လံာ်စီၤယိၤဘး 12:22 - Sgaw Karen Common Bible

²² အဝဲဆှၢလီၤတၢ်ကပီၤဆူတၢ်လီၢ်တဖၣ်အခံးဝဲဒ်တၢ်သံအသိး အအိၣ်န့ၣ်လီၤ.

လံာ်စီၤယိၤဘး 12:22 Iomraidhean Croise

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်စီၤယိၤဘး 11:6

ဒီးအဝဲကတဲနၤလၢတၢ်ကူၣ်ဘၣ်ကူၣ်သ့အတၢ်ခူသူၣ်အိၣ်အါမံၤန့ၣ် လီၤ. အဂ့ၢ်ဒ်အံၤတၢ်အိၣ်ဝဲဒၣ်အါမံၤလၢ အယိာ်ကဲာ်ဆိးလၢ ပှၤကညီကနၢ်ပၢၢ်အီၤအဂီၢ်န့ၣ်လီၤ. ကစၢ်ယွၤစံၣ်ညီၣ်နၤအံၤမ့ၢ်တၢ်စှၤန့ၢ်ဒံးနကြၢးဘၣ်တၢ်စံၣ်ညီၣ် တက့ၢ်န့ၣ်လီၤ.

လံာ်စီၤယိၤဘး 24:17

အဝဲသ့ၣ်ပျံၤဝဲမုၢ်ဆါအတၢ်ကပီၤဘၣ်ဆၣ်တၢ်ခံးတၢ်နၤတဟံး ဃာ်တၢ်ပျံၤတၢ်ဖုးလၢအဝဲသ့ၣ်အဂီၢ်ဘၣ်.

လံာ်စီၤယိၤဘး 3:5

ဒုးကဲထီၣ်အီၤလၢတၢ်ခံးဒီးတၢ်ခံးယိာ်အမုၢ်တနံၤန့ၣ်တက့ၢ်. မ်တၢ်အၢၣ်ကျၢၢ်ဘၢအီၤ, မ်မုၢ်အတၢ်ကပီၤသုတလီၤ ဘၣ်လၢအလိၤတဂ့ၤ.

လံာ်စီၤယိၤဘး 34:22

တၢ်ခံးဒီးတၢ်ခံးယိာ်လၢတၢ်ပာ်ခူသူၣ်ပှၤတၢ်ဒဲးဘးဖိ ကသ့ဝဲအလီၢ်န့ၣ်တအိၣ်ဘၣ်လၢကစၢ်ယွၤအမဲာ်ညါဘၣ်.

စံးထီၣ်ပတြၢၤ 139:11

ယမ့ၢ်စံး, “မ်တၢ်ခံးမၤဘံၣ်မၤဘၢယၤ, ဒီးတၢ်ကပီၤအိၣ်ဝးတရံးယၤ ကဲထီၣ်မုၢ်နၤတက့ၢ်.” ဒၣ်လဲာ်,

စံးထီၣ်ပတြၢၤ 139:12

တၢ်ခံးတၢ်နၤန့ၣ်တခံးဘၣ်ဝဲလၢနဂီၢ်ဘၣ်. မုၢ်နၤကပီၤဝဲဒ်မုၢ်ဆါအသိး, အဂ့ၢ်ဒ်အံၤ, တၢ်ခံးမၤသးဒီးနၤဒ် တၢ်ကပီၤအသိးန့ၣ်လီၤ.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

လံာ်ဒၤနံးယ့လး 2:22

အဝဲမၤဖျါထီၣ်တၢ်အယိာ်ဒီးတၢ်ခူသူၣ်အဒိၣ်အယိာ်တဖၣ်လီၤ. သ့ၣ်ညါဝဲတၢ်မနုၤအိၣ်လၢတၢ်ခံးတၢ်နၤအပူၤ, ဒီးအဝဲအနီၢ်ကစၢ်ဒၣ်ဝဲန့ၣ်ဘၣ်တၢ်ကဝီၤဃာ်အီၤလၢတၢ်ကပီၤလီၤ.

လံာ်ဧၤမိၣ် 5:8

ယွၤတ့လီၤဆၣ်တဖၣ်, ဆၣ်ဒၢမုၢ်ဒီးဆၣ်ယိးမါလီၤ. လဲလိာ်ကွံာ်ဝဲတၢ်ခံးတၢ်နၤဆူမုၢ်နံၤအတၢ်ကပီၤ ဒီးမုၢ်နံၤဆူမုၢ်နၤန့ၣ်လီၤ. အဝဲကိးန့ၢ်ပီၣ်လဲၣ်အထံဒီးလူလီၤအီၤလၢ ဟီၣ်ခိၣ်အဖီခိၣ်လီၤ. အမံၤမ့ၢ်ယွၤလီၤ.

လံာ်မးသဲ 10:26

လၢတၢ်န့ၣ်အဃိတဘၣ်ပျံၤပှၤတဖၣ်န့ၣ်တဂ့ၤ. အဂ့ၢ်ဒ်အံၤတၢ်လၢအဘၣ် တၢ်ကးဘၢအီၤလၢအတဘၣ်တၢ်မၤဖျါထီၣ်အီၤန့ၣ်, တအိၣ်ဘၣ်နီတမံၤဘၣ်. ဒီးတၢ်လၢအအိၣ်သဒၢတဖၣ်န့ၣ်, ကဘၣ်တၢ်လီၣ်ဖျါထီၣ်အီၤခဲလၢာ်လီၤ.

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

1 ကရံၣ်သူး 2:10

ဘၣ်ဆၣ်ဒီး, ကစၢ်ယွၤဒုးသ့ၣ်ညါပဝဲသ့ၣ်တဖၣ်လၢအဝဲ အတၢ်ခူသူၣ်ခီဖျိအဝဲအသးစီဆှံန့ၣ်လီၤ. သးစီဆှံဃုထံၣ်န့ၢ်တၢ်ခဲ လၢာ်, တၢ်ခူသူၣ်အဒိၣ်အယိာ်ဘၣ်ဃးဒီးကစၢ်ယွၤအတၢ်တိာ်ပာ် တဖၣ်ဒၣ်လဲာ်န့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.