လံာ်စီၤယိၤဘး 14:21 - Sgaw Karen Common Bible

²¹ အဖိခွါတဖၣ်ဒိးန့ၢ်ဘၣ်တၢ်လၤကပီၤ, ဘၣ်ဆၣ်ဒီးအဝဲတသ့ၣ် ညါဘၣ်ဝဲဘၣ်. ဖဲအဝဲသ့ၣ်ဘၣ်တၢ်ဆီၣ်လီၤအီၤ, ဒီးအဝဲတဘၣ်တၢ်ဒုးသ့ၣ်ညါအီၤဘၣ်.

လံာ်စီၤယိၤဘး 14:21 Iomraidhean Croise

လံာ်စီၤယိၤဘး 14:22

အဝဲသ့ၣ်ညါဒၣ်ထဲအနီၢ်ခိအတၢ်ဆါဒီးကအုကစွါလၢအသး ဒၣ်ဝဲအပူၤလီၤ.

လံာ်စီၤယိၤဘး 21:21

တုၤပှၤတဂၤအတၢ်အိၣ်မူကတၢၢ်ကွံာ်ဝဲဒၣ်န့ၣ်ဒီးမ့ၢ်အဘၣ်ယိာ် တၢ်လၢအဟံၣ်ဖိဃီဖိလၢအအိၣ်လီၤတဲာ်တဖၣ်အဂီၢ်ကသ့ဒံးဧါ.

လံာ်စီၤယိၤဘး 24:24

ပှၤတတီတလိၤဘီၣ်ထီၣ်ညီထီၣ်တစိၢ်တလီၢ်, ဘၣ်ဆၣ်ဃ့ထီ ကွံာ်ဝဲဒ်နီၣ်ဧိၤမံၤဧိၤအသိးဒီးဒ်ဘုအစဲၤဘၣ်တၢ်ကူးတဲာ် အီၤအသိးန့ၣ်လီၤ.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

တၢ်ကတိၤဒိ. 31:18

အဝဲသ့ၣ်ညါတၢ်လၢအမၤဝဲကိးမံၤဒဲးအလုၢ်အပှ့ၤဒီးမၤတၢ်တုၤ လၢမုၢ်နၤယိာ်ဒၣ်လဲာ်လီၤ.

လံာ်ပှၤစံၣ်တဲၤတဲလီၤတၢ် 9:5

ပှၤအမူတဖၣ်သ့ၣ်ညါဝဲလၢကဘၣ်သံဝဲ, ဘၣ်ဆၣ်ပှၤသံတဖၣ်တသ့ၣ်ညါ တၢ်နီတမံၤဘၣ်. ခိၣ်ဖးဆူညါလၢအဂီၢ်တအိၣ်ဘၣ်. အဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလၢာ်လၢာ်ဆ့ဆ့လီၤ.

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:20

ဘူးလၢအကသံန့ၣ်ပိာ်မုၣ်လၢအမၤစၢၤအီၤန့ၣ်စံးဘၣ်အီၤ, “အိၣ်ဒီးတၢ်သးဒူတက့ၢ်. နမၤန့ၢ်ဖိခွါတဂၤလီၤ.” ဘၣ်ဆၣ်ဒီးတကနာ်ဃုာ်ဝဲဘၣ်ဒီးတစံးဆၢအီၤတၢ်နီတမံၤဘၣ်.