လံာ်စီၤယိၤဘး 15:21 - Sgaw Karen Common Bible

²¹ တၢ်မၤပျံၤမၤဖုးအသီၣ်တဖၣ်ကကိးပသူထီၣ်လၢအနၢ်တဖၣ်ပူၤ, ဒီးပှၤဂုာ်ဆူၣ်ပျီဆူၣ်တၢ်တဖၣ်ထီဒါအီၤဖဲအဆိကမိၣ်ဝဲလၢ အအိၣ်ဒီးတၢ်ပူၤဖျဲးအခါန့ၣ်လီၤ.

လံာ်စီၤယိၤဘး 15:21 Iomraidhean Croise

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်နီၢ်အ့ၤစတၢ် 7:6

နီၢ်အ့ၤစတၢ်စံးဆၢဝဲ, “ပဒုၣ်ပဒါ, ပှၤလၢအမၤနးမၤဖှီၣ်ပှၤန့ၣ်, မ့ၢ်ပှၤအအၢစီၤဟၤမၣ်အံၤလီၤ.” တုၤနုၤတစုစီၤဟၤမၣ်ပျံၤတၢ်ဖုးတၢ်လၢစီၤပၤဒီးနီၢ်ပၤမုၣ်အမဲာ် ညါန့ၣ်လီၤ.

လံာ်စီၤယိၤဘး 15:24

ဒ်စီၤပၤလၢအစိကမီၤဒိၣ်တဂၤတၢ်တတၢးတနါ အိၣ်ခိးအီၤဒ်သိးကဒုးအီၤအသိးန့ၣ်လီၤ.

လံာ်စီၤယိၤဘး 18:11

တၢ်မၤပျံၤမၤဖုးတဖၣ်န့ၣ်အိၣ်ခိးဝးတရံးအီၤဒီးပိာ်ထွဲအခီၣ်ခါ ကိးခါဒဲးန့ၣ်လီၤ.

လံာ်စီၤယိၤဘး 18:14

အဝဲဘၣ်တၢ်ထဲးကွံာ်အီၤလၢဒဲလၢအဝဲအိၣ်ဂၢၢ်ကျၢၤဝဲလၢအပူၤ, ဒီးဘၣ်တၢ်တွံၢ်ထုးထီၣ်အီၤလၢကကွၢ်ဆၢၣ်မဲာ်တၢ်သံအစီၤပၤ အဂီၢ်န့ၣ်လီၤ.

လံာ်စီၤယိၤဘး 20:21

မ့ၢ်အအီၣ်တၢ်တုၤတၢ်အိၣ်လီၤတဲာ်တအိၣ်နီတမံၤဘၣ်သတး ဒီးအတၢ်ထူးတၢ်တီၤတအိၣ်ဂၢၢ်ဆိးကျၢၤဘၣ်လီၤ.

လံာ်စီၤယိၤဘး 22:10

မၤသးဒ်န့ၣ်ဒီးပျံၤသကွီၤအိၣ်ဝးတရံးနၤ, ဒီးတၢ်မၤပျံၤသတူၢ်ကလာ်မၤကိၢ်မၤဂီၤနၤလီၤ.

လံာ်စီၤယိၤဘး 24:17

အဝဲသ့ၣ်ပျံၤဝဲမုၢ်ဆါအတၢ်ကပီၤဘၣ်ဆၣ်တၢ်ခံးတၢ်နၤတဟံး ဃာ်တၢ်ပျံၤတၢ်ဖုးလၢအဝဲသ့ၣ်အဂီၢ်ဘၣ်.

လံာ်စီၤယိၤဘး 27:20

တၢ်မၤပျံၤမၤဖုးကလုၣ်ဘၢအီၤဒ်ထံလုၣ်ဘၢတၢ်သတူၢ်ကလာ် အသိး, ဒီးကလံၤလၢမုၢ်နၤကအူဖျိးကွံာ်အီၤ,

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

တၢ်ကတိၤဒိ. 10:24

ပှၤတီပှၤလိၤမၤန့ၢ်တၢ်လၢအဆၢန့ၢ်ဘၣ်ဝဲလီၤ. မ့မ့ၢ်, ပှၤတတီတလိၤကဒိးန့ၢ်ဘၣ်တၢ်လၢအပျံၤဝဲအဒိၣ်ကတၢၢ်န့ၣ် လီၤ.

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

လံာ်လီၣ်ဖျါ 9:11

အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.