လံာ်စီၤယိၤဘး 12:6 - Sgaw Karen Common Bible

⁶ ဘၣ်ဆၣ်တၢ်ဟုၣ်တၢ်ဘျၣ်တဖၣ်ဒီးပှၤလၢအယွၤတအိၣ်ဘၣ်တဖၣ်, အယွၤ မ့မ့ၢ်ဒၣ်ထဲအဂံၢ်အဘါဧိၤဒၣ်လဲာ်အိၣ်မူဝဲလၢတၢ်မုာ်တၢ်ပၢၤအပူၤန့ၣ်လီၤ.

လံာ်စီၤယိၤဘး 12:6 Iomraidhean Croise

လံာ်စီၤယိၤဘး 12:5

တၢ်နးတၢ်ဖှီၣ်တအိၣ်ဒီးနၤဘၣ်ဆၣ်နမၤကလိာ်ကလာ်ယၤလီၤ. ပှၤတဂၤလၢဘူးကလီၤဃံၤန့ၣ်နမၤဘၣ်ဒိအီၤလီၤ.

လံာ်စီၤယိၤဘး 12:7

ထိၣ်တဖၣ်ဒီးဆၣ်ဖိကီၢ်ဖိတဖၣ်ဒၣ်လဲာ်အိၣ်ဒီးတၢ်အါမံၤလၢ ကသိၣ်လိနၤန့ၣ်လီၤ.

လံာ်စီၤယိၤဘး 15:13

နသးထီၣ်ကစၢ်ယွၤဒီးနကတိၤဒုၣ်ဒွဲၣ်အီၤလီၤ.

လံာ်စီၤယိၤဘး 22:18

ဘၣ်ဆၣ်ဒီးကစၢ်ယွၤဒုးအိၣ်ဘီၣ်အိၣ်ညီအဝဲသ့ၣ်ဒၣ်လဲာ်န့ၣ်လီၤ. ပှၤတတီတလိၤအတၢ်ကူၣ်တၢ်ဖးတဖၣ်န့ၣ်ယနၢ်တပၢၢ်ဘၣ်လီၤ.

လံာ်စီၤယိၤဘး 24:23

ကစၢ်ယွၤမ့ၢ်ပျဲအအိၣ်မူလၢတၢ်ပူၤဖျဲးအပူၤဒၣ်လဲာ်အမဲာ်ကွၢ် စူၣ်အီၤထီဘိန့ၣ်လီၤ.

လံာ်စီၤယိၤဘး 9:24

ကစၢ်ယွၤဟ့ၣ်လီၤဟီၣ်ခိၣ်ဆူပှၤတတီတလိၤအစုပူၤန့ၣ်လီၤ. မၤဘျီၣ်ကွံာ်ပှၤစံၣ်ညီၣ်ကွီၢ်သ့ၣ်တဖၣ်အမဲာ်လီၤ. ကစၢ်ယွၤမ့ၢ် တမၤတၢ်အံၤဘၣ်ဒီးမ့ၢ်မတၤမၤလဲၣ်.

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

စံးထီၣ်ပတြၢၤ 37:1

တဘၣ်ကိၢ်တၢ်လၢပှၤအအၢအသီအဃိန့ၣ်တဂ့ၤ. တဘၣ်သူၣ်က့ၣ်သးက့ၣ် ပှၤလၢအမၤကမၣ်တၢ်တဂ့ၤ.

စံးထီၣ်ပတြၢၤ 37:35

ယထံၣ်တ့ၢ်ပှၤအၢပှၤသီတဂၤလၢအမၤနၢၤမၤပ့ၤတၢ်, ဒီးဂုၤထီၣ်ပသီထီၣ်ဝဲဒ် လဘၤနိၣ်အသ့ၣ်ဆှိအ့ရ့းအသိးန့ၣ်လီၤ.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 5:27

ဒ်ပှၤလူၤခးအီၣ်တၢ်ဖိတဂၤမၤပှဲၤအထိၣ်တြၤဒီးထိၣ်တဖၣ်အသိးန့ၣ်, အဝဲသ့ၣ်မၤပှဲၤအဟံၣ်တဖၣ်ဒီးတၢ်ဂုာ်ဆူၣ်ပျီဆူၣ်တဖၣ်န့ၣ်လီၤ. အအံၤမ့ၢ်တၢ်လၢအမၤထူးထီၣ်တီၤထီၣ် အဝဲသ့ၣ်ဒီးဒုးဒိၣ်စိဒိၣ်ကမီၤအီၤ,

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ဃဘးကူာ် 1:11

တုၤနုၤတစု, ပှၤလၢအပာ်ထီၣ်အတၢ်စိတၢ် ကမီၤဒ်အကစၢ်အသိးတဖၣ်န့ၣ်လဲၤခီဂာ်တၢ်ဒ်ကလံၤ အသိးဒီးဟါမၢ်ကွံာ်ဝဲလီၤ.”