လံာ်စီၤယိၤဘး 14:2 - Sgaw Karen Common Bible

² ပဒိၣ်ထီၣ်ဒီးဃ့ထီကွံာ်ချ့သဒံးဒ်ဖီတဖၣ်အသိးလီၤ. ပဟါမၢ်ကွံာ်ဒ်တၢ်အကဒုတဖၣ်အသိးန့ၣ်လီၤ.

လံာ်စီၤယိၤဘး 14:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:15

အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

လံာ်စီၤယိၤဘး 15:33

အဝဲကလီၤဂာ်ဒ်စပံးမုၢ်တမုၢ်အသိးလၢအသၣ်တဖၣ် လၢတမံဒံးဘၣ်, လီၤဆှုကွံာ်ဝဲ, ဒီးသ့ၣ်စၤယံးတထံးလၢ အဆှိးတဖၣ်လီၤပလ့ၤကွံာ်န့ၣ်လီၤ.

လံာ်စီၤယိၤဘး 4:20

ပှၤကညီတဂၤကမူဝဲလၢမုၢ်ဂီၤဘၣ်ဆၣ်သံဝဲလၢတၢ်တပာ်သူၣ် ပာ်သးဘၣ်အပူၤတချုးမုၢ်ဟါလီၤဒံးဘၣ်န့ၣ်လီၤ.

လံာ်စီၤယိၤဘး 8:9

ပသးအနံၣ်အလါစှၤအဃိ, ပတသ့ၣ်ညါတၢ်နီတမံၤဘၣ်. ပမုၢ်နံၤတဖၣ်လဲၤပူၤကွံာ်လၢဟီၣ်ခိၣ်အံၤဒ်တၢ်အကဒုအသိး န့ၣ်လီၤ.

စံးထီၣ်ပတြၢၤ 102:11

ယမုၢ်နံၤတဖၣ်လီၤဂာ်ဒ်မုၢ်ဟါအတၢ်ကဒုတဖၣ်အသိး ဒီးယဃ့ထီၣ်ကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 102:12

မ့မ့ၢ်နဲဒၣ်နၤ, ယွၤဧၢ, နပၢတၢ်လီၤစိၤလီၤထီ ဒီးနတၢ်မံၤဟူသၣ်ဖျါန့ၣ် ကအိၣ်ဝဲဆိးဝဲလၢ ကယဲၢ်စိၤခဲလၢာ်အပူၤလီၤ.

စံးထီၣ်ပတြၢၤ 102:5

လၢယတၢ်ကအုကစွါသီၣ်ဒိၣ်ဝဲအဃိ ယဖှံၣ်လီၤဃဲၤလီၤကွံာ်လီၤ.

စံးထီၣ်ပတြၢၤ 144:4

အဝဲလီၤဂာ်ဒ်တၢ်သါတဘီအသိး ဒီးအမုၢ်နံၤတဖၣ်မၤအသးဒ်တၢ်အကဒုလၢ အလဲၤပူၤကွံာ်အသိးန့ၣ်လီၤ.

စံးထီၣ်ပတြၢၤ 37:2

အဂ့ၢ်ဒ်အံၤ, တယံာ်ဘၣ်ဒီး အဝဲသ့ၣ်ကလီၤညွံးကွံာ်ဝဲဒ်တပံၢ်အသိး ဒီးကဃ့ထီကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 39:5

ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 39:7

ကစၢ်ဧၢ, ခဲကနံၣ်အံၤယမုၢ်လၢ်တၢ်မနုၤသ့လဲၣ်. ယတၢ်မုၢ်လၢ်အိၣ်လၢနပူၤလီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

လံာ်ပှၤစံၣ်တဲၤတဲလီၤတၢ် 8:13

မ့မ့ၢ်လၢပှၤတတီတလိၤအဂီၢ်န့ၣ်, တၢ်တလဲၤအသးဂ့ၤဂ့ၤဒ်န့ၣ်ဘၣ်. အဝဲသ့ၣ်အတၢ်အိၣ်မူလီၤဂာ်ဒ်တၢ်ကဒုအသိးဒီးအဝဲသ့ၣ်ကသံဖဲ အသးစၢ်ဒံးလီၤ. အဂ့ၢ်ဒ်အံၤ, အဝဲသ့ၣ်တစူၢ်ကစၢ်ယွၤဘၣ်အဃိလီၤ.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.