19 ထံဧိၤနိဧိၤကယွၤလီၤအီၣ်ကွံာ်လၢၢ်ဧိၤလ့ဧိၤ, ဒီးတၢ်စူၤဖးဒိၣ် ကယွၤစိာ်ကွံာ်ဟီၣ်ခိၣ်ညၣ်ထ့ၣ်လီၤ. ဒီးနမၤဟးဂီၤကွံာ်ပှၤ ကညီအတၢ်မုၢ်လၢ်လၢအတၢ်အိၣ်မူအဂီၢ်ဒ်န့ၣ်အသိးလီၤ.
ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.
ဒီးအကတီၢ်တုၤဝဲလၢကစၢၢ်ကလိတဖၣ်လီၤပှီၢ်ကွံာ်ဝဲဒီးလၢၢ် မုၢ်လ့တီတဖၣ်သုးယံၤကွံာ်အသးန့ၣ်လီၤ.
ယတၢ်မုၢ်လၢ်တမံၤမံၤကအိၣ်ဖဲလဲၣ်. မတၤကထံၣ်ယတၢ်မုၢ်လၢ်တမံၤ မံၤန့ၣ်လဲၣ်.
အဝဲတီၢ်ပကူၣ်လီၤသဘှံးယၤဝးတရံးန့ၣ်လီၤ. အဝဲထဲးထီၣ်ကွံာ် ယတၢ်မုၢ်လၢ်ဒီးပာ်တီၢ်ယၤဒ်သိးယကလီၤညွံးဒီးသံကွံာ်န့ၣ်လီၤ.
အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.
ပှၤလၢအတယူးတယီၣ်ဘၣ်ယွၤတဖၣ်န့ၣ်တုၤအဆၢကတီၢ်ဘၣ် ဝဲလၢကစၢ်ယွၤကဟံးထီၣ်ကွံာ်အသးသမူဒီးအတၢ်မုၢ်လၢ်မ့ၢ်မနုၤ တမံၤလဲၣ်.
ယမုၢ်နံၤမုၢ်သီသ့ၣ်တဖၣ်လဲၤပူၤကွံာ်ဝဲလၢတၢ်မုၢ်လၢ်တအိၣ် ဘၣ်အပူၤ, ဒီးလဲၤပူၤကွံာ်ဝဲချ့န့ၢ်ပှၤထါထၣ်ဖိအလုၣ်ထွံ တက့ၢ်န့ၣ်လီၤ.
ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.