လံာ်စီၤယိၤဘး 14:7 - Sgaw Karen Common Bible

⁷ သ့ၣ်တထံးလၢအဘၣ်တၢ်ကူာ်လီၤကွံာ်အီၤန့ၣ်တၢ်မုၢ်လၢ်အိၣ် ဒံးလၢအဂီၢ်န့ၣ်လီၤ. မူထီၣ်ဒီးဒိးပဒုၣ်ထီၣ်က့ၤသ့ဝဲဒၣ်န့ၣ်လီၤ.

လံာ်စီၤယိၤဘး 14:7 Iomraidhean Croise

လံာ်စီၤယိၤဘး 14:14

ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

လံာ်စီၤယိၤဘး 14:6

ဃၣ်ကွံာ်နမဲာ်လၢအဝဲအအိၣ်ဒီးပာ်တ့ၢ်ဒၣ်ထဲအီၤတဂၤဧိၤန့ၣ် တက့ၢ်. တၢ်အိၣ်မူဒ်ပှၤဒိးလဲအသးအတၢ်အိၣ်မူအဆူၣ်အကိၤ န့ၣ်အိၣ်မူဝဲမ့ၢ်သ့ဒီး ပျဲအမုာ်လၤဒၣ်ဝဲတက့ၢ်.

လံာ်စီၤယိၤဘး 14:8

အဂံၢ်တဖၣ်မ့ၢ်ပှၢ်ထီၣ်ဒၣ်လဲာ်ဒိးပဒုၣ်ထီၣ်က့ၤ ဒ်သ့ၣ်ဖိအထံးအသိးသ့ဝဲဒၣ်န့ၣ်လီၤ.

လံာ်စီၤယိၤဘး 19:10

အဝဲတီၢ်ပကူၣ်လီၤသဘှံးယၤဝးတရံးန့ၣ်လီၤ. အဝဲထဲးထီၣ်ကွံာ် ယတၢ်မုၢ်လၢ်ဒီးပာ်တီၢ်ယၤဒ်သိးယကလီၤညွံးဒီးသံကွံာ်န့ၣ်လီၤ.

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ဒၤနံးယ့လး 4:12

အလၣ်သ့ၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်လၢ အလိၤတုၤအလၢဝဲလီၣ်ဝဲလၢပှၤဟီၣ်ခိၣ်ဖိခဲလၢာ်ကအီၣ်ဝဲအဂီၢ် န့ၣ်လီၤ. ဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုအဖီလာ်, ထိၣ်ဖိလံာ်ဖိတဖၣ်မၤအသွံတဖၣ်လၢအဒ့အတြၢ်တဖၣ်အလိၤဒီး တၢ်အိၣ်ဒီးအသးသမူခဲလၢာ်အီၣ်ဘၣ်အီဘၣ်အသၣ်တဖၣ်န့ၣ်လီၤ.

လံာ်ဒၤနံးယ့လး 4:15

မ့မ့ၢ်အခိၣ်ဆၢၣ်အိၣ်ဒီးအဂံၢ်တဖၣ်လၢဟီၣ်ခိၣ်လာ်န့ၣ်တၢ် ကဘၣ်စၢတံၢ်ဃာ်အီၤလၢထးသွဲဒီးတိၢ်ဘီအပျံၤ, ဒီးပာ်တ့ၢ်အီၤလၢတပံၢ်တမါတဖၣ်အကျါလၢပျီပူၤန့ၣ်လီၤ. ပှၤတဂၤန့ၣ်ကဘၣ်စီၣ်ဒၣ်ဝဲလၢမူခိၣ်အပစီၤထံ, ဒီးမ်ကအိၣ်ဒၣ် ဝဲလၢဆၣ်ဖိကီၢ်ဖိအသိးဒီးနီၣ်ဧိၤမံၤဧိၤအကျါန့ၣ်တက့ၢ်.