လံာ်စီၤယိၤဘး 12:23 - Sgaw Karen Common Bible

²³ အဝဲဒုးဆူၣ်ထီၣ်ဒီးဒုးဒိၣ်ထီၣ်ပှၤကလုာ်တဖၣ်န့ၣ်လီၤ. ဘၣ်ဆၣ်အဝဲမၤနၢၤကွံာ်ဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်စီၤယိၤဘး 12:23 Iomraidhean Croise

စံးထီၣ်ပတြၢၤ 107:38

မ့ၢ်လၢအတၢ်ဆိၣ်ဂ့ၤဆိၣ်ဝါအဃိ, အပှၤဂီၢ်မုၢ်အါထီၣ်ဂီၢ်ထီၣ်ဒိၣ်မး, ဒီးအဝဲတပျဲအဝဲသ့ၣ်အဆၣ်ဖိကီၢ်ဖိ ဆံးလီၤစှၤလီၤန့ၣ်ဘၣ်.

စံးထီၣ်ပတြၢၤ 107:39

တုၤကစၢ်ယွၤအပှၤဂီၢ်မုၢ်တဖၣ်ဘၣ်တၢ်မၤနၢၤအီၤ ဒီးဘၣ်တၢ်ဆီၣ်ဘံၣ်ဆီၣ်ဘၢအီၤလၢ တၢ်မၤနၢၤမၤဃၣ်နးနးကလဲာ်ဒီး တၢ်တူၢ်ဘၣ်ခီၣ်ဘၣ်န့ၣ်,

လံာ်တၢ်ဟးထီၣ်ကွံာ် 1:20

ဒီးကစၢ်ယွၤမၤဂ့ၤပှၤကွၢ်ပဟုးတဖၣ်ဒီးပှၤဂီၢ်မုၢ်အါထီၣ်ဒီး ဆူၣ်ထီၣ်ဒိၣ်မးန့ၣ်လီၤ.

လံာ်တၢ်ဟးထီၣ်ကွံာ် 1:7

မ့မ့ၢ်အဝဲသ့ၣ်အစၢၤအသွဲၣ်လၢအမ့ၢ်ဝဲပှၤအံၣ်စရ့လးဖိတဖၣ် န့ၣ်, အိၣ်ဒီးအဖိအလံၤအါဂၤ, ဒီးအါထီၣ်ဂီၢ်ထီၣ်ဝဲဒီးဆူၣ်ထီၣ်ဝဲ တုၤကီၢ်အဲၤကူပတူးအိၣ်ပှဲၤဒီးအဝဲသ့ၣ်တဖၣ်န့ၣ်လီၤ.

လံာ်ယၡါယၤ 26:15

ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ယၡါယၤ 9:3

ယွၤဧၢ, နဟ့ၣ်တ့ၢ်အဝဲသ့ၣ်လၢတၢ်သးခုဖးဒိၣ်, ဒီးနမၤသူၣ်ဖှံသးညီတ့ၢ်အဝဲသ့ၣ်န့ၣ်လီၤ. အဝဲသ့ၣ်သးမုာ်သးခုဝဲလၢတၢ်လၢနမၤတ့ၢ်, ဒ်ပှၤသးမုာ်သးခုဝဲဖဲအဝဲသ့ၣ်ကူးက့ၤဘုခ့အကတီၢ်, မ့တမ့ၢ်, ဖဲအဝဲသ့ၣ်နီၤဟ့ၣ်လိာ်အသးလၢတၢ် ထူးတၢ်တီၤလၢအဂုာ်န့ၢ်ဝဲအကတီၢ်, အသိးန့ၣ်လီၤ.

လံာ်ယံးရမံယၤ 30:19

ပှၤဂီၢ်မုၢ်လၢ အအိၣ်ဆိးဝဲဖဲန့ၣ်, ကသးဝံၣ်စံးထီၣ်ပတြၢၤတၢ်, အဝဲသ့ၣ်ကကိးထီၣ်တၢ်လၢ တၢ်သးခုအပူၤန့ၣ်လီၤ. လၢယတၢ်ဆိၣ်ဂ့ၤအဃိန့ၣ်, အဝဲသ့ၣ်ကအါထီၣ်ဝဲလၢ အနီၣ်ဂံၢ်, ယတၢ်ဆိၣ်ဂ့ၤ ကဟဲစိာ်န့ၢ်အဝဲသ့ၣ်လၢ တၢ်လၤကပီၤ န့ၣ်လီၤ.

လံာ်ယံးရမံယၤ 33:22

ယကမၤအါထီၣ်ယခ့ယပှၤ စီၤဒၤဝံးအစၢၤအသွဲၣ် တဖၣ်အနီၣ်ဂံၢ်, တုၤဒၣ်လဲာ် ပှၤဂံၢ်အဝဲသ့ၣ်တသ့ လၢၤဘၣ်. ဒ်ပှၤဂံၢ်ဆၣ်တဖၣ်လၢ မူကပိာ်လိၤ မ့ၢ်ဂ့ၤ, မဲးဧိၤဟီၣ်ဧိၤလၢ ပီၣ်လဲၣ်ကၢၢ်နံၤမ့ၢ်ဂ့ၤ, တသ့ဝဲဘၣ် အသိးန့ၣ်လီၤ.”

လံာ်စကၤရယၤ 10:8

ယကကိးယပှၤဂီၢ်မုၢ်, ဒီးပာ်ဖှိၣ်က့ၤအဝဲသ့ၣ်တပူၤဃီလီၤ. ယကမၤပူၤဖျဲးအဝဲသ့ၣ် ဒီးမၤအါထီၣ်ဂီၢ်ထီၣ်အဝဲသ့ၣ်ဒ်အညီနုၢ် အဝဲသ့ၣ်မ့ၢ်တ့ၢ်ဝဲအသိးန့ၣ်လီၤ.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.