လံာ်စီၤယိၤဘး 14:14 - Sgaw Karen Common Bible

¹⁴ ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

လံာ်စီၤယိၤဘး 14:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:34

ဘၣ်ဆၣ်ဒီးစီၤဘၢ်စံးလဲစံးဆၢဝဲဒၣ်, “ယတအိၣ်မူဘၣ်ယံာ်ယံာ်လၢၤဘၣ်. ဘၣ်မနုၤအဃိယကဘၣ်လဲၤဃုာ်ဒီးနဲဒၣ်တၢ်ဒိၣ် ကစၢ်စီၤပၤဆူဝ့ၢ်ယရူၤၡလ့ၣ်န့ၣ်လဲၣ်.

လံာ်စီၤယိၤဘး 13:15

ကယဲၢ်ယတၢ်မုၢ်လၢ်ခဲလၢာ်န့ၣ်လီၤမၢ်ကွံာ်, ကစၢ်ယွၤမ့ၢ် မၤသံယၤဒီးကဘၣ်တၢ်မနုၤလဲၣ်. ယကပာ်ဖျါထီၣ်ယတၢ်ဂ့ၢ် လၢအီၤလီၤ.

လံာ်စီၤယိၤဘး 14:13

ယဆၢလၢနကပာ်ခူသူၣ်ယၤလၢတၢ်သံအကီၢ်ပူၤန့ၣ်လီၤ. ပျဲယဘၣ်တၢ်ပာ်ခူသူၣ်ယၤတုၤလီၤလၢနတၢ်သးထီၣ်ယၤပူၤ ကွံာ်ဒီးပာ်လီၤတၢ်ဆၢကတီၢ်လၢနကသ့ၣ်နီၣ်ထီၣ်က့ၤယၤန့ၣ် တက့ၢ်.

လံာ်စီၤယိၤဘး 14:15

အန့ၣ်ဒီးနကကိးထီၣ်ယၤဒီးယကစံးဆၢနၤဒီးနကဘၣ်သူၣ် ဘၣ်သးယၤ, နတၢ်ဘၣ်တ့န့ၣ်လီၤ.

လံာ်စီၤယိၤဘး 14:5

ပှၤကညီအတၢ်အိၣ်မူအမုၢ်နံၤမုၢ်သီးဒီးအနံၣ်အလါတဖၣ်လၢ အအိၣ်မူဝဲန့ၣ်နစံၣ်ညီၣ်ပာ်စၢၤအီၤန့ၣ်လီၤ. နပာ်လီၤတ့ၢ်လံတၢ်အံၤ ဒီးဘၣ်တၢ်လဲလိာ်က့ၤအီၤတသ့ဘၣ်.

လံာ်စီၤယိၤဘး 20:7

ဘၣ်ဆၣ်အဝဲကဘၣ်တၢ်အူဒံကွံာ်အီၤဒ်ဖၣ်ကမူၣ်အသိးန့ၣ်လီၤ. ပှၤလၢအသ့ၣ်ညါညီနုၢ်အီၤတဖၣ် ကကမၢကမၣ်လၢ မ့ၢ်အဝဲသ့ၣ်လဲၤတုၤဆူလဲၣ်န့ၣ်လီၤ.

လံာ်စီၤယိၤဘး 42:16

တၢ်န့ၣ်အလီၢ်ခံစီၤယိၤဘးမူဒံးဝဲအနံၣ်တကယၤလွံၢ်ဆံ, ဒီးထံၣ်ဘၣ်အဖိခွါတဖၣ်, ဒီးအဖိခွါတဖၣ်အဖိခွါလွံၢ်စိၤ လီၤ.

လံာ်စီၤယိၤဘး 7:1

ပှၤကညီအတၢ်အိၣ်မူလၢဟီၣ်ခိၣ်ချၢအံၤလီၤဂာ်ဒီးသုးမုၢ်အတၢ် မၤလၢအအိၣ်ဒီး, တၢ်မၤဆူၣ်မၤနၢၤ, ဒ်ပှၤဒိးလဲအသးအတၢ်အိၣ်မူအဆူၣ်အကိၢ်အသိး,

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

လံာ်ပှၤစံၣ်တဲၤတဲလီၤတၢ် 3:20

အဝဲသ့ၣ်ကလဲၤဆူတၢ်လီၢ်တပူၤဃီဆူဟီၣ်ခိၣ်အကမူၣ်န့ၣ်လီၤ. ဟဲထီၣ်လၢဟီၣ်ခိၣ်အကမူၣ်ဒီးကက့ၤဆူဟီၣ်ခိၣ်အကမူၣ်န့ၣ်လီၤ.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

မၤတၢ် 26:8

ဘၣ်မနုၤအဃိသုဝဲသုတနာ်လၢကစၢ်ယွၤဒုးဂဲၤဆၢထၢၣ် သမူထီၣ်က့ၤပှၤသံန့ၣ်လဲၣ်.

ဖံလံးပံၤ 3:21

အဝဲဒၣ်ကလဲလိာ်ကွံာ်ပနီၢ်ခိလၢအဂံၢ်စၢ်ဘါစၢ်လၢ အသံသ့အံၤတဖၣ်, ဒီးဒုးကဲထီၣ်အီၤဒ်အနီၢ်ကစၢ်ဒၣ်ဝဲအနီၢ်ခိလၢအအိၣ်ဒီးတၢ် လၤကပီၤအသိး, ဒီးကသူဝဲတၢ်စိကမီၤလၢအဝဲဒၣ်ဒုးအိၣ်တၢ်ခဲလၢာ်လၢ အတၢ်ပၢအဖီလာ်သ့, တမံၤန့ၣ်လီၤ.

လံာ်လီၣ်ဖျါ 20:13

အန့ၣ်ဝံၤဒီး, ပီၣ်လဲၣ်ဟ့ၣ်ထီၣ်အပှၤသံတဖၣ်လီၤ. တၢ်သံဒီးပျုၤပူၤစ့ၢ်ကီးဟ့ၣ်ထီၣ်ပှၤသံလၢအဝဲသ့ၣ် ဟံးဃာ်တ့ၢ်ဝဲတဖၣ်လီၤ. ဒီးပှၤကိးဂၤဒဲးဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲအသိးန့ၣ်လီၤ.