4

ပှၤလၢအအ့ၣ်ဖှီလီၤအသးလၢအသးထီၣ်အဃိနဲဒၣ်တဂၤဧၢ, မ့ၢ်ဟီၣ်ခိၣ်ကဘၣ်တၢ်လဲၤသဒၣ်အီၤ လၢနဃိစ့ၢ်ကီးဧါ. ဒီးမ့ၢ်လၢၢ်ဧိၤလ့ဧိၤတဖၣ် ကဘၣ်တၢ်သုးကွံာ်အီၤ လၢအလီၢ်န့ၣ်ဧါ.

လံာ်စီၤယိၤဘး 19:11

ဒီးကစၢ်ယွၤအသးထီၣ်ကဲၤထီၣ်ထီဒါယၤဒီးပာ်ယၤလၢအဒုၣ်အဒါ တဂၤလီၤ.

လံာ်စီၤယိၤဘး 30:21

နမၤယၤအၢအၢသီသီဒီးနမၤနးမၤဖှီၣ်ယၤတုၤနဂံၢ်နဘါအလၢာ် န့ၣ်လီၤ.

လံာ်စီၤယိၤဘး 33:10

ဘၣ်ဆၣ်ဒီးကစၢ်ယွၤဃုထံၣ်တၢ်ဂ့ၤတဖၣ်လၢကထီဒါယၤဒီး ပာ်ယၤဒ်အဒုၣ်အဒါအသိးန့ၣ်လီၤ.

လံာ်စီၤယိၤဘး 6:4

သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

စံးထီၣ်ပတြၢၤ 35:16

လၢတၢ်တယူးယီၣ်ပာ်ကဲဘၣ်တၢ်အပူၤ အဝဲသ့ၣ်မၤတရီတပါယၤအါထီၣ်ဒီး အ့ၣ်စဃံးအမဲလၢယၤလီၤ.

စံးထီၣ်ပတြၢၤ 37:12

ပှၤအၢပှၤသီကူၣ်ထီဒါပှၤအဂ့ၤအဝါ ဒီးအ့ၣ်စဃံးအမဲလၢအီၤလီၤ.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

လံာ်သးသယုၢ်တၢ် 2:16

ကယဲၢ်နဒုၣ်နဒါခဲလၢာ်ဒုၣ်ဒွဲၣ်နၤဒီးကွၢ်ဟ့ကွၢ်ကျိၣ်နၤလၢ တၢ်သးဟ့အပူၤလီၤ. အဝဲသ့ၣ်ဝံာ်နိးဝံၣ်နါ, သံးနိးသံးနါဒီးစံးဝဲ, “ပမၤဟးဂီၤကွံာ်အီၤလံ. အအံၤမ့ၢ်မုၢ်တနံၤလၢပအိၣ်ခိးတ့ၢ်ဝဲလီၤ.”

လံာ်သးသယုၢ်တၢ် 3:10

အဝဲအိၣ်ခိးခူသူၣ်ယၤဒ်တၤသူအသိး, စံၣ်ပှီၤယၤဒ်ခ့ယုၢ်တ ဒုအသိးန့ၣ်လီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်ဟိၤၡ့ 6:1

ပှၤဂီၢ်မုၢ်စံးဝဲဒၣ်, မ်ပကဃၣ်ကဒါက့ၤပသးဆူယွၤအအိၣ်တက့ၢ်. အဝဲမၤဆါတ့ၢ်ပှၤဘၣ်ဆၣ်အဝဲကမၤဘျါက့ၤပှၤသပှၢ်ကတၢၢ်, အဝဲမၤဘၣ်ဒိဘၣ်ထံးပှၤဘၣ်ဆၣ်ကဘိၣ်ဘံထီၣ်ပပူၤလီၢ်တ ဖၣ်လီၤတမ့ၢ်ဘၣ်ဧါ.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

မၤတၢ် 7:54

ပှၤလၢအမ့ၢ်ကီၣ်ကးဖိတဖၣ်န့ၣ်, တုၤအနၢ်ဟူဘၣ်စီၤစတ့းဖၣ်အတၢ်စံးတၢ်ကတိၤတဖၣ်န့ၣ်ဒီး, အဝဲသ့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးအ့ၣ်စဃံးအမဲထီဒါ အီၤန့ၣ်လီၤ.