လံာ်စီၤယိၤဘး 12:13 - Sgaw Karen Common Bible

¹³ ပှၤသးပှၢ်အိၣ်ဝဲဒီးသးအတၢ်သ့ၣ်ညါ, မ့မ့ၢ်ကစၢ်ယွၤအိၣ်ဝဲဒီးသးအတၢ်သ့ၣ်ညါဒီးတၢ်စိ တၢ်ကမီၤလၢကမၤတၢ်အဂီၢ်န့ၣ်လီၤ.

လံာ်စီၤယိၤဘး 12:13 Iomraidhean Croise

လံာ်စီၤယိၤဘး 11:6

ဒီးအဝဲကတဲနၤလၢတၢ်ကူၣ်ဘၣ်ကူၣ်သ့အတၢ်ခူသူၣ်အိၣ်အါမံၤန့ၣ် လီၤ. အဂ့ၢ်ဒ်အံၤတၢ်အိၣ်ဝဲဒၣ်အါမံၤလၢ အယိာ်ကဲာ်ဆိးလၢ ပှၤကညီကနၢ်ပၢၢ်အီၤအဂီၢ်န့ၣ်လီၤ. ကစၢ်ယွၤစံၣ်ညီၣ်နၤအံၤမ့ၢ်တၢ်စှၤန့ၢ်ဒံးနကြၢးဘၣ်တၢ်စံၣ်ညီၣ် တက့ၢ်န့ၣ်လီၤ.

လံာ်စီၤယိၤဘး 12:16

ကစၢ်ယွၤန့ၣ်အဂံၢ်အဘါဆူၣ်ဒီးမၤနၢၤတၢ်ထီဘိန့ၣ်လီၤ. တၢ်လီတၢ်ဝ့ၤဒီးပှၤလီတၢ်ဖိန့ၣ်အိၣ်လၢအဝဲအစိအကမီၤ အဖီလာ်လီၤ.

လံာ်စီၤယိၤဘး 26:12

အဂံၢ်အဘါမ့ၢ်တၢ်လၢအမၤနၢၤပီၣ်လဲၣ်, ဒီးခီဖျိအတၢ်ကူၣ်တၢ် ဆးန့ၣ်အဝဲမၤဟးဂီၤကွံာ်ပီၣ်လဲၣ်ပယိၤရၤဃးန့ၣ်လီၤ.

လံာ်စီၤယိၤဘး 36:5

ကွၢ်ကွၢ်, ကစၢ်ယွၤန့ၣ်ဒိၣ်နီၢ်မးလီၤ. အဝဲတသးဘၣ်အၢဘၣ် ပှၤနီတဂၤဘၣ်. အဝဲဒိၣ်ဝဲဆူၣ်ဝဲဒီးဂၢၢ်ဝဲကျၢၤဝဲလၢအတၢ် တိာ်အပူၤလီၤ.

လံာ်စီၤယိၤဘး 38:36

မတၤပာ်လီၤတ့ၢ်တၢ်ကူၣ်သ့လၢတၢ်အၢၣ်တဖၣ်အကျါ ဒီးမ့ၢ်မတၤဟ့ၣ်တၢ်သ့ၣ်ညါနၢ်ပၢၢ်ဆူဘှ့ၣ်မုၢ်ပစီၤန့ၣ်လဲၣ်.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 147:5

ပယွၤန့ၣ်ဒိၣ်ဝဲ, ဒီးအစိအကမီၤအိၣ်အါမးလီၤ. အတၢ်ကူၣ်သ့ကူၣ်ဘၣ်န့ၣ်တၢ်ထိၣ်အီၤတဲာ်အီၤ တသ့ဘၣ်.

တၢ်ကတိၤဒိ. 8:14

ယအိၣ်ဒီးတၢ်တိာ်ပာ်တဖၣ်ဒီးမၤကဲထီၣ်အီၤလီၤ. ယအိၣ်ဒီးတၢ်သ့ၣ်ညါနၢ်ပၢၢ်ဒီးယဂံၢ်ဆူၣ်ဘါဆူၣ်လီၤ.

လံာ်ယၡါယၤ 31:2

အဝဲသ့ၣ်ညါတၢ်လၢအမၤဝဲန့ၣ်လီၤ. အဝဲမၢလီၤတၢ်ဟးဂူာ်ဟးဂီၤလီၤ. အဝဲမၤထွဲအတၢ်မၤပျံၤမၤဖုးလၢကစံၣ်ညီၣ်ပှၤ အၢပှၤသီတဖၣ်ဒီးပှၤလၢအဒီဒၣ်အိၣ်ပှိၤအဝဲသ့ၣ်န့ၣ်လီၤ.

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ယံးရမံယၤ 10:12

ယွၤတ့လီၤဟီၣ်ခိၣ်လၢအစိကမီၤဒၣ်ဝဲ, ဒီးလၢအတၢ်ကူၣ်သ့န့ၣ် တ့လီၤပာ်လီၤဟီၣ်ခိၣ်ဒီးသလၣ်လီၤမူခိၣ်အလီၢ်တဖၣ်လီၤ.

လံာ်ဒၤနံးယ့လး 2:20

ဒီးစီၤဒၤနံးယ့လးစံးဝဲဒၣ်, “ကစၢ်ယွၤမ့ၢ်တၢ်ကူၣ်သ့ဒီး အစိအကမီၤဒိၣ်ဝဲလီၤ. စံးထီၣ်ပတြၢၤအီၤအစိၤစိၤအဃၣ်ဃၣ်တက့ၢ်.

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

ရိမ့ၤ 11:34

ဒ်တၢ်ကွဲးအသးစီဆှံစံးဝဲအသိး, “မတၤသ့ၣ်ညါကစၢ်အသးတဂၤလဲၣ်. မတၤဟ့ၣ်ကူၣ်ဟ့ၣ်ဖးအီၤကသ့တဂၤလဲၣ်.

1 ကရံၣ်သူး 1:24

ဘၣ်ဆၣ်ဒီးလၢပှၤလၢကစၢ်ယွၤကိးတ့ၢ်အီၤတဖၣ်, ပှၤယူဒၤဖိဒီးပှၤကလုာ်ဂၤခံဖုလၢာ်အဂီၢ်န့ၣ်, တၢ်ကစီၣ်အဝဲအံၤ မ့ၢ်ခရံာ်လၢအမ့ၢ်ကစၢ်ယွၤအစိကမီၤဒီးကစၢ်ယွၤအတၢ်ကူၣ်ဘၣ် ကူၣ်သ့န့ၣ်လီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:8

တၢ်ဘျုးတၢ်ဖှိၣ်လၢအလူလီၤဂၢ်လီၤဝဲလၢပလိၤဒိၣ်ဒိၣ် အါအါန့ၣ်လီၤ.

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.