လံာ်စီၤယိၤဘး 15:19 - Sgaw Karen Common Bible

¹⁹ အထံအကီၢ်ပူၤဖျဲးဝဲဒီးပှၤတခီဘီမုၢ်ဖိသ့ၣ်တဖၣ်အတၢ်မၤတံာ် တာ်, ဒီးပှၤကဆှၢယံၤကွံာ်အဝဲသ့ၣ်လၢကစၢ်ယွၤတအိၣ်ဘၣ်နီ တဂၤဘၣ်.

လံာ်စီၤယိၤဘး 15:19 Iomraidhean Croise

လံာ်တၢ်ကဲထီၣ်အခီၣ်ထံး 10:25

ဒီးစီၤဧ့ၤဘ့ၢ်အိၣ်ဒီးအဖိခွါခံဂၤလီၤ. တဂၤအမံၤမ့ၢ်ဝဲ စီၤပ့ၤလ့းမ့ၢ်လၢ, ဖဲအကတီၢ်န့ၣ်ပှၤဂီၢ်မုၢ်လၢဟီၣ်ခိၣ်ချၢ တဖၣ်လီၤဖးလိာ်အသးအဃိန့ၣ်လီၤ. ဒီးအဂၤတဂၤအမံၤမ့ၢ်ဝဲစီၤယးကတၣ်လီၤ.

လံာ်တၢ်ကဲထီၣ်အခီၣ်ထံး 10:32

ကယဲၢ်ပှၤဂီၢ်မုၢ်ခဲလၢာ်အံၤမ့ၢ်စီၤနိအၤအစၢၤအသွဲၣ်တဖၣ်, တကလုာ်ဘၣ်တကလုာ်ဒ်အတၢ်လီၤစၢၤလီၤဆီလိာ်အသးဒၣ်ဝဲအသိးန့ၣ်လီၤ. ထံလုၣ်ဘၢတၢ်ဝံၤအလီၢ်ခံကယဲၢ်ပှၤကလုာ်ခဲ လၢာ်လၢဟီၣ်ခိၣ်ချၢန့ၣ်မ့ၢ်ပှၤလီၤစၢၤလၢစီၤနိအၤအဖိခွါ တဖၣ်န့ၣ်လီၤ.

လံာ်စီၤယိၤဘး 15:18

ပှၤကူၣ်ဘၣ်ကူၣ်သ့သ့ၣ်တဖၣ်သိၣ်လိတ့ၢ်လံယၤတၢ်မ့ၢ်တၢ်တီ တဖၣ်လၢအမၤလိန့ၢ်တ့ၢ်လၢအမိၢ်ပၢ်ဖံဖုလၢပျၢၤတဖၣ်အအိၣ် ဒီးအဝဲသ့ၣ်တဖၣ်တပာ်ခူသူၣ်တၢ်နီတမံၤဘၣ်.

လံာ်စီၤယိၤဘး 15:20

ပှၤတတီတလိၤတဂၤလၢအမၤအၢမၤနးပှၤဂၤတဖၣ်န့ၣ်ကအိၣ် ဘၣ်လၢတၢ်မၤနးမၤဖှီၣ်အပူၤတစိၤဒၣ်အီၤန့ၣ်လီၤ.

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်သိၣ်လီၤသီလီၤတၢ် 32:12

ထဲယွၤတဂၤဧိၤဆှၢအပှၤဂီၢ်မုၢ် တအိၣ်ဘၣ်ဒီးကလုာ်ဂၤအကစၢ်တဂၤအတၢ်မၤစၢၤအီၤဘၣ်န့ၣ်လီၤ.

လံာ်သိၣ်လီၤသီလီၤတၢ် 32:8

တၢ်ထီကတၢၢ်တဂၤန့ၣ်ပာ်လီၤန့ၢ်တ့ၢ်ပှၤကလုာ်တဖၣ်လၢအဝဲသ့ၣ် အထံအကီၢ်တဖၣ်, ဒီးအဝဲစံၣ်ညီၣ်တဲာ်တ့ၢ်ဝဲလၢပှၤဂီၢ်မုၢ်တဖၣ်ကဘၣ်အိၣ်ဆိးဖဲ လဲၣ်န့ၣ်လီၤ. ပှၤတကလုာ်စုာ်စုာ်အဂီၢ်န့ၣ်အဝဲပာ်လီၤန့ၢ်အီၤအကလူးလၢကအံး ထွဲကွၢ်ထွဲအီၤန့ၣ်လီၤ.