လံာ်စီၤယိၤဘး 12:25 - Sgaw Karen Common Bible

²⁵ အဝဲသ့ၣ်ဃုကလၢၢ်တၢ်လၢတၢ်ခံးတၢ်နၤအပူၤဒီးဟးကနူၤ ကပၤဒ်ပှၤအိမူၤသံးတဖၣ်အသိးန့ၣ်လီၤ.

လံာ်စီၤယိၤဘး 12:25 Iomraidhean Croise

လံာ်တၢ်ကဲထီၣ်အခီၣ်ထံး 19:11

အန့ၣ်ဝံၤဒီး, အဝဲသ့ၣ်မၤဘျီၣ်ကွံာ်ကယဲၢ်ပှၤပိာ်ခွါခဲလၢာ်လၢ တၢ်ချၢသ့ၣ်တဖၣ်အမဲာ်ဒ်သိးအသုတထံၣ်န့ၢ်တြဲၤတဂ့ၤန့ၣ်လီၤ.

လံာ်စီၤယိၤဘး 18:6

မ့ၣ်အူဒၢလၢအဝဲအဒဲပူၤကလီၤပံာ်ကွံာ်ဝဲဒၣ်န့ၣ်လီၤ.

လံာ်စီၤယိၤဘး 5:14

လၢမုၢ်ထူၣ်အကတီၢ်ဒၣ်လဲာ်န့ၣ်အဝဲသ့ၣ်ဃုကလၢၢ်တၢ်ဒ်လၢ မုၢ်နၤအသိးန့ၣ်လီၤ.

စံးထီၣ်ပတြၢၤ 107:27

လဲၤကပံၢ်ကပၢ်ဝ့ၤဝီၤတၢ်ဒီးလဲၤကနူၤကပၤ ဒ်ပှၤအီမူၤသံးအသိးန့ၣ်, ဒီးအတၢ်ကူၣ်သ့လၢာ်ကွံာ်ဝဲခဲလၢာ်လီၤ.

လံာ်ယၡါယၤ 19:14

ယွၤမၢအဝဲသ့ၣ်ဟ့ၣ်တၢ်ဟ့ၣ်ကူၣ်သဘံၣ်ဘုၣ်တဖၣ်လီၤ. မၤသးဒ်န့ၣ်ဒီး, ကီၢ်အဲၤကူပတူးမၤတၢ်လၢအကမၣ်ခဲလၢာ် ဒီးလဲၤကနူၤကပၤလီၤဂာ်ဒီးပှၤအီမူၤသံးတဂၤလၢအခီၣ်တလံာ် လၢအတၢ်ဘှိးဒၣ်ဝဲအလိၤန့ၣ်လီၤ.

လံာ်ယၡါယၤ 24:20

ဟီၣ်ခိၣ်အကစၢ်ဒၣ်ဝဲကလဲၤကနူၤနူၤကပၤပၤဒ်ပှၤလၢအအီမူၤ သံးတဂၤအသိး, ဒီးယဲာ်ယီာ်အသးဒ်ဒဲတဖျၢၣ်လၢကလံၤ မုၢ်တွၤအပူၤအသိးလီၤ. ဟီၣ်ခိၣ်ဘၣ်တၢ်ထုးဃၢအီၤလၢ အတၢ်ဒဲးဘးတဖၣ်ဒၣ်ဝဲအဃိ, ဒီးကလီၤပှီၢ်ကွံာ်ဝဲဒီးတဆၢ ထၢၣ်က့ၤနီတစုလၢၤဘၣ်.

လံာ်ယၡါယၤ 59:10

ဒီးပပုာ်ပလၢၢ်တၢ်ဒ်ပှၤဂီၢ်မုၢ်လၢအမဲာ်ဘျီၣ်အသိးန့ၣ်လီၤ. လၢမုၢ်ထူၣ်အကတီၢ်န့ၣ်ပခီၣ်ဘၣ်တိၢ်ဒ်ပှၤလဲၤတၢ်လၢမုၢ်နၤခီ အသိး, မၤသးဒ်ပအိၣ်လၢပှၤသံအကီၢ်လၢအခံးတဘ့ၣ်အပူၤ အသိးန့ၣ်လီၤ.

မၤတၢ် 13:11

ခဲကနံၣ်အံၤကစၢ်အတၢ်စံၣ်ညီၣ်ကလီၤဘၣ်နၤ, နမဲာ်ကဘျီၣ်ဒီးတထံၣ်ဘၣ်မုၢ်ဆါခီအတၢ်ကပီၤလၢတစိၢ်တလီၢ် အတီၢ်ပူၤလီၤ.” တဘျီဃီဖဲန့ၣ်, အဝဲအမဲာ်ကွၢ်တၢ်ဖျါကဒုကယီၢ်ဝံၤခံးလီၤ ကွံာ်, ဒီးအဝဲဒၣ်ဟးဝ့ၤဝီၤကလၢၢ်တၢ်ဒ်သိးအကထံၣ်န့ၢ်ပှၤလၢ အကဟံးဃာ်အစုဒီးဆှၢအီၤန့ၣ်လီၤ.

လံာ်သိၣ်လီၤသီလီၤတၢ် 28:29

သုကဟးပုာ်ကလၢၢ်တၢ်လၢမုၢ်ထူၣ်အခါဒ်ပှၤမဲာ်ဘျီၣ်တဂၤအသိး, ဒီးသုဃုထံၣ်သုကျဲတသ့ဝဲဘၣ်. လၢသုမၤတၢ်တမံၤလၢ်လၢ်အပူၤန့ၣ်, သုတဘီၣ်ထီၣ်ညီထီၣ်ဘၣ်. သုကဘၣ်တၢ်မၤနၢၤမၤပ့ၤသုဒီးဂုာ်န့ၢ်ဝာ်န့ၢ်သုတပယူာ်ဃီ ဒီးပှၤတအိၣ်ဘၣ်လၢကမၤစၢၤသုနီတဂၤဘၣ်.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.