လံာ်စီၤယိၤဘး 15:13 - Sgaw Karen Common Bible

¹³ နသးထီၣ်ကစၢ်ယွၤဒီးနကတိၤဒုၣ်ဒွဲၣ်အီၤလီၤ.

လံာ်စီၤယိၤဘး 15:13 Iomraidhean Croise

လံာ်တၢ်ကဲထီၣ်အခီၣ်ထံး 4:5

မ့မ့ၢ်စီၤကၤယံၣ်ဒီးအတၢ်လုၢ်တၢ်ပာ်န့ၣ်တတူၢ်လိာ်ဘၣ်ဝဲဘၣ်. စီၤကၤယံၣ်အသးထီၣ်ဒိၣ်ဒိၣ်ကလဲာ်ဒီးကွၢ်ဟ့တၢ်လၢတၢ်သးထီၣ်အပူၤလီၤ.

လံာ်စီၤပၤခံဘ့ၣ်တဘ့ၣ် 6:33

တချုးလၢအဝဲစံးတၢ်အံၤဝံၤဒၣ်လဲာ်န့ၣ်, စီၤပၤအပှၤစိာ်တၢ် ကစီၣ်ဟဲတုၤဝဲလီၤ. စီၤပၤဟဲတုၤစ့ၢ်ကီးဒီးစံးဝဲ, “တၢ်ကီတၢ်ခဲလၢအလီၤဘၣ်လၢပလိၤအံၤမ့ၢ်ယွၤဟဲစိာ်အီၤန့ၣ်လီၤ. ဘၣ်မနုၤအဃိယကြၢးခိးဒံးအီၤလၢအဝဲကမၤတၢ်တမံၤမံၤအဂီၢ်လဲၣ်.”

လံာ်စီၤယိၤဘး 10:3

လၢနကသးဘၣ်အၢတၢ်လၢ နကစၢ်ဒၣ်နဲတ့လီၤ အီၤဒီးနံၤလၢပှၤအၢပှၤသီတဖၣ် အတၢ်ကူၣ်ကျဲၤအဂီၢ်န့ၣ်, ကတီဝဲလိၤဝဲလၢ နဂီၢ်တုၤလၢနကအၢကသီထဲ န့ၣ်ကစီဒီဧါ.

လံာ်စီၤယိၤဘး 12:6

ဘၣ်ဆၣ်တၢ်ဟုၣ်တၢ်ဘျၣ်တဖၣ်ဒီးပှၤလၢအယွၤတအိၣ်ဘၣ်တဖၣ်, အယွၤ မ့မ့ၢ်ဒၣ်ထဲအဂံၢ်အဘါဧိၤဒၣ်လဲာ်အိၣ်မူဝဲလၢတၢ်မုာ်တၢ်ပၢၤအပူၤန့ၣ်လီၤ.

လံာ်စီၤယိၤဘး 15:12

ဘၣ်ဆၣ်နသူၣ်ဒိၣ်သးဖျိးနဲဒီးကွၢ်ဟ့ကွၢ်ကျိၣ်ပှၤလၢတၢ်သး ထီၣ်အပူၤန့ၣ်လီၤ.

လံာ်စီၤယိၤဘး 15:14

ပှၤကညီတဂၤဂၤကဆှီဝဲနီၢ်နီၢ်ဘၣ်ကသ့ဧါ. ပှၤတဂၤဂၤတီဝဲ လိၤဝဲလၢကစၢ်ယွၤဘၣ်ကသ့ဧါ.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 34:13

ဟးဆှဲးတၢ်ကတိၤအအၢအသီ ဒီးတၢ်လီတၢ်ဝ့ၤအတၢ်ကတိၤန့ၣ်တက့ၢ်.

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

လံာ်သးသယုၢ်တၢ် 3:39

ဖဲပဘၣ်တၢ်စံၣ်ညီၣ်လၢပတၢ်ဒဲးဘးအဃိန့ၣ်ဘၣ်မနုၤလၢ ပကဒူးကဒ့ၣ်ထီရီၤတၢ်န့ၣ်လဲၣ်.

လံာ်ယဃ့းစက့လး 18:25

ဘၣ်ဆၣ်သုစံးသုဝဲ, တၢ်လၢယွၤပၢဘၣ်တၢ်ခဲလၢာ်ကစၢ်မၤဝဲန့ၣ် တဘၣ်ဘၣ်. ဒိကနၣ်ယၤတက့ၢ်. သုဝဲပှၤအံၣ်စရ့လးဖိသ့ၣ်ဧၢ, မ့ၢ်သုဆိကမိၣ်လၢယမၤတၢ်န့ၣ်တဖၣ်အကျဲတဘၣ်န့ၣ်ဧါ. ကျဲလၢအတဘၣ်န့ၣ်မ့ၢ်လၢသုကျဲတခီန့ၣ်လီၤ.

လံာ်မၤလကံ 3:13

ယွၤစံးဝဲဒၣ်, “သုစံးတ့ၢ်လံတၢ်တဂ့ၤထီဒါယၤလီၤ.” ဘၣ်ဆၣ်ဒီးသုစံး “ပကတိၤတၢ်ထီဒါနၤလၢမနုၤလဲၣ်.”

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.