လံာ်စီၤယိၤဘး 12:4 - Sgaw Karen Common Bible

⁴ ခဲကနံၣ်အံၤယတံၤသကိးတဖၣ်ဒၣ်လဲၣ်နံၤဘၣ်ယၤလီၤ. ယမ့ၢ်ပှၤတီပှၤလိၤဒီးပှၤပာ်ဒ့ၣ်ပာ်ကမၣ်အလီၢ်တအိၣ်ဘၣ် သနာ်က့အဝဲသ့ၣ်နံၤဘၣ်ယၤလီၤ. ဘၣ်ဆၣ်အဆၢအကတီၢ်အိၣ် ဝဲဒၣ်လၢကစၢ်ယွၤစံးဆၢယတၢ်ထုကဖၣ်တဖၣ်န့ၣ်လီၤ.

လံာ်စီၤယိၤဘး 12:4 Iomraidhean Croise

လံာ်စီၤယိၤဘး 11:3

စီၤယိၤဘးဧၢ, မ့ၢ်နဆိကမိၣ်လၢပစံးဆၢနၤတသ့ဘၣ် ဒီးနတၢ်ကတိၤဒုၣ်ဒွဲၣ်တၢ်န့ၣ်တဒုးစံးဒုးကတိၤလၢၤပှၤတၢ်ဘၣ် န့ၣ်ဧါ.

လံာ်စီၤယိၤဘး 12:5

တၢ်နးတၢ်ဖှီၣ်တအိၣ်ဒီးနၤဘၣ်ဆၣ်နမၤကလိာ်ကလာ်ယၤလီၤ. ပှၤတဂၤလၢဘူးကလီၤဃံၤန့ၣ်နမၤဘၣ်ဒိအီၤလီၤ.

လံာ်စီၤယိၤဘး 13:18

ယအိၣ်ကတဲာ်ကတီၤယသးလၢယကပာ်ဖျါထီၣ်ယတၢ်ဂ့ၢ် တၢ်ကျိၤန့ၣ်လီၤ. အဂ့ၢ်ဒ်အံၤယသ့ၣ်ညါလၢယအိၣ်လၢ တၢ်အဘၣ်တခီန့ၣ်လီၤ.

လံာ်စီၤယိၤဘး 16:10

ပှၤဂီၢ်မုၢ်ဒုၣ်ဒွဲၣ်ယၤ, အဝဲသ့ၣ်ကဝီၤဃာ်ယၤဒီးဒဲယဘိးပၤ န့ၣ်လီၤ.

လံာ်စီၤယိၤဘး 16:20

ယတံၤသကိးတဖၣ်ဒုၣ်ဒွဲၣ်ယၤဒီးယမဲာ်ချံလူလီၤမဲာ်ထံလၢ ယကစၢ်ယွၤအမဲာ်ညါန့ၣ်လီၤ.

လံာ်စီၤယိၤဘး 17:2

ပှၤကိးဂၤဒဲးဒုၣ်ဒွဲၣ်ယၤဒီးယထံၣ်ဘၣ်အဝဲသ့ၣ်အတၢ်မၤကိၢ်မၤ ဂီၤယၤန့ၣ်လီၤ.

လံာ်စီၤယိၤဘး 17:6

ဒီးခဲအံၤပှၤဂီၢ်မုၢ်သူတၢ်ကတိၤဒိအံၤထီဒါယၤ, ဒီးယကဲထီၣ်ပှၤလၢအမဲာ်ဘၣ်တၢ်ထူးပှဲာ်အီၤလီၤ.

လံာ်စီၤယိၤဘး 21:3

ပျဲယကကတိၤတၢ်တက့ၢ်. မ့ၢ်ဝံၤန့ၣ်သုသးမ့ၢ်အိၣ်ဒီးကတိၤ ဒုၣ်ဒွဲၣ်တၢ်တက့ၢ်.

လံာ်စီၤယိၤဘး 30:1

မ့မ့ၢ်ခဲကနံၣ်အံၤပှၤလၢအသးစၢ်န့ၢ်ယၤတဖၣ်နံၤဘၣ်ဖၣ်လဲ ယၤလီၤ. အဝဲသ့ၣ်အပၢ်တဖၣ်အလုၢ်အပှ့ၤတအိၣ်တုၤဒၣ်လဲာ် ယသးတအိၣ်လၢယကပျဲအမၤစၢၤယထွံၣ်လၢအကွၢ်ထွဲ ယသိတဖၣ်န့ၣ်ဘၣ်.

လံာ်စီၤယိၤဘး 30:9

ခဲကနံၣ်အံၤအဝဲသ့ၣ်ဟဲဒီးနံၤဘၣ်ယၤလီၤ. ယတမ့ၢ်တၢ်နီတမံၤဘၣ်. မ့မ့ၢ်ယမ့ၢ်ဒၣ်တၢ်လီၤနံၤတမံၤလၢအဝဲသ့ၣ်အဂီၢ်န့ၣ်လီၤ.

လံာ်စီၤယိၤဘး 34:7

မ့ၢ်သုထံၣ်ပှၤလီၤဂာ်ဒ်စီၤယိၤဘးတဂၤဂၤစ့ၢ်ကီးဧါ. အဝဲတပာ်ဖျါအတၢ်ယူးယီၣ်ကစၢ်ယွၤနီတဘျီဘၣ်.

လံာ်စီၤယိၤဘး 6:29

သုလဲၤတလၢကွံာ်အခၢးလံ. ဆိကတီၢ်သုတၢ်စံၣ်ညီၣ်တတီ န့ၣ်တက့ၢ်. စံးအၢစံးသီယၤတဂ့ၤ. ယအိၣ်လၢတၢ်အဘၣ် တကပၤလီၤ.

လံာ်စီၤယိၤဘး 9:21

ယတၢ်ကမၣ်မ့ၢ်တအိၣ် ဒၣ်လဲာ်န့ၣ်, ယတကိၢ်တၢ်လၢ ယဂီၢ်ဒၣ်ယဲဘၣ်. ယသးဘၣ်အၢလီၤက့ၤယတၢ်အိၣ်မူဒၣ်ယဲလီၤ.

စံးထီၣ်ပတြၢၤ 35:16

လၢတၢ်တယူးယီၣ်ပာ်ကဲဘၣ်တၢ်အပူၤ အဝဲသ့ၣ်မၤတရီတပါယၤအါထီၣ်ဒီး အ့ၣ်စဃံးအမဲလၢယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

တၢ်ကတိၤဒိ. 14:2

တၢ်အိၣ်မူတီတီလိၤလိၤမ့ၢ်နတၢ်ပာ်ဖျါထီၣ်နအိၣ်ဒီးတၢ်ပျံၤ ယွၤလီၤ. တၢ်အိၣ်မူတတီတလိၤန့ၣ်မ့ၢ်နတၢ်ပာ်ဖျါထီၣ်လၢနတအိၣ် ဒီးတၢ်ပျံၤအီၤဘၣ်လီၤ.

လံာ်ယံးရမံယၤ 20:7

ယွၤဧၢ, နလံၣ်န့ၢ်လီန့ၢ်ယၤ ဒီးယဘၣ်တၢ်လံၣ်န့ၢ်လီန့ၢ်ယၤလံ. နဂံၢ်ဆူၣ်ဘါဆူၣ်န့ၢ်ယၤတက့ၢ် ဒီးနမၤနၢၤကွံာ်ယၤလီၤ. ပှၤခဲလၢာ်နံၤဘၣ်ဖၣ်လဲယၤ ဒီးဒုၣ်ဒွဲၣ်ပယွဲယၤကိးမုၢ်နံၤမုၢ်နၤဒဲးန့ၣ်လီၤ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်မးသဲ 27:29

တုၤနုၤတစုအဝဲသ့ၣ်မၤန့ၢ်အီၤလၢတၤဆှုၣ်အခိၣ်သလုးတဖျၢၣ်, ဒီးဒုးကၢၢ်ထီၣ်အီၤဝံၤ, ဟ့ၣ်ဒုးစိာ်အီၤတပိၢ်တဘိလၢအစုထွဲတခီန့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢ ယ့ၣ်ၡူးအမဲာ်ညါ, ဒီးဒုၣ်ဒွဲၣ်နံၤဘၣ်ဖၣ်လဲအီၤဒီးစံး, “ပဟ့ၣ်နၤတၢ်ယူးယီၣ် လီၤယူဒၤအစီၤပၤဧၢ.”

လံာ်မးသဲ 9:24

အဝဲစံးဘၣ်ပှၤတဖၣ်န့ၣ်, “ဟးထီၣ်ကိးဂၤဒဲးတက့ၢ်. ပိာ်မုၣ်ဖိအံၤတသံဘၣ်. မ့ၢ်ဒၣ်အမံဘၣ်အသးလီၤ.” အန့ၣ်ဒီးအဝဲသ့ၣ်နံၤဘၣ်ဖၣ်လဲအီၤလီၤ.

လံာ်မၢ်ကူး 5:40

အဝဲသ့ၣ်တဖၣ်နံၤဘၣ်ဖၣ်လဲအီၤလီၤ. အန့ၣ်ဒီးဟီထီၣ်ကွံာ်အဝဲသ့ၣ်ခဲလၢာ်ဆူခိဝံၤကိးနုာ်ထဲဖိ သၣ်အမိၢ်အပၢ်ဒီးအပျဲၢ်အဘီၣ်သၢဂၤဒီးလဲၤနုာ် လီၤဝဲဆူဖိသၣ်အိၣ်မံလီၤဝဲအဒၢးပူၤလီၤ.

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.